World Heritage Committee session: 46-ാമത് ലോക പൈതൃക സമിതി സമ്മേളനം പ്രധാനമന്ത്രി മോദി ഇന്ന് ഉദ്ഘാടനം ചെയ്യും
PM Modi to inaugurate 46th World Heritage: യുനെസ്കോ ഡയറക്ടർ ജനറൽ ഓഡ്രി അസോലെ, വിവിധ രാജ്യങ്ങളിലെ സാംസ്കാരിക മന്ത്രിമാർ, അംബാസഡർമാർ, വിദഗ്ധർ എന്നിവരും യോഗത്തിൽ പങ്കെടുക്കും. കേന്ദ്ര സാംസ്കാരിക മന്ത്രാലയമാണ് യുനെസ്കോയുടെ സഹകരണത്തോടെ പരിപാടി സംഘടിപ്പിക്കുന്നത്.
World Heritage Committee session will take place at Bharat Mandapam.
ന്യൂഡൽഹി : യുനെസ്കോയുടെ 46-ാമത് ലോക പൈതൃക സമിതി യോഗം രാജ്യത്ത് ആദ്യമായി നടക്കുന്നു. ജൂലൈ 21 മുതൽ 31 വരെ ഡൽഹിയിലെ ഭാരത് മണ്ഡപത്തിലാണ് പരിപാടി നടക്കുന്നത്. ജി-20 ഉച്ചകോടിക്ക് ശേഷമുള്ള ആദ്യ അന്താരാഷ്ട്ര സെഷനാണിത്. 150 രാജ്യങ്ങളിൽ നിന്നായി രണ്ടായിരത്തിലധികം പ്രതിനിധികൾ പങ്കെടുക്കും. ഇന്നു വൈകിട്ട് 7 മണിക്ക് കേന്ദ്ര സാംസ്കാരിക മന്ത്രി ജി കിഷൻ റെഡ്ഡിക്കൊപ്പം പ്രധാനമന്ത്രി നരേന്ദ്ര മോദി പരിപാടി ഉദ്ഘാടനം ചെയ്യും.
യുനെസ്കോ ഡയറക്ടർ ജനറൽ ഓഡ്രി അസോലെ, വിവിധ രാജ്യങ്ങളിലെ സാംസ്കാരിക മന്ത്രിമാർ, അംബാസഡർമാർ, വിദഗ്ധർ എന്നിവരും യോഗത്തിൽ പങ്കെടുക്കും. കേന്ദ്ര സാംസ്കാരിക മന്ത്രാലയമാണ് യുനെസ്കോയുടെ സഹകരണത്തോടെ പരിപാടി സംഘടിപ്പിക്കുന്നത്.
ALSO READ – കന്വാര് യാത്ര; ജാതിയും മതവും നോക്കിയുള്ള വിഭജനം വേണ്ടെന്ന് ബിജെപിയോട് എല്ജെപി
ന്യൂഡൽഹിയിൽ ലോക പൈതൃക സമിതിയുടെ യോഗത്തിന് ഇന്ത്യ ആതിഥേയത്വം വഹിക്കുന്നത് അത്യധികം സന്തോഷമുള്ള കാര്യമാണെന്ന് പ്രധാനമന്ത്രി നരേന്ദ്ര മോദി ട്വീറ്റ് ചെയ്തു. ഇതാദ്യമായാണ് നമ്മുടെ രാജ്യം ഈ കമ്മിറ്റിക്ക് ആതിഥേയത്വം വഹിക്കുന്നത്. വൈകുന്നേരം 7 മണിക്ക് പരിപാടിയിൽ പങ്കെടുക്കാൻ ഞാൻ ആഗ്രഹിക്കുന്നു. നമ്മുടെ പൈതൃകം സംരക്ഷിക്കുന്നതിനുള്ള വഴികളെക്കുറിച്ചുള്ള കാഴ്ചപ്പാടുകൾ കൈമാറുന്നതിനുള്ള ഒരു പ്രധാന ഫോറമാണിത്.
ലോക പൈതൃകവുമായി ബന്ധപ്പെട്ട കാര്യങ്ങൾ കൈകാര്യം ചെയ്യുന്നതിനും പുതിയ സൈറ്റുകൾ ഉൾപ്പെടുത്തുന്നതിനുമായി ലോക പൈതൃക സമിതി വർഷം തോറും യോഗം ചേരാറുണ്ട്. നിലവിലുള്ള 124 ലോക പൈതൃക സ്വത്തുക്കളുടെ സംരക്ഷണം, അന്താരാഷ്ട്ര സഹായത്തിൻ്റെ ഉപയോഗം, ലോക പൈതൃക ഫണ്ടുകൾ, പുതിയ സൈറ്റുകൾക്കായുള്ള നിർദ്ദേശങ്ങൾ എന്നിവ യോഗം ചർച്ച ചെയ്യും. കമ്മിറ്റി യോഗത്തോടൊപ്പം, ഫോറം ഓഫ് വേൾഡ് ഹെറിറ്റേജ് സൈറ്റ് മാനേജർമാർ, ഫോറം ഓഫ് വേൾഡ് ഹെറിറ്റേജ് യംഗ് പ്രൊഫഷണലുകൾ എന്നിവയും നടക്കും.
വേൾഡ് ഹെറിറ്റേജ് കമ്മിറ്റി സെഷൻ്റെ അജണ്ട
അഹോം രാജവംശത്തിൻ്റെ ശ്മശാന സമ്പ്രദായമായ ഇന്ത്യയുടെ മൊയ്ഡം ഉൾപ്പെടെ 27 പുതിയ സൈറ്റുകൾ ലോക പൈതൃക പട്ടികയിൽ ഉൾപ്പെടുത്തുന്നതിനുള്ള നിർദ്ദേശങ്ങൾ ഈ സെഷൻ അവലോകനം ചെയ്യും. ലോക സാംസ്കാരിക പ്രകൃതി പൈതൃക സംരക്ഷണത്തിനായുള്ള 1972 കൺവെൻഷനിൽ ഒപ്പിട്ട 195 രാജ്യങ്ങൾ തിരഞ്ഞെടുക്കുന്ന 21 അംഗങ്ങളാണ് ലോക പൈതൃക സമിതിയിലുള്ളത്. കൺവെൻഷൻ നടപ്പാക്കാനുള്ള ചുമതല സമിതിക്കാണ്.
