Special train : ചെന്നൈയിലേക്ക് കൂടുതൽ സ്പെഷ്യൽ ട്രെയിനുകൾ പ്രഖ്യാപിച്ചു, സമയവും സ്റ്റോപ്പുകളും ടിക്കറ്റ് നിരക്കും അറിയാം

Special Train From Chennai

തിരുവനന്തപുരം: നവരാത്രിക്കാലത്തിനു പുറമേ ​ഗാന്ധിജയന്തി ഉൾപ്പെടെയുള്ള അവധികൾ വന്നതോടെ യാത്രക്കാരുടെ തിരക്കാണ് എല്ലാ ട്രെയിനുകളിലും. വർധിച്ചുവരുന്ന യാത്രാതിരക്ക് പരിഗണിച്ച് ചെന്നൈയിലേക്ക് റെയിൽവേ കൂടുതൽ സ്പെഷൽ ട്രെയിനുകൾ പ്രഖ്യാപിച്ചിരിക്കുകയാണ് അധികൃതർ.

1. ചെന്നൈ എഗ്‌മൂർ–തിരുവനന്തപുരം നോർത്ത് സ്പെഷൽ (06075/06076)

ചെന്നൈയിൽ നിന്ന് (06075): ട്രെയിൻ നമ്പർ 06075 (ചെന്നൈ എഗ്‌മൂർ–തിരുവനന്തപുരം നോർത്ത് സ്പെഷൽ) സെപ്റ്റംബർ 30-ന് രാത്രി 10.15-ന് ചെന്നൈയിൽ നിന്ന് പുറപ്പെട്ട് ഒക്ടോബർ ഒന്നിന് ഉച്ചയ്ക്ക് 2.05-ന് തിരുവനന്തപുരം നോർത്തിൽ എത്തിച്ചേരും.

തിരുവനന്തപുരത്ത് നിന്ന് (06076): മടക്ക ട്രെയിൻ, നമ്പർ 06076, ഒക്ടോബർ 5 ഞായറാഴ്ച വൈകിട്ട് 4.30-ന് തിരുവനന്തപുരം നോർത്തിൽ നിന്ന് പുറപ്പെട്ട് പിറ്റേന്ന് (തിങ്കളാഴ്ച) രാവിലെ 10.30-ന് ചെന്നൈ എഗ്മൂറിൽ എത്തും.

സ്റ്റോപ്പുകൾ: വർക്കല, കൊല്ലം, കായംകുളം, മാവേലിക്കര, ചെങ്ങന്നൂർ, തിരുവല്ല, ചങ്ങനാശേരി, കോട്ടയം, എറണാകുളം ടൗൺ, ആലുവ, തൃശൂർ, പാലക്കാട്, പോത്തന്നൂർ, തിരുപ്പൂർ, ഈറോഡ്, സേലം, ജോലാർപേട്ട, കാട്പാടി, അറക്കോണം, തിരുവള്ളൂർ, പെരമ്പൂർ.

Also Read: യാത്ര പോകാൻ കെഎസ്ആർടിസിയുണ്ടല്ലോ! അവധിയാഘോഷിക്കാൻ കിടിലൻ ഉല്ലാസയാത്ര

കോച്ചുകൾ: ഈ ട്രെയിനിൽ സെക്കൻഡ് എസി–2, തേഡ് എസി–3, സ്ലീപ്പർ–8, ജനറൽ സെക്കൻഡ്–7 എന്നിങ്ങനെയാണ് കോച്ചുകൾ സജ്ജീകരിച്ചിരിക്കുന്നത്.

2. ചെന്നൈ സെൻട്രൽ–കോട്ടയം എസി സ്പെഷൽ (കൊല്ലം, ചെങ്കോട്ട വഴി – 06121/06122)

ചെന്നൈയിൽ നിന്ന് (06121): ട്രെയിൻ നമ്പർ 06121 (ചെന്നൈ സെൻട്രൽ–കോട്ടയം എസി സ്പെഷൽ) ഒക്ടോബർ 1 മുതൽ 22 വരെ ബുധനാഴ്ചകളിൽ ഉച്ചയ്ക്ക് 3.10-ന് പുറപ്പെട്ട് പിറ്റേന്ന് ഉച്ചയ്ക്ക് 12.05-ന് കോട്ടയത്ത് എത്തും.

കോട്ടയത്ത് നിന്ന് (06122): മടക്ക ട്രെയിൻ (06122) ഒക്ടോബർ 2 മുതൽ 23 വരെ വ്യാഴാഴ്ചകളിൽ ഉച്ചയ്ക്ക് 2.05-ന് പുറപ്പെട്ട് പിറ്റേന്ന് രാവിലെ 11.30-ന് ചെന്നൈ സെൻട്രലിൽ എത്തും.

റൂട്ട്/സ്റ്റോപ്പുകൾ: ചങ്ങനാശേരി, തിരുവല്ല, ചെങ്ങന്നൂർ, മാവേലിക്കര, കായംകുളം, കൊല്ലം, കുണ്ടറ, കൊട്ടാരക്കര, പുനലൂർ, തെൻമല, ചെങ്കോട്ട, തെങ്കാശി, പാവൂർചത്രം, കീൽക്കടയം, അംബാസമുദ്രം, ചേരൻമഹാദേവി, തിരുനെൽവേലി, കോവിൽപട്ടി, സാത്തൂർ, വിരുദനഗർ, മധുര, ഡിണ്ടിഗൽ, കരൂർ, നാമക്കൽ, സേലം, ജോലാർപേട്ട, കാട്പാടി, അറക്കോണം.

ടിക്കറ്റ് നിരക്ക്: കോട്ടയം–ചെന്നൈ റൂട്ടിലെ ടിക്കറ്റ് നിരക്ക് 1575 രൂപയാണ്.