Sabarimala Updates: പമ്പയിൽ വസ്ത്രങ്ങളും മാലിന്യവും തള്ളുന്നതിന് കർശന നിരോധനം; ലംഘിക്കുന്നവർക്ക് 5,000 രൂപ വരെ പിഴ

Strict Ban on Dumping Clothes and Waste in Pampa River: മണ്ഡല-മകരവിളക്ക് തീർത്ഥാടന കാലയളവിൽ പമ്പ നദിയിലെയും സ്നാന കേന്ദ്രങ്ങളിലെയും മലിനീകരണം തടയുന്നതിനായി കർശന നടപടി. പമ്പയിടെ ലിനീകരണം തടയുന്നതിന്റെഭാ​ഗമായി ശബരിമല എ.ഡി.എം ദിലീപ് കെ. കൈനിക്കര നിരോധ ഉത്തരവ് പുറപ്പെടുവിച്ചു. നിരോധനം ലംഘിക്കുന്നവരിൽ നിന്ന് 5,000 രൂപ വരെ തത്സമയം പിഴ ഈടാക്കുമെന്നും അധികൃതർ വ്യക്തമാക്കുന്നു.

Sabarimala Updates: പമ്പയിൽ വസ്ത്രങ്ങളും മാലിന്യവും തള്ളുന്നതിന് കർശന നിരോധനം; ലംഘിക്കുന്നവർക്ക് 5,000 രൂപ വരെ പിഴ

Sabarimala Temple, Pamba River

Updated On: 

22 Nov 2026 | 08:31 PM

ശബരിമല: മണ്ഡല-മകരവിളക്ക് തീർത്ഥാടന കാലയളവിൽ പമ്പ നദിയിലെയും സ്നാന കേന്ദ്രങ്ങളിലെയും മലിനീകരണം തടയുന്നതിനായി കർശന നടപടി. പമ്പയിടെ ലിനീകരണം തടയുന്നതിന്റെഭാ​ഗമായി ശബരിമല എ.ഡി.എം ദിലീപ് കെ. കൈനിക്കര നിരോധ ഉത്തരവ് പുറപ്പെടുവിച്ചു. നിരോധനം ലംഘിക്കുന്നവരിൽ നിന്ന് 5,000 രൂപ വരെ തത്സമയം പിഴ ഈടാക്കുമെന്നും അധികൃതർ വ്യക്തമാക്കുന്നു.

വസ്ത്രങ്ങൾ നിക്ഷേപിക്കരുത്

പമ്പയിലോ കൈവഴികളിലോ സ്നാനഘട്ടങ്ങളിലോ ഉപയോഗിച്ച വസ്ത്രങ്ങളോ തുണിത്തരങ്ങളോ മറ്റ് വ്യക്തിഗത വസ്തുക്കളോ ഉപേക്ഷിക്കുന്നത് കർശനമായി തടയും. നദിയിലോ തീരങ്ങളിലോ പൊതുസ്ഥലങ്ങളിലോ പ്ലാസ്റ്റിക്, ഖര, ജൈവ മാലിന്യങ്ങൾ നിക്ഷേപിക്കുന്നതും കർശനമായി നിരോധിച്ചിരിക്കുകയാണ്. ബി.എൻ.എസ്.എസ് സെക്ഷൻ 163, കേരള പഞ്ചായത്ത് രാജ് ആക്ട് എന്നിവ പ്രകാരമാണ് ഉത്തരവ് വന്നിരിക്കുന്നത്.
ഈ ഉത്തരവ് ലംഘിച്ച് നദി മലിനമാക്കുന്നവരിൽ നിന്നും മാലിന്യങ്ങൾ തള്ളുന്നവരിൽ നിന്നും 5,000 രൂപ വരെ തത്സമയ പിഴ ഈടാക്കു‌ന്നതായിരിക്കും. നടപടി നേരിട്ടവർ 15 ദിവസത്തിനകം പിഴയൊടുക്കാത്തപക്ഷം പ്രോസിക്യൂഷൻ ഉൾപ്പെടെയുള്ള കർശന നിയമനടപടികൾ എടുക്കും.

Also Read: ശബരിമല വെർച്വൽ ക്യൂ: ബുക്ക് ചെയ്തിട്ട് എത്താത്തവർക്ക് മണ്ഡലകാലത്ത് പിന്നെ അവസരമില്ല; പുതിയ നീക്കവുമായി ബോർഡ്

പരിശോധനകൾ ശക്തമാക്കും

പമ്പ, നിലയ്ക്കൽ, സന്നിധാനം എന്നിവിടങ്ങളിലെ ലക്ഷക്കണക്കിന് തീർത്ഥാടകരുടെയും പ്രദേശവാസികളുടെയും പ്രധാന കുടിവെള്ള സ്രോതസ്സായ പമ്പ നദിയിലെ ജലം മലിനമാകുന്നതും ജലജന്യ രോഗങ്ങൾ പടരാനുള്ള സാധ്യതയും മുന്നിൽ കണ്ടാണ് ഈ കർശന നടപടി വന്നിരക്കുന്നത്. ഉത്തരവ് കൃത്യമായി നടപ്പിലാക്കുന്നതിനും നദീതീരങ്ങളിലും സ്നാനഘട്ടങ്ങളിലും പരിശോധന നടത്തി നിയമലംഘകരിൽ നിന്നും പിഴ ഈടാക്കുന്നതിനുമായി പമ്പ ഡ്യൂട്ടി മജിസ്‌ട്രേറ്റ്, പമ്പ പോലീസ് സ്പെഷ്യൽ ഓഫീസർ, റാന്നി-പെരുനാട് ഗ്രാമപഞ്ചായത്ത് സെക്രട്ടറി എന്നിവരെ ചുമതലപ്പെടുത്തിയിട്ടുണ്ട്.

രണ്ട് മാസത്തേക്കാണ് നിരോധനാജ്ഞ

നിയമലംഘകരിൽ നിന്ന് ഈടാക്കുന്ന പിഴത്തുക റാന്നി-പെരുനാട് ഗ്രാമപഞ്ചായത്ത് തനത് ഫണ്ടിൽ ഉൾപ്പെടുത്താനും തുക പൂർണ്ണമായും ശബരിമലയിലെയും പമ്പയിലെയും ശുചീകരണ, മാലിന്യ സംസ്കരണ, നദീശുദ്ധീകരണ പ്രവർത്തനങ്ങൾക്കായി മാത്രം വിനിയോഗിക്കാനും ഗ്രാമപഞ്ചായത്ത് സെക്രട്ടറിക്ക് നിർദ്ദേശം കൊടുത്തിട്ടുണ്ട്. ഇന്ന് മുതൽ (​നവംബർ 22) രണ്ട് മാസത്തേക്കാണ് നിരോധനാജ്ഞ എർപ്പെടുത്തിയിരിക്കുന്നത്. പമ്പയിൽ അയ്യപ്പ ഭക്തർ ഉപയോ​ഗിച്ച വസ്ത്രങ്ങളും പൂജാ സാധനങ്ങലും നിക്ഷേപിക്കുന്നത് മൂലം സു​ഗ​ഗമായി സ്നാനം നടത്താൻ പോലും കഴിയാത്ത അവസ്ഥ ഉണ്ടായിരുന്നു.

English Summary

Strict measures are being implemented to prevent pollution in the Pamba River and at the designated bathing ghats during the Mandala-Makaravilakku pilgrimage season. As part of efforts to curb pollution in the Pamba, Sabarimala ADM Dileep K. Kainikkara has issued a prohibitory order. Authorities have clarified that those who violate this order will be subject to an on-the-spot fine of up to Rs 5,000.

Loading...
Unable to load recommendations.
Follow Us
ദിവസവും പാവയ്ക്ക കഴിച്ചാൽ ശരീരത്തിൽ എന്താണ് സംഭവിക്കുന്നത്?
ഡിസംബറിൽ മിഥുനം ഉൾപ്പെടെ 4 രാശിക്കാർക്ക് പണവും പ്രശസ്തിയും!
മുട്ട കഴിക്കാൻ ഏറ്റവും അനുയോജ്യമായ സമയം ഏതാണ്?
7 വർഷ OS പിന്തുണ, സാംസങ് പ്രീമിയം 5ജി ഫോണിന് ഡിസ്കൗണ്ട്
ഒരാൾക്ക് വീട്ടിൽ എത്ര സ്വർണം വരെ സൂക്ഷിക്കാം
IPL താരലേലത്തിൽ ഏതൊക്കെ മലയാളി താരങ്ങൾ തിളങ്ങും?
സ്വർണവില ഈ വർഷത്തെ ഏറ്റവും കുറഞ്ഞ നിരക്കിലേക്ക് എത്തി
ഏഷ്യൻ ഗെയിംസ് ഇരട്ട മെഡൽ ജേതാവ് വിദർശ കെ വിനോദിന് സർക്കാർ ജോലി