Veena George Treatment: മന്ത്രി വീണയുടെ പരിക്ക് എയിംസിലെ ആരോഗ്യ വിദഗ്ധർ പരിശോധിക്കണം; കെ മുരളീധരൻ

ആരോഗ്യമന്ത്രി വീണാ ജോർജിന്റെ പരിക്കുകൾ എയിംസിലെ ആരോഗ്യവിദഗ്ധർ പരിശോധിക്കണമെന്ന് കോൺഗ്രസ് നേതാവ് കെ മുരളീധരൻ. നിലവിൽ പരിയാരം മെഡിക്കൽ കോളേജിൽ ചികിത്സയിലാണ് മന്ത്രി വീണ ജോർജ്. എന്നാൽ പരിയാരം മെഡിക്കൽ കോളേജ് സിപിഎം പാർട്ടി ഓഫീസ് ആണ് എന്നും മന്ത്രിയുടെ ചികിത്സ അവിടേക്ക് മാറ്റിയത് തന്നെ തിരക്കഥയുടെ ഭാഗമാണ് എന്നും കെ മുരളീധരൻ ആരോപിച്ചു. മന്ത്രിയുടെ പരിസരത്ത് പോലും കെഎസ്‌യുക്കാർ എത്തിയിട്ടില്ല. ഒരു മന്ത്രി എന്ന നിലയിൽ വീണാ ജോർജ് പരാജയം ആണെങ്കിലും നല്ലൊരു അഭിനയത്രിയാണ് എന്നും കെ മുരളീധരൻ പരിഹസിച്ചു.

അതേസമയം പരിയാരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ച ആരോഗ്യമന്ത്രി വീണാ ജോർജിന്റെ ആരോഗ്യനില മാറ്റമില്ലാതെ തുടരുകയാണ് എന്നാണ് ആരോഗ്യവിദർ നൽകുന്ന സൂചന. മന്ത്രിയുടെ കഴുത്തിലെ ഇപ്പോഴും നല്ല ശക്തമായ വേദനയുണ്ട് എന്നാണ് മെഡിക്കൽ ബോർഡ് പ്രതികരിക്കുന്നത്. ഇന്നലെ രാത്രി മന്ത്രിയെ എംആർഐ പരിശോധനയ്ക്ക് വിധേയ ആക്കിയിരുന്നു. വീണാ ജോർജിന്റെ ആരോഗ്യസ്ഥിതി ഉടൻ മെഡിക്കൽ ബോർഡ് ചേർന്ന് വിലയിരുത്തും. അതേ അതേസമയം ആരോഗ്യമന്ത്രി വീണാ ജോർജിനെ ആക്രമിച്ച സംഭവത്തിൽ അഞ്ച് കെഎസ്യു പ്രവർത്തകർ റിമാൻഡിൽ. ആരോഗ്യമന്ത്രിയെ വധിക്കാൻ ശ്രമിച്ചു എന്ന കേസിലാണ് പ്രതികളെ റിമാൻഡ് ചെയ്തിരിക്കുന്നത്. ആയുധം ഉപയോഗിച്ച് കഴുത്തിൽ ആക്രമിക്കാൻ ശ്രമം നടത്തി എന്നും റിമാൻഡ് റിപ്പോർട്ടിൽ പറയുന്നു.