Kerala Rain Alert: മഴയ്ക്ക് ശമനമില്ല: അഞ്ച് ജില്ലകളില് യെല്ലോ അലര്ട്ട്, ശക്തമായ കാറ്റിനും സാധ്യത
Yellow Alert On Five Districts In Kerala On July 15th: ബുധനാഴ്ച മുതല് മഴ ശക്തമാകാന് സാധ്യതയുള്ളതിനാല് വിവിധ ജില്ലകളില് ഓറഞ്ച് അലര്ട്ടും പ്രഖ്യാപിച്ചിട്ടുണ്ട്. വടക്കുകിഴക്കന് രാജസ്ഥാന്, വടക്ക് പടിഞ്ഞാറന് മധ്യപ്രദേശ് എന്നിവയ്ക്ക് മുകളിലായി ശക്തികൂടിയ ന്യൂനമര്ദം സ്ഥിതി ചെയ്യുന്നു.
മഴ മുന്നറിയിപ്പ്
തിരുവനന്തപുരം: കേരളത്തില് ശക്തമായ മഴ തുടരും. വടക്കന് ജില്ലകളിലാണ് ശക്തമായ മഴയ്ക്ക് സാധ്യതയുള്ളതെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് പുറപ്പെടുവിച്ചിരിക്കുന്നത്. ഇതിന്റെ പശ്ചാത്തലത്തില് ജൂലൈ 15ന് ചൊവ്വാഴ്ച അഞ്ച് ജില്ലകളില് യെല്ലോ അലര്ട്ട് പ്രഖ്യാപിച്ചു.
ബുധനാഴ്ച മുതല് മഴ ശക്തമാകാന് സാധ്യതയുള്ളതിനാല് വിവിധ ജില്ലകളില് ഓറഞ്ച് അലര്ട്ടും പ്രഖ്യാപിച്ചിട്ടുണ്ട്. വടക്കുകിഴക്കന് രാജസ്ഥാന്, വടക്ക് പടിഞ്ഞാറന് മധ്യപ്രദേശ് എന്നിവയ്ക്ക് മുകളിലായി ശക്തികൂടിയ ന്യൂനമര്ദം സ്ഥിതി ചെയ്യുന്നു. ഇതിന് പുറമേ മറ്റൊരു ശക്തി കൂടിയ ന്യൂനമര്ദം പശ്ചിമ ബംഗാളിനും ബംഗ്ലാദേശിനും മുകളിലായും സ്ഥിതി ചെയ്യുന്നുണ്ട്.
അടുത്ത 24 മണിക്കൂറിനുള്ളില് ന്യൂനമര്ദങ്ങള് അതിതീവ്ര ന്യൂനമര്ദമായി ശക്തിപ്രാപിക്കാന് സാധ്യതയുള്ളതായി കേന്ദ്ര കാലാവസ്ഥ വകുപ്പ് അറിയിക്കുന്നു. അതിനാല് കേരളത്തില് അടുത്ത അഞ്ച് ദിവസം ശക്തമായ മഴയ്ക്ക് സാധ്യതയുണ്ട്. ജൂലൈ 16,18 തീയതികളില് ഒറ്റപ്പെട്ട അതിശക്തമായ മഴയ്ക്ക് ജൂലൈ 18 വരെ ഒറ്റപ്പെട്ട ശക്തമായ മഴയുമാണ് പ്രവചനം.
മഴ ശക്തിപ്രാപിക്കുന്നതിന് പുറമേ ഒറ്റപ്പെട്ടയിടങ്ങളില് മണിക്കൂറില് 40 മുതല് 50 കിലോമീറ്റര് വരെ വേഗത്തില് വീശിയടിക്കാവുന്ന ശക്തമായ കാറ്റിന് സാധ്യതയുള്ളതായും കാലാവസ്ഥ വകുപ്പ് മുന്നറിയിപ്പ് നല്കുന്നു.
അടുത്ത മൂന്ന് മണിക്കൂറിനുള്ളില് കൊല്ലം, ആലപ്പുഴ, എറണാകുളം, തൃശൂര്, മലപ്പുറം, കോഴിക്കോട്, കണ്ണൂര്, കാസറഗോഡ് എന്നീ ജില്ലകളില് ഒറ്റപ്പെട്ട സ്ഥലങ്ങളില് മഴയ്ക്കും മണിക്കൂറില് 40 കിലോമീറ്റര് വരെ വേഗത്തിലുള്ള കാറ്റിനും സാധ്യതയുണ്ട്. ബാക്കി ജില്ലകളില് ഒറ്റപ്പെട്ട നേരിയ മഴയ്ക്കും കാറ്റിനും സാധ്യത.
Also Read: Kerala Rain Alert: മഴ വരുന്നു! സംസ്ഥാനത്ത് ഏഴ് ജില്ലകളിൽ യെല്ലോ അലർട്ട്; ശക്തമായ കാറ്റിനും സാധ്യത
യെല്ലോ അലര്ട്ട്
- 15 ജൂലൈ: മലപ്പുറം, കോഴിക്കോട്, വയനാട്, കണ്ണൂര്, കാസറഗോഡ്
- 16 ജൂലൈ: പത്തനംതിട്ട, ആലപ്പുഴ, കോട്ടയം, പാലക്കാട്, മലപ്പുറം, കോഴിക്കോട്, വയനാട്
- 17 ജൂലൈ: പത്തനംതിട്ട, ആലപ്പുഴ, കോട്ടയം, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസറഗോഡ്
- 18 ജൂലൈ: പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്, പാലക്കാട്, മലപ്പുറം
ഓറഞ്ച് അലര്ട്ട്
- 16 ജൂലൈ: ഇടുക്കി, എറണാകുളം, തൃശൂര്, കണ്ണൂര്, കാസറഗോഡ്
- 17 ജൂലൈ: ഇടുക്കി, എറണാകുളം, തൃശൂര്1
- 8 ജൂലൈ: കോഴിക്കോട്, വയനാട്, കണ്ണൂര്, കാസറഗോഡ്
