Director Ranjith: രഞ്ജിത്തിനെതിരെ പീഡനത്തിന് തെളിവുണ്ട്; ജാമ്യം ആരോഗ്യസ്ഥിതി കണക്കിലെടുത്ത്

സംവിധായകൻ രഞ്ജിത്തിനെതിരെ പീഡനത്തിന് തെളിവുണ്ട് എന്ന് റിപ്പോർട്ട്. ലൈംഗികാതിക്രമത്തിന് പ്രഥമദൃഷ്ട്യാ തെളിവുണ്ടെന്നാണ് എറണാകുളം ഒന്നാം ക്ലാസ് ജുഡീഷ്യൽ മജിസ്ട്രേറ്റ് കോടതി നിരീക്ഷിച്ചത്. ആരോഗ്യം കണക്കിലെടുത്താണ് ജാമ്യം അനുവദിച്ചത് എന്നും കോടതി വ്യക്തമാക്കി. ആരോഗ്യ പ്രശ്നങ്ങളുള്ളതിനാൽ പ്രതി ഒളിവിൽ പോകാനുള്ള സാധ്യത കുറവാണെന്ന് കോടതി നിരീക്ഷിച്ചു.

അതേസമയം പ്രതി സാക്ഷികളെ സ്വാധീനിക്കാനുള്ള സാധ്യത കുറവാണെന്നും റിപ്പോർട്ട്. അതേസമയം കർശന ഉപാധികളോടെ ആണ് രഞ്ജിത്തിന് ജാമ്യം അനുവദിച്ചത്. പ്രതിക്ക് കരൾ മാറ്റിവെക്കൽ ശസ്ത്രക്രിയ കഴിഞ്ഞതിനാൽ തന്നെ ഒളിവിൽ പോകാനുള്ള സാഹചര്യം വളരെ കുറവാണ് എന്നതാണ് കോടതി പ്രധാനമായും നിരീക്ഷിച്ചത്.

ALSO READ:രഞ്ജിത്തിന് ആശ്വാസം, ജാമ്യം അനുവദിച്ച് കോടതി

എന്നാൽ കേസിലെ പ്രതി വളരെയധികം സ്വാധീനമുള്ള വ്യക്തിയായതിനാൽ തന്നെ സാക്ഷികളെ സ്വാധീനിക്കാനുള്ള സാധ്യതയും കോടതി വിട്ടുകളയുന്നില്ല. രഞ്ജിത്തിനെ തന്നെ സിനിമ സെറ്റിലെ അണിയറ പ്രവർത്തകരാണ് കേസിലെ മുഖ്യ സാക്ഷികൾ. അതിനാൽ തന്നെ ജാമ്യം ലഭിച്ച് പുറത്തിറങ്ങിയാൽ കേസ് അട്ടിമറിക്കാൻ സാധ്യതയുണ്ടെന്നായിരുന്നു പ്രോസിക്യൂഷൻ പ്രധാനമായും മുന്നോട്ടുവച്ച വാദം.