Malabar Region Power Out Break: കുറ്റ്യാടിയിൽ ജനറേറ്റർ തകരാർ; മലബാർ മേഖലയിൽ വൈദ്യുതി നിയന്ത്രണത്തിന് സാധ്യത

പ്രതീകാത്മക ചിത്രം

കോഴിക്കോട്: കുറ്റ്യാടി നിലയത്തിലെ ജനറേറ്റർ തകരാറായതിനെ തുടർന്ന് വടക്കൻ കേരളത്തിലെ മലബാർ മേഖലയിൽ വൈദ്യുതി തടസത്തിന് സാധ്യത. വൈദ്യുതി നിലയത്തിലെ ആറാം നമ്പർ ജനറേറ്ററിലുണ്ടായ സാങ്കേതിക തകരാറിനെത്തുടർന്നാണ് മലബാർ പ്രദേശങ്ങളിൽ ഇന്ന് വൈദുതി തടസമുണ്ടാകുന്നതെന്ന് അധികൃതർ അറിയിച്ചു.

വൈകുന്നേരം ഏഴ് മുതൽ ആരംഭിക്കുന്ന വൈദ്യുതി തടസം രാത്രി 11 വരെ ഉണ്ടായേക്കാം. ഭാഗികമായിട്ട് വൈദ്യുതി തടസപ്പെടാൻ സാധ്യതയുണ്ടെന്നാണ് കെഎസ്ഇബിയുടെ മുന്നറിയിപ്പ്. മലബാർ മേഖലയായ കോഴിക്കോട്, കണ്ണൂർ, മലപ്പുറം, വയനാട്, കാസർകോട് ഭാ​ഗങ്ങളെയാണ് വൈദ്യുതി തടസം ബാധിക്കുക.

ALSO READ: കേരളം ചുട്ടുപൊള്ളുന്നു, വൈദ്യുതി ഉപഭോഗം റെക്കോഡിൽ, ഇനി നിയന്ത്രണത്തിലേക്കോ?

ഉപഭോക്താക്കൾ ശ്രദ്ധിക്കാൻ

വൈകുന്നേരം ഏഴ് മുതൽ രാത്രി 10 മണി വരെയുള്ള സമയത്താണ് വൈദ്യുതിക്ക് ഏറ്റവും കൂടുതൽ ആവശ്യകതയുള്ളത്. അതിനാൽ ഈ സമയത്ത് ഹീറ്റർ, മോട്ടോർ, ഇൻഡക്ഷൻ കുക്കർ, വാഷിംഗ് മെഷീൻ തുടങ്ങിയ കൂടുതൽ വൈദ്യുതി വേണ്ട ഉപകരണങ്ങൾ കഴിവതും ഉപയോ​ഗിക്കുന്നത് കുറയ്ക്കുക. ഇത് വൈദ്യുതിയുടെ ലോഡ് കുറയ്ക്കാൻ സഹായിക്കും. പ്രത്യേകിച്ച് വേനൽക്കാലത്ത്.

പവർ കട്ട് തുടങ്ങുന്നതിന് മുമ്പായിട്ട് ടിവി, ഫ്രിഡ്ജ്, എസി, കമ്പ്യൂട്ടർ തുടങ്ങിയ ഇലക്ട്രോണിക് ഉപകരണങ്ങളുടെ പ്ലഗ്ഗുകൾ സോക്കറ്റിൽ നിന്നും വേർപ്പെടുത്തുക. കാരണം പവർ കട്ടിന് ശേഷം വൈദ്യുതി പുനഃസ്ഥാപിക്കുമ്പോൾ ഉണ്ടാകാൻ സാധ്യതയുള്ള വോൾട്ടേജ് ഫ്ലക്ച്വേഷൻഒഴിവാക്കാൻ ഇതിലൂടെ സാധിക്കും.

വൈദ്യുതി തടസ്സം വന്നാൽ