Holi Celebration Rajasthan: ഈ ഗ്രാമത്തിൽ പുരുഷന്മാർ കടക്കരുത്, ഇവിടെ ഹോളി പെണ്ണുങ്ങളുടേത്
Unique Holi Traditions India: പുരുഷന്മാർ ഒഴിഞ്ഞുപോകുന്നതോടെ ഗ്രാമം സ്ത്രീകളുടെ നിയന്ത്രണത്തിലാകുന്നു. അവർ ആവേശത്തോടെ നിറങ്ങൾ എറിഞ്ഞും നൃത്തം ചെയ്തും ആഘോഷിക്കുന്നു.
Holi 2026
പുരുഷന്മാർക്ക് ഹോളി വിലക്കിയ ഒരു ഗ്രാമത്തെപ്പറ്റി അറിയുമോ? രാജസ്ഥാനിലെ ടോങ്ക് ജില്ലയിലുള്ള നഗർ ഗ്രാമത്തിലാണ് ഹോളി ആഘോഷത്തിന് പുരുഷന്മാർക്ക് കർശന വിലക്കുള്ളത്. 500 വർഷത്തിലേറെ പഴക്കമുള്ള പാരമ്പര്യമനുസരിച്ച്, ഹോളി ദിനത്തിൽ അഞ്ച് വയസ്സിന് മുകളിലുള്ള മുഴുവൻ പുരുഷന്മാരും ഗ്രാമം വിട്ടുപോകണം.
പഴയകാലത്തെ പർദ്ദാ സമ്പ്രദായമാണ് ഈ ആചാരത്തിന് പിന്നിൽ. പുരുഷന്മാരുടെ സാന്നിധ്യമില്ലാതെ സ്ത്രീകൾക്ക് സ്വതന്ത്രമായി ആഘോഷിക്കാനാണ് ഈ ക്രമീകരണം. രാവിലെ 10 മണിയോടെ ഗ്രാമം വിടുന്ന പുരുഷന്മാർ, പുറത്തുള്ള ചാമുണ്ഡാ മാതാ ക്ഷേത്രത്തിൽ അഞ്ച് മണിക്കൂറോളം ചെലവഴിക്കുന്നു. സ്ത്രീകൾ ആഘോഷിക്കുന്നത് കാണാൻ പോലും ഇവർക്ക് അനുവാദമില്ല. നിയമം ലംഘിക്കുന്നവരെ ഗ്രാമത്തിൽ നിന്ന് പുറത്താക്കുന്നത് വരെയുള്ള കടുത്ത ശിക്ഷകൾ നിലവിലുണ്ട്.
പുരുഷന്മാർ ഒഴിഞ്ഞുപോകുന്നതോടെ ഗ്രാമം സ്ത്രീകളുടെ നിയന്ത്രണത്തിലാകുന്നു. അവർ ആവേശത്തോടെ നിറങ്ങൾ എറിഞ്ഞും നൃത്തം ചെയ്തും ആഘോഷിക്കുന്നു. പിറ്റേദിവസം പുരുഷന്മാർ തിരിച്ചെത്തിയ ശേഷമാണ് സംയുക്ത ആഘോഷം നടക്കുന്നത്. അന്ന് സ്ത്രീകൾ പുരുഷന്മാരെ കളിയായി ചാട്ടവാറുകൊണ്ട് അടിക്കുന്ന ചടങ്ങോടെയാണ് ആഘോഷങ്ങൾ അവസാനിക്കുന്നത്.
