PM Modi: മോദി ഇന്ന് കര്ണാടകയിലും ഗോവയിലും; ശ്രീരാമപ്രതിമ അനാവരണം ചെയ്യും
PM to unveil 77 feet bronze statue of Shri Ram: നരേന്ദ്ര മോദി ഇന്ന് കര്ണാടകയും ഗോവയും സന്ദര്ശിക്കും. രാവിലെ 11.30-ഓടെ മോദി ഉഡുപ്പിയിലെ ശ്രീകൃഷ്ണ മഠത്തിലെത്തും. ലക്ഷ കണ്ഠ ഗീതാപാരായണ പരിപാടിയിൽ പ്രധാനമന്ത്രി പങ്കെടുക്കും
ന്യൂഡല്ഹി: പ്രധാനമന്ത്രി നരേന്ദ്ര മോദി ഇന്ന് കര്ണാടകയും ഗോവയും സന്ദര്ശിക്കും. രാവിലെ 11.30-ഓടെ മോദി ഉഡുപ്പിയിലെ ശ്രീകൃഷ്ണ മഠത്തിലെത്തും. ലക്ഷ കണ്ഠ ഗീതാപാരായണ പരിപാടിയിൽ പ്രധാനമന്ത്രി പങ്കെടുക്കും. വിദ്യാർത്ഥികൾ, സന്യാസിമാർ, പണ്ഡിതർ, ഭക്തർ എന്നിവരുൾപ്പെടെ ഒരു ലക്ഷം പേർ പേര് ഭക്തിസാന്ദ്രമായ ഈ പരിപാടിയില് പങ്കെടുക്കുമെന്നാണ് പ്രതീക്ഷിക്കുന്നത്. ദ്വൈത വേദാന്ത പാരമ്പര്യത്തിന്റെ വക്താവായ മാധവാചാര്യരാണ് 800 വർഷങ്ങൾക്ക് മുമ്പ് ഉഡുപ്പിയിലെ ശ്രീകൃഷ്ണ മഠം സ്ഥാപിച്ചത്.
ശ്രീകൃഷ്ണ ക്ഷേത്രത്തിന് മുന്നിൽ സ്ഥിതി ചെയ്യുന്ന സുവർണ്ണ തീർത്ഥ മണ്ഡപം പ്രധാനമന്ത്രി ഉദ്ഘാടനം ചെയ്യും. തുടര്ന്ന് ഗോവയിലേക്ക് പോകും. ശ്രീ സംസ്താൻ ഗോകർൺ പാർതഗലി ജീവോത്തമഠത്തിന്റെ 550-ാം വാർഷികത്തോടനുബന്ധിച്ച് നടക്കുന്ന ശാർദ്ധ പഞ്ചശതമാനോത്സവത്തിൽ പങ്കെടുക്കാനാണ് മോദി ഗോവ സന്ദര്ശിക്കുന്നത്. ഉച്ചകഴിഞ്ഞ് 3:15 ന് ശ്രീ സംസ്താൻ ഗോകർൺ പാർതഗലി ജീവോത്ത മഠം സന്ദർശിക്കും.
Also Read: Ayodhya Flag: പ്രധാനമന്ത്രി രാമക്ഷേത്രത്തിൽ പവിത്രമായ കാവി പതാക ഉയർത്തി
ശ്രീസംസ്ഥാന് ഗോകര്ണ് പാര്ട്ടഗലി ജീവോത്തമഠത്തില് വെങ്കലത്തില് നിര്മ്മിച്ച 77 അടി ഉയരമുള്ള ശ്രീരാമപ്രതിക മോദി അനാവരണം ചെയ്യും. ഏഷ്യയിലെ ഏറ്റവും ഉയരം കൂടിയ രാമപ്രതിമയാണത്. മഠം വികസിപ്പിച്ചെടുത്ത ‘രാമായണ തീം പാർക്ക് ഗാർഡൻ’ അദ്ദേഹം ഉദ്ഘാടനം ചെയ്യും. പ്രത്യേക തപാൽ സ്റ്റാമ്പും സ്മാരക നാണയവും അദ്ദേഹം പുറത്തിറക്കും.
തുടര്ന്ന് നടക്കുന്ന പൊതുസമ്മേളനത്തില് മോദി സംസാരിക്കും. ആദ്യത്തെ ഗൗഡ സരസ്വത ബ്രാഹ്മണ വൈഷ്ണവ മഠമാണ് ശ്രീ സംസ്ഥാൻ ഗോകർൺ പാർട്ടഗലി ജീവോത്തമഠം. കുശാവതി നദിയുടെ തീരത്തുള്ള ദക്ഷിണ ഗോവയിലെ ഒരു ചെറിയ പട്ടണമായ പാർടഗലിയിലാണ് മഠത്തിന്റെ ആസ്ഥാനം.
