Kerala Weather Update: കുടയെടുത്തോ മഴ വരുന്നുണ്ട്, തകർത്ത് പെയ്യുമോ തുലാവർഷം
Kerala Weather Update Today October 14 After Noon: കേരളത്തിലേക്ക് വീണ്ടും മഴമടങ്ങിയെത്തുന്നു എന്ന് കാലാവസ്ഥ മുന്നറിയിപ്പ്. വരുംദിവസങ്ങളിൽ മഴ ശക്തമാകുമെന്നാണ് കേന്ദ്ര കാലാവസ്ഥാ വകുപ്പ് അറിയിച്ചിരിക്കുന്നത്. ഇന്ന് തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി ജില്ലകളിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ നേരിയ/ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്നും മുന്നറിയിപ്പുണ്ടായിരുന്നു.
തിരുവനന്തപുരം: കേരളത്തിലേക്ക് വീണ്ടും മഴമടങ്ങിയെത്തുന്നു എന്ന് കാലാവസ്ഥ മുന്നറിയിപ്പ്. വരുംദിവസങ്ങളിൽ മഴ ശക്തമാകുമെന്നാണ് കേന്ദ്ര കാലാവസ്ഥാ വകുപ്പ് അറിയിച്ചിരിക്കുന്നത്. ഇന്ന് തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി ജില്ലകളിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ നേരിയ/ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്നും മുന്നറിയിപ്പുണ്ടായിരുന്നു.
ഇന്നോ നാളെയോ ആയി കേരളത്തിൽ തുലാവർഷം എത്തുമെന്ന പ്രതീക്ഷയുമുണ്ട്. വൈകാതെ തന്നെ രാജ്യത്തിന്റെ ശേഷിക്കുന്ന ഭാഗങ്ങളിൽ നിന്നും തെക്കുപടിഞ്ഞാറൻ മൺസൂൺ പിൻവാങ്ങുന്നതിനും അതോടൊപ്പം തെക്കേ ഇന്ത്യയിൽ വടക്കുകിഴക്കൻ മൺസൂൺ മഴ ആരംഭിക്കുന്നതിനും സാധ്യതയും പ്രവചിക്കപ്പെട്ടിട്ടുണ്ട്. തെക്കൻ ശ്രീലങ്കൻ തീരത്തിന് സമീപം, തെക്കുപടിഞ്ഞാറൻ ബംഗാൾ ഉൾക്കടലിനു മുകളിലായി ചക്രവാതച്ചുഴി നില നിൽക്കുന്ന സാഹചര്യവുമുണ്ട്. കേരളത്തിൽ ഒക്ടോബർ 17 വരെയുള്ള ദിവസങ്ങളിൽ നേരിയതോ മിതമായതോ ആയ മഴയ്ക്ക് സാധ്യതയാണ് ഉള്ളത്. ഒക്ടോബർ 15, 16, 17 തീയതികളിൽ ഒറ്റപ്പെട്ട സ്ഥലങ്ങളിൽ ശക്തമായ മഴയ്ക്ക് സാധ്യതയുണ്ട് എന്നും പ്രവചിക്കപ്പെടുന്നു.
Also Read: പുറത്തുവിടട്ടെ, ആ ചിത്രം എന്താണെന്ന് നിനക്കറിയാലോ…; മുഹമ്മദ് അസ്ലം മരണപ്പെട്ട കേസിൽ വൻ വഴിത്തിരിവ്
അതോടൊപ്പം തന്നെ ഒക്ടോബർ 15, 16, 17 തീയതികളിൽ ഒറ്റപ്പെട്ട സ്ഥലങ്ങളിൽ ഇടിമിന്നലോടുകൂടിയ മഴയ്ക്കും മണിക്കൂറിൽ 40–50 കി.മീ. വരെ വേഗതയിൽ ശക്തമായ കാറ്റ് വീശാനും സാധ്യതയുണ്ട്. മഴയ്ക്കുള്ള സാധ്യതയുള്ളതിനാൽ ഒക്ടോബർ 15ന് തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി ജില്ലകളിലും ഒക്ടോബർ 16 ന് ഇടുക്കി, എറണാകുളം, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട് ജില്ലകളിലും ഒക്ടോബർ 17 ന് ഇടുക്കി, എറണാകുളം, തൃശ്ശൂർ, പാലക്കാട്, മലപ്പുറം ജില്ലകളിലും യെല്ലോ അലർട്ട് പ്രഖ്യാപിച്ചിട്ടുണ്ട്. ഈ ജില്ലകളിൽ ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. ഒരു ദിവസത്തിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് ഉദ്ദേശിക്കുന്നത്.
മുൻ വർഷങ്ങളെ അപേക്ഷിച്ച് സംസ്ഥാനത്ത് മഴയുടെ അളവിൽ ഗണ്യമായ കുറവാണ് രേഖപ്പെടുത്തിയിരിക്കുന്നത്. അതുകൊണ്ട് തന്നെ തുലാവർഷത്തിൽ വലിയ പ്രതീക്ഷയാണ് കർഷകർക്ക് ഉൾപ്പെടെയുള്ളത്. കേരളത്തിൽ നിലവിൽ അനുഭവപ്പെടുന്ന വൈദ്യുതി പ്രതിസന്ധിക്കും ഈ മഴ വലിയ ആശ്വാസമാകുമെന്ന് കരുതപ്പെടുന്നു. സംസ്ഥാനത്തെ ഡാമുകളിലെ ജല നിരപ്പും മുൻ വർഷങ്ങളെ അപേക്ഷിച്ച് കാര്യമായ രീതിയിൽ താഴ്ന്ന അവസ്ഥയിലാണ്. തുലാ വർഷം കൂടി കനിഞ്ഞില്ലെങ്കിൽ വൈദ്യുതി പ്രതിസന്ധിക്കൊപ്പം കർഷകരും വലിയ ബുദ്ധിമുട്ടിലാകും.
English Summary
A weather warning indicates that rain is returning to Kerala. The India Meteorological Department has announced that rainfall is expected to intensify in the coming days.
