Kerala Assembly Election 2026 Updates: സംവാദം തിരിച്ചടിയോ, അവസാന ദിവസങ്ങളിൽ എന്ത്?

​ഗുരുവായൂരിൽ വിവാദ ഫ്ലക്സ് സ്ഥാപിച്ച് എൻഡിഎ സ്ഥാനാർത്ഥി ബി ​ഗോപാലകൃഷ്ണൻ. മുൻ എംഎൽഎമാരുടെ പേരുകൾ പച്ച നിറത്തിൽ നൽകി, ഒരു വിഭാഗത്തിൽപ്പെട്ടവർ മാത്രമാണ് ഇവിടെ വിജയിക്കുന്നതെന്നായിരുന്നു ആരോപണം. ​ഗോപാലകൃഷ്ണന്റെ വർ​ഗീയ പരാമർശങ്ങൾക്കെതിരെ എൽഡിഎഫ്, യുഡിഎഫ് സ്ഥാനാർത്ഥികൾ‌ രം​ഗത്തെത്തി.

തിരഞ്ഞെടുപ്പ് പ്രചാരണത്തിന് മൈതാനം ലഭിക്കാത്തതിനെ തുടർന്ന് പ്രധാനമന്ത്രി നരേന്ദ്ര മോദി ഏപ്രിൽ നാലിന് കോട്ടയത്ത് എത്തില്ലെന്ന് സൂചന. പകരം തിരുവനന്തപുരത്തും തിരുവല്ലയിലും പ്രചാരണം നടത്തി മടങ്ങും

ചലച്ചിത്ര അക്കാദമി മുൻ ചെയർമാനും സംവിധായകനുമായ രഞ്ജിത്തിനെതിരെയുള്ള സർക്കാർ നടപടി തിരഞ്ഞെടുപ്പ് കാലമായതുകൊണ്ടുണ്ടായ പ്രതീതി മാത്രമാണെന്ന് പ്രതിപക്ഷ നേതാവ് വി.ഡി. സതീശൻ. സ്ത്രീ സുരക്ഷയുടെ കാര്യത്തിൽ സർക്കാരിന് മുൻപൊന്നും ഇല്ലാത്ത കാർക്കശ്യം ഇപ്പോൾ കാണിക്കുന്നത് വോട്ട് ലക്ഷ്യം വെച്ചാണെന്നും അദ്ദേഹം കുറ്റപ്പെടുത്തി.

തിരഞ്ഞെടുപ്പുകളിൽ ഡമ്മി സ്ഥാനാർഥികളെ മുന്നണികൾ നിർത്തുന്നത് ജനാധിപത്യത്തെ കൊല ചെയ്യുന്നതിന് തുല്യമാണെന്ന് ഹൈക്കോടതി. ഈ നീക്കം തിരഞ്ഞെടുപ്പിൻ്റെ പവിത്രതയെ ഇല്ലാതാക്കുമെന്ന് ജസ്റ്റിസ് പി വി കുഞ്ഞികൃഷ്ണൻ അധ്യക്ഷനായ സിംഗിൾ ബെഞ്ച് പറഞ്ഞു

തിരഞ്ഞെടുപ്പിൽ അപരസ്ഥാനാർത്ഥികളെ നിർത്തുന്നതിനെതിരെ രൂക്ഷ വിമർശനവുമായി ഹൈക്കോടതി. അപരന്മാരെ നിർത്തുന്നത് ജനാധിപത്യത്തെ കൊല്ലുന്ന നടപടിയാണെന്ന് ജസ്റ്റിസ് പിവി കുഞ്ഞികൃഷ്ണൻ പറഞ്ഞു. ത‍ൃപ്പുണിത്തുറയിലെ എൻഡിഎ സ്ഥാനാർത്ഥി അഞ്ജലി നായർ പേരുമാറ്റം ആവശ്യപ്പെട്ട് സമർപ്പിച്ച ഹർജി പരി​ഗണിക്കവെയാണ് നിരീക്ഷണം.

തൃശൂർ മുൻ മേയർ എം കെ വർഗീസ് കോൺഗ്രസിലേക്ക് തിരികെ മടങ്ങുന്നു. തൃശൂർ യു.ഡി.എഫ് സ്ഥാനാർഥി പല്ലൻ രാജന് പിന്തുണ നൽകി. 2020ൽ കോൺഗ്രസ് സീറ്റ് നിഷേധിച്ചപ്പോൾ, പാർട്ടി വിട്ട് സ്വതന്ത്രനായി മത്സരിക്കുകയായിരുന്നു എം കെ വർഗീസ്. തുടർന്ന് ഇടത് പിന്തുണയോടെ വർഗീസ് തൃശൂർ മേയറാകുകയും ചെയ്തു

പേരാവൂരിലെ വികസം എന്തൊക്കെ, എൽഡിഎഫിൻ്റെ വികസന രേഖ

ജി. സുധാകരനെ വിമര്‍ശിച്ച് മുഖ്യമന്ത്രി പിണറായി വിജയന്‍. കോണ്‍ഗ്രസ് തൊപ്പിയാണ് സുധാകരന്‍ ഇപ്പോള്‍ വച്ചിരിക്കുന്നതെന്ന് മുഖ്യമന്ത്രി പറഞ്ഞു. സുധാകരന്‍ എന്തു പറയുമെന്നും, അദ്ദേഹം എത്തിയ രാഷ്ട്രീയ ക്യാമ്പ് അതാണെന്നും മുഖ്യമന്ത്രി പറഞ്ഞു.

പാലക്കാട് നിറഞ്ഞ് രമേഷ് പിഷാരടി, തിരഞ്ഞെടുപ്പ് പര്യടന ചിത്രങ്ങൾ

മുഖ്യമന്ത്രി പിണറായി വിജയന്‍ ആലപ്പുഴയില്‍ വാര്‍ത്താ സമ്മേളനം നടത്തുന്നു

കേരളത്തെ പിന്നോട്ടടിപ്പിച്ച യുഡിഎഫിൻ്റെ ആ ഇരുണ്ടകാലം തിരികെ വരരുതെന്ന് മുഖ്യമന്ത്രിയുടെ സോഷ്യൽ മീഡിയ പോസ്റ്റ്. വായിക്കാം.

രാജ്യത്തെ രണ്ട് ശതമാനം മാത്രമാണ് ക്രിസ്ത്യാനികൾ ഉള്ളത്. ബിജെപി മാന്യതകൊണ്ടാണ് ക്രിസ്ത്യാനികളെ ചുമക്കുന്നത്. ചില സഭ പിതാക്കന്മാർക്ക് കോൺഗ്രസ് വരണമെന്ന അബദ്ധവിചാരമാണ്, അതുകൊണ്ട് ബിജെപിക്കെതിരെ സംസാരിക്കുന്നതെന്ന് പി സി ജോർജ്

എഫ്സിആർഎ ഭേദഗതിയെ പറ്റി പ്രതിപക്ഷ നേതാവ് വ്യക്തമാക്കുന്നു.

പി കെ ശശി യുഡിഎഫിനായി മത്സരിക്കുമ്പോൾ എന്താകും ഒറ്റപ്പാലത്തെ ജനവിധി?

ബിജെപിക്ക് സാധ്യതയുള്ള മണ്ഡലങ്ങൾ നേമവും കഴക്കൂട്ടവും എന്ന് മനോരമയുടെ സി വോട്ടർ സർവ്വെ ഫലങ്ങൾ.

ബീഹാർ എന്നാണ് കേരളത്തെ പോലെ ആകുന്നതെന്ന് ആർജെഡി എംപി തേജസ്വി യാദവ്. കേരളത്തിലെ തിരഞ്ഞെടുപ്പ് പ്രചാരണത്തിൽ സംസാരിക്കുകയായിരുന്നു അദ്ദേഹം.

സംസ്ഥാനത്ത് യുഡിഎഫ് മേൽക്കൈ എന്ന് മനോരമയുടെ സി വോട്ടർ സർവ്വെ. 69 മുതൽ 81 സീറ്റുകൾ വരെയാണ് യുഡിഎഫിന് പ്രവചിച്ചിരിക്കുന്നത്.