Kochi Metro: കൊച്ചി മെട്രോ ഞായറാഴ്ച മുതൽ കൂടുതൽ സമയം ഓടും, ശിവരാത്രിക്ക് പ്രത്യേക സർവ്വീസും ഉണ്ടേ..
Kochi Metro Extends Service From Sunday: ഫെബ്രുവരി 15 ഞായറാഴ്ച തൃപ്പൂണിത്തുറയിൽ നിന്നുള്ള അവസാന സർവീസ് രാത്രി 11:30-ന് പുറപ്പെടും. പിറ്റേന്ന് ബലിതർപ്പണം കഴിഞ്ഞ് മടങ്ങുന്നവർക്കായി ആലുവയിൽ നിന്ന് പുലർച്ചെ 4:00 മണിക്ക് സർവീസ് ആരംഭിക്കും.
കൊച്ചി: യാത്രക്കാരുടെ എണ്ണത്തിലുണ്ടായ വൻ വർധനവും രാത്രികാല യാത്രക്കാരുടെ ആവശ്യവും പരിഗണിച്ച് കൊച്ചി മെട്രോ ട്രെയിൻ സർവീസ് സമയം നീട്ടി. ഫെബ്രുവരി 15 ഞായറാഴ്ച മുതൽ പുതുക്കിയ സമയക്രമം പ്രാബല്യത്തിൽ വരും. ഇതോടെ നഗരത്തിലെ രാത്രിയാത്രക്കാർക്ക് മെട്രോ സേവനം കൂടുതൽ പ്രയോജനപ്പെടും.
പുതുക്കിയ സമയക്രമം
പുതിയ മാറ്റങ്ങൾ അനുസരിച്ച് ആലുവ, തൃപ്പൂണിത്തുറ എന്നീ ടെർമിനൽ സ്റ്റേഷനുകളിൽ നിന്ന് അവസാന ട്രെയിൻ രാത്രി 11:00 മണിക്ക് പുറപ്പെടും. നിലവിൽ രാത്രി 10:00 അല്ലെങ്കിൽ 10:30-ന് അവസാനിച്ചിരുന്ന സേവനമാണ് ഇപ്പോൾ സ്ഥിരമായി ഒരു മണിക്കൂർ കൂടി വർദ്ധിപ്പിച്ചിരിക്കുന്നത്.
ശിവരാത്രി പ്രത്യേക സർവീസുകൾ
ആലുവ മഹാദേവ ക്ഷേത്രത്തിലെ ശിവരാത്രി മഹോത്സവത്തിന് എത്തുന്ന ഭക്തർക്കായി പ്രത്യേക ക്രമീകരണങ്ങളാണ് കൊച്ചി മെട്രോ (KMRL) ഒരുക്കിയിരിക്കുന്നത്. ഫെബ്രുവരി 15, 16 തിയതികളിലാണ് ഈ സർവ്വീസ് ഉണ്ടാവുക.
Also Read – ഈ റൂട്ടില് ഇനി ദുരിത ട്രെയിന് യാത്രയില്ല; കൊച്ചിയാത്രക്കാര്ക്ക് വമ്പന് നേട്ടം
ഫെബ്രുവരി 15 ഞായറാഴ്ച തൃപ്പൂണിത്തുറയിൽ നിന്നുള്ള അവസാന സർവീസ് രാത്രി 11:30-ന് പുറപ്പെടും. പിറ്റേന്ന് ബലിതർപ്പണം കഴിഞ്ഞ് മടങ്ങുന്നവർക്കായി ആലുവയിൽ നിന്ന് പുലർച്ചെ 4:00 മണിക്ക് സർവീസ് ആരംഭിക്കും. പുലർച്ചെ 4:00 മുതൽ 6:00 മണിവരെ ഓരോ 30 മിനിറ്റ് ഇടവേളകളിൽ ട്രെയിനുകൾ ലഭ്യമാകും. രാവിലെ 6:00 മണിക്ക് ശേഷം സാധാരണ ടൈംടേബിൾ പ്രകാരം സർവീസ് തുടരും.
ടിക്കറ്റ് നിരക്ക്
സാധാരണ നിരക്കുകൾ തന്നെയായിരിക്കും ഈ സർവീസുകൾക്കും ഈടാക്കുക. കൊച്ചി വൺ കാർഡ് (Kochi1 Card) ഉപയോഗിക്കുന്നവർക്ക് പതിവ് ഇളവുകൾ ലഭിക്കും. തിരക്ക് നിയന്ത്രിക്കാൻ സ്റ്റേഷനുകളിൽ കൂടുതൽ സുരക്ഷാ ജീവനക്കാരെയും കുടുംബശ്രീ പ്രവർത്തകരെയും നിയോഗിച്ചിട്ടുണ്ട്.
