Tamilnadu Assault News: ഇൻസ്റ്റഗ്രാം വഴി പരിചയപ്പെട്ട 17കാരിയെ പീഡിപ്പിച്ചു; യുവാവിനെതിരെ പോക്സോ കേസ്
Tamilnadu Assault News:ഇൻസ്റ്റഗ്രാം വഴി പരിചയപ്പെട്ട ഇരുവരും പിന്നീട് മൊബൈൽ നമ്പറുകൾ കൈമാറുകയും നിരന്തരം ഫോണിൽ സംസാരിക്കാറുണ്ടായിരുന്നു. കഴിഞ്ഞ ജൂൺ എട്ടിന് പെൺകുട്ടി സ്കൂളിലേക്ക് പോയ സമയത്ത് അവിടെയെത്തിയ പ്രതിയും സത്താനൂർ അണക്കെട്ട് കാണാം എന്ന് പറഞ്ഞ് പെൺകുട്ടിയെ തന്റെ ഇരുചക്രവാഹനത്തിൽ കൂട്ടിക്കൊണ്ടു പോവുകയായിരുന്നു.............
രാസിപുരം: സോഷ്യൽ മീഡിയ വഴി സൗഹൃദം സ്ഥാപിച്ച പ്ലസ് ടു വിദ്യാർഥിനിയെ ആളൊഴിഞ്ഞ സ്ഥലത്തെത്തി പീഡിപ്പിച്ച സംഭവത്തിൽ യുവാവിനെ പോലീസ് അറസ്റ്റ് ചെയ്തു. തിരുവണ്ണാമല തണ്ടാരംപട്ടി സ്വദേശി കറുപ്പൻ ആണ് പിടിയിലായത്. 28 വയസ്സുകാരനായ ഇയാളെ രാസിപുരം വനിതാ പോലീസ് ആണ് പിടികൂടിയത്.
നാമക്കൽ ജില്ലയിലെ രാസിപുരത്തുള്ള സർക്കാർ സ്കൂളിൽ പഠിക്കുന്ന 17 വയസ്സുകാരിയായ വിദ്യാർഥിനിയെയാണ് ഇയാൾ മാസങ്ങൾക്ക് മുമ്പ് ഇൻസ്റ്റാഗ്രാം വഴി പരിചയപ്പെടുകയും ഇപ്പോൾ പീഡനത്തിരയാക്കുകയും ചെയ്തത്.
സത്താനൂർ അണക്കെട്ട് കാണാം എന്നു പറഞ്ഞു കൊണ്ടുപോയി
ഇൻസ്റ്റഗ്രാം വഴി പരിചയപ്പെട്ട ഇരുവരും പിന്നീട് മൊബൈൽ നമ്പറുകൾ കൈമാറുകയും നിരന്തരം ഫോണിൽ സംസാരിക്കാറുണ്ടായിരുന്നു. കഴിഞ്ഞ ജൂൺ എട്ടിന് പെൺകുട്ടി സ്കൂളിലേക്ക് പോയ സമയത്ത് അവിടെയെത്തിയ പ്രതിയും സത്താനൂർ അണക്കെട്ട് കാണാം എന്ന് പറഞ്ഞ് പെൺകുട്ടിയെ തന്റെ ഇരുചക്രവാഹനത്തിൽ കൂട്ടിക്കൊണ്ടു പോവുകയായിരുന്നു എന്നാണ് റിപ്പോർട്ട്.
തുടർന്ന് അണക്കെട്ടിനു സമീപത്തുള്ള ആളൊഴിഞ്ഞ സ്ഥലത്ത് എത്തിച്ച് പെൺകുട്ടിയെ ക്രൂരമായ പീഡനത്തിനിരയാക്കി. അതിനുശേഷം കുട്ടിയെ സ്കൂളിന് സമീപം ഇറക്കി വിട്ട് പ്രതി കടന്നു കളയുകയായിരുന്നു എന്നാണ് റിപ്പോർട്ട്.
എന്നാൽ പെൺകുട്ടി വൈകി വീട്ടിൽ തിരിച്ചെത്തിയപ്പോൾ മാതാപിതാക്കൾ വിവരങ്ങൾ തിരക്കിയപ്പോഴാണ് കുട്ടി പീഡനത്തിനിരയായ വിവരം പുറത്തറിയുന്നത്.തുടർന്ന് മാതാപിതാക്കളുടെ പരാതിയെ തുടർന്ന് രാസിപുരം ഓൾ വനിത പോലീസ് സ്റ്റേഷനിൽ കേസ് രജിസ്റ്റർ ചെയ്യുകയായിരുന്നു. ശേഷം പെൺകുട്ടിയുടെ മൊബൈൽ ഫോൺ കേന്ദ്രീകരിച്ച് നടത്തിയ അന്വേഷണത്തിലാണ് പ്രതിയെ തിരിച്ചറിഞ്ഞത്.
ഇൻസ്റ്റഗ്രാം വഴിയാണ് പ്രതി പെൺകുട്ടിയെ വലയിൽ ആക്കിയത് എന്നാണ് തിരിച്ചറിയുന്നത്. ഇയാൾക്കെതിരെ പോക്സോ ഉൾപ്പെടെയുള്ള കർശന വകുപ്പുകൾ ചുമത്തിയാണ് പോലീസ് അറസ്റ്റ് ചെയ്തത്. പീഡനത്തിനിരയായ പെൺകുട്ടിയെ വൈദ്യ പരിശോധനകൾക്ക് വേണ്ടി സർക്കാർ ആശുപത്രിയിൽ പ്രവേശിപ്പിച്ചു. സോഷ്യൽ മീഡിയ വഴിയുള്ള ചതിക്കുഴിയിൽ വിദ്യാർത്ഥിനി അകപ്പെട്ട സംഭവത്തിൽ പ്രദേശത്ത് വലിയ ജനരോഷമാണ് ഉടലെടുത്തത്.
ENGLISH SUMMARY
Tamilnadu police have arrested a young man for raping a Plus Two student whom he had befriended through social media in a deserted place. The arrest has been made by Karuppan, a native of Thandarampatti, Tiruvannamalai. The 28-year-old man was arrested by the Rasipuram Women’s Police.The two, who met through Instagram, later exchanged mobile numbers and used to talk on the phone regularly. It is reported that on June 8, when the girl was going to school, the accused arrived and took the girl on his two-wheeler, saying that they would see the Sattanur Dam.
