ആനക്കാംപൊയില്-കള്ളാടി-മേപ്പാടി തുരങ്കപാത: ആദ്യ ബ്ലാസ്റ്റിങ് സ്വിച്ച് ഓണ് ചെയ്ത് മുഖ്യമന്ത്രി
ഭോപ്പാല് ആസ്ഥാനമായി പ്രവര്ത്തിക്കുന്ന ദിലീപ് ബില്ഡ്കോണ്, കൊല്ക്കത്ത ആസ്ഥാനമായി പ്രവര്ത്തിക്കുന്ന റോയല് ഇന്ഫ്രാസ്ട്രക്ചര് എന്നീ സ്ഥാപനങ്ങളാണ് കരാര് ഏറ്റെടുത്തത്.
Pinarayi Vijayan
കേരളത്തിന്റെ സ്വപ്ന പദ്ധതിയായ ആനക്കാംപൊയില്-കള്ളാടി-മേപ്പാടി തുരങ്കപാതയുടെ ഫസ്റ്റ് ബ്ലാസ്റ്റിന്റെ സ്വിച്ച് ഓണ് നിർവഹിച്ച് മുഖ്യമന്ത്രി പിണറായി വിജയന്. കഴിഞ്ഞവർഷം ഓഗസ്റ്റ് 31 ആയിരുന്നു മുഖ്യമന്ത്രി തുരങ്കപാതയുടെ പ്രവർത്തി ഉദ്ഘാടനം നിർവഹിച്ചിരുന്നത്.അനുബന്ധ നിര്മാണ പ്രവര്ത്തനങ്ങളായ താല്ക്കാലിക പാലം, ക്രഷര് യൂണിറ്റ്, ഫ്യൂവല് ടാങ്ക്, തൊഴിലാളികള്ക്ക് താമസിക്കാനുള്ള ക്യാമ്പ് ഷെഡ് എന്നിവയെല്ലാം പൂര്ത്തിയാക്കി.
ഇതിനെല്ലാം ശേഷമാണ് പദ്ധതിയുടെ പ്രാഥമിക ഘട്ടങ്ങളിലൊന്നായ ബ്ലാസ്റ്റിങ് ആരംഭിച്ചത്. കേരളത്തിലെ ഏറ്റവും വലിയ അടിസ്ഥാന സൗകര്യ വികസന പദ്ധതികളിൽ ഒന്നാണ് ആനക്കാംപൊയില്-കള്ളാടി-മേപ്പാടി തുരങ്കപാത.ഭോപ്പാല് ആസ്ഥാനമായി പ്രവര്ത്തിക്കുന്ന ദിലീപ് ബില്ഡ്കോണ്, കൊല്ക്കത്ത ആസ്ഥാനമായി പ്രവര്ത്തിക്കുന്ന റോയല് ഇന്ഫ്രാസ്ട്രക്ചര് എന്നീ സ്ഥാപനങ്ങളാണ് കരാര് ഏറ്റെടുത്തത്.
2134.5 കോടി രൂപയാണ് പദ്ധതി. പദ്ധതിയുടെ മേൽനോട്ട ചുമതല കേരള പൊതുമരാമത്ത് വകുപ്പിനാണ്. പർദ്ധതിയുടെ ഫണ്ട് കേരള ഇന്ഫ്രാസ്ട്രക്ചര് ഇന്വെസ്റ്റ്മെന്റിൽ നിന്നാണ്.കൊങ്കണ് റെയില്വേ കോര്പ്പറേഷന് ലിമിറ്റഡാണ് പദ്ധതിയുടെ നടത്തിപ്പിനും നിര്വഹണത്തിനുമുള്ള സ്പെഷ്യല് പര്പ്പസ് വെഹിക്കിള് (എസ്.പി.വി). പദ്ധതി നാലുവർഷംകൊണ്ട് പൂർത്തിയാണാ നിലവിൽ ലഭിക്കുന്ന റിപ്പോർട്ടുകൾ.
