Kozhikode Fire: കോഴിക്കോട് ജയലക്ഷ്മി സില്ക്സില് വന് തീപിടിത്തം
Kozhikode Jayalakshmi Textiles Fire Accident: കെട്ടിടത്തിന്റെ രണ്ടും മൂന്നും നിലകളിലേക്ക് തീ ആളിപടര്ന്നു. ജീവനക്കാരെയും കടയിലെത്തിയ മറ്റാളുകളെയും ഉടന് തന്നെ പുറത്തിറക്കാന് സാധിച്ചുവെന്നാണ് വിവരം. ഇതാദ്യമായല്ല ജയലക്ഷ്മി സില്ക്ക്സില് തീപിടിത്തമുണ്ടാകുന്നത്. 2023ലും സമാന സംഭവുമുണ്ടായിരുന്നു.
കോഴിക്കോട്: കോഴിക്കോട് നഗരത്തില് വന് തീപിടിത്തം. കോഴിക്കോട് പാളയത്ത് ജയലക്ഷ്മി സില്ക്ക്സിലാണ് തീപിടത്തമുണ്ടായത്. ഫയര്ഫോഴ്സിന്റെ നേതൃത്വത്തില് തീയണയ്ക്കാനുള്ള ശ്രമം പുരോഗമിക്കുകയാണ്. മീഞ്ചന്ത, ബീച്ച്, വെള്ളിമാടുകുന്ന് എന്നിവിടങ്ങളില് നിന്നുള്ള ഫയര്ഫോഴ്സ് സംഘമെത്തിയാണ് തീയണയ്ക്കുന്നത്. കെട്ടിടത്തിന്റെ പിന്ഭാഗത്ത് നിന്നാണ് തീപടര്ന്നതെന്നാണ് വിവരം.
ടെക്സ്റ്റൈല്സിലെ ഗോഡൗണില് സൂക്ഷിച്ചിരുന്ന വസ്ത്രങ്ങളിലേക്കും തീപടര്ന്നു. തീപിടിത്തത്തില് രണ്ട് സ്ത്രീകള്ക്ക് പൊള്ളലേറ്റതായാണ് വിവരം. ഇവരെ ആശുപത്രിയിലേക്ക് മാറ്റി. വൈകീട്ട് ആറ് മണിയോടെയാണ് സംഭവം. കെട്ടിടത്തിന്റെ മറ്റുഭാഗങ്ങളിലേക്ക് തീപടരാതിരിക്കാനുള്ള നടപടികള് പുരോഗമിക്കുകയാണ്.
കെട്ടിടത്തിന്റെ രണ്ടും മൂന്നും നിലകളിലേക്ക് തീ ആളിപടര്ന്നു. ജീവനക്കാരെയും കടയിലെത്തിയ മറ്റാളുകളെയും ഉടന് തന്നെ പുറത്തിറക്കാന് സാധിച്ചുവെന്നാണ് വിവരം. ഇതാദ്യമായല്ല ജയലക്ഷ്മി സില്ക്ക്സില് തീപിടിത്തമുണ്ടാകുന്നത്. 2023ലും സമാന സംഭവുമുണ്ടായിരുന്നു. ഷോര്ട്ട് സര്ക്യൂട്ടായിരുന്നു അന്നത്തെ അപകടകാരണം. 2023ല് തീപിടിത്തമുണ്ടായ അതേഭാഗത്താണ് ഇപ്പോഴും തീ കണ്ടത്.
കരിപ്പൂര് വിമാനത്താവളത്തില് നിന്ന് തീ അണയ്ക്കാനുള്ള ഫയര് എഞ്ചിനുകളേക്ക് സ്ഥലത്തേക്ക് പുറപ്പെട്ടു. അപകടം സംഭവിച്ച് മണിക്കൂര് പിന്നിട്ടിട്ടും തീയണയ്ക്കാന് സാധിക്കാത്തത് ജനങ്ങളില് ആശങ്ക വിതയ്ക്കുന്നു.
