Kerala Weather Update: കുടയെടുത്തോണേ, വേനൽമഴ തകർക്കും; ഇന്ന് എവിടെയെല്ലാം?
Kerala Rain Alert Today: ശക്തമായ മിന്നലും മഴയും കാരണം കൊച്ചി രാജ്യാന്തര വിമാനത്തിൽ ഇന്നലെ വൈകിട്ട് ഇറങ്ങേണ്ടിയിരുന്ന രണ്ട് വിമാനങ്ങളെ വഴിതിരിച്ചുവിട്ടിരുന്നു. വൈകിട്ട് 5.40ന് ദുബായിൽ നിന്നും 5.45ന് ഹൈദരാബാദിൽ നിന്നും എത്തിയ ഇൻഡിഗോ വിമാനങ്ങളാണ് കോയമ്പത്തൂരിലേക്ക് വഴിതിരിച്ച് വിട്ടത്.
തിരുവനന്തപുരം: വേനൽച്ചൂടിനിടെ ആശ്വാസമായി സംസ്ഥാനത്ത് മഴയെത്തി. എറണാകുളം, കോട്ടയം, ഇടുക്കി തുടങ്ങിയ മധ്യജില്ലകളിൽ ഇന്നലെ ശക്തമായ മഴ പെയ്തു. വിവിധ ഭാഗങ്ങളിൽ ഗതാഗതം ഭാഗികമായി തടസ്സപ്പെട്ടു. കൊച്ചിയിൽ പലയിടത്തും നാശനഷ്ടമുണ്ടായി. പലയിടത്തും വീടുകൾ തകർന്നു. മരം വീണ് ഗതാഗതവും വൈദ്യുതിയും തടസ്സപ്പെട്ടു. കൃഷി നാശവുമുണ്ടായി.
അതേസമയം, ശക്തമായ മിന്നലും മഴയും കാരണം കൊച്ചി രാജ്യാന്തര വിമാനത്തിൽ ഇന്നലെ വൈകിട്ട് ഇറങ്ങേണ്ടിയിരുന്ന രണ്ട് വിമാനങ്ങളെ വഴിതിരിച്ചുവിട്ടിരുന്നു. വൈകിട്ട് 5.40ന് ദുബായിൽ നിന്നും 5.45ന് ഹൈദരാബാദിൽ നിന്നും എത്തിയ ഇൻഡിഗോ വിമാനങ്ങളാണ് കോയമ്പത്തൂരിലേക്ക് വഴിതിരിച്ച് വിട്ടത്.
ALSO READ: മധ്യകേരളത്തിൽ വേനൽമഴ എത്തിയേ, കൂടെ ഇടിമിന്നലും; തെക്കൻ ജില്ലകളിൽ എന്ന്?
ഏപ്രിൽ 23 വരെ വേനൽ മഴ ലഭിച്ചേക്കുമെന്നാണ് കാലാവസ്ഥ പ്രവചനം. നേരിയ മഴ സാധ്യത മുൻനിർത്തി വിവിധ ജില്ലകളിൽ ഗ്രീൻ അലർട്ട് പ്രഖ്യാപിച്ചിട്ടുണ്ട്. ഇന്നും നാളെയും എല്ലാ ജില്ലകളിലും ഏപ്രിൽ 22, 23 തീയതികളിൽ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി എന്നിവിടങ്ങളിലാണ് മഴ മുന്നറിയിപ്പ് നൽകിയിട്ടുള്ളത്.
ജില്ലകളിൽ ശക്തമായ കാറ്റിനും ഇടിമിന്നലിനും സാധ്യതയുണ്ടെന്നും കാലാവസ്ഥ വകുപ്പ് അറിയിച്ചു. ഇടിമിന്നലിന്റെ ആദ്യ ലക്ഷണം കണ്ടുകഴിഞ്ഞാൽ ഉടൻ തന്നെ സുരക്ഷിതമായ കെട്ടിടത്തിനുള്ളിലേക്ക് മാറേണ്ടതാണ്. തുറസായ സ്ഥലങ്ങളിൽ തുടരുന്നത് ഇടിമിന്നലേൽക്കാനുള്ള സാധ്യത കൂട്ടും. ഇടിമിന്നലിനും സാധ്യതയുള്ള ഘട്ടത്തിൽ ജനലും വാതിലും അടച്ചിട്ടും പരമാവധി ഭിത്തിയിലോ തറയിലോ സ്പർശിക്കാതിരിക്കാൻ ശ്രമിച്ചും മുൻകരുതലുകൾ സ്വീകരിക്കണമെന്നും ജാഗ്രത നിർദേശങ്ങളിൽ പറയുന്നു.
