Onam 2025: തിരുവോണം മാത്രമല്ല മൂന്ന് പ്രധാന ആഘോഷങ്ങളും സെപ്റ്റംബർ 5 -ന്… ഇത് അപൂർവ്വ സംഗമം
Thiruvonam, Teacher’s Day, and Nabi Day: എന്നാൽ നമ്മൾ മറന്നു പോയതും എല്ലാ വർഷവും കൃത്യമായി ഓർത്തു വയ്ക്കുന്നതുമായ രണ്ടു പ്രത്യേകതകൾ ആ ദിവസത്തിനുണ്ട്.
കൊച്ചി: തിരുവോണത്തിന്റെ തയ്യാറെടുപ്പിലാണ് ഇപ്പോൾ ഓരോ മലയാളിയും. സെപ്റ്റംബർ 5 എന്നത് എല്ലാവരും ഈ വർഷത്തിന്റെ തുടക്കം മുതൽ ശ്രദ്ധിച്ചിരുന്നതും ഓർത്തു വെച്ചതും ഓണം എന്ന രീതിയിലാണ്. എന്നാൽ നമ്മൾ മറന്നു പോയതും എല്ലാ വർഷവും കൃത്യമായി ഓർത്തു വയ്ക്കുന്നതുമായ രണ്ടു പ്രത്യേകതകൾ ആ ദിവസത്തിനുണ്ട്. അതിൽ ഒന്ന് അധ്യാപക ദിനവും മറ്റൊന്ന് നബി ദിനവുമാണ്.
ഒരു അവധി പോയി
നബിദിനം തിരുവോണത്തിന്റെ അന്നു തന്നെ ആയതിനാൽ ഈ മാസത്തിൽ ലഭിക്കേണ്ട ഒരു അവധി ആണ് ഉദ്യോഗസ്ഥർക്ക് നഷ്ടമായത്.
തിരുവോണം: മലയാളികളുടെ ഏറ്റവും വലിയ ആഘോഷമായ ഓണത്തിലെ പ്രധാന ദിവസമാണ് തിരുവോണം. കാർഷിക സമൃദ്ധിയുടെയും ഐശ്വര്യത്തിന്റെയും പ്രതീകമായ ഈ ദിവസം മഹാബലി ചക്രവർത്തിയെ വരവേൽക്കാൻ മലയാളികൾ ആഘോഷങ്ങളൊരുക്കുന്നു.
അധ്യാപക ദിനം: ഇന്ത്യയുടെ മുൻ രാഷ്ട്രപതി ഡോ. എസ്. രാധാകൃഷ്ണന്റെ ജന്മദിനമായ സെപ്റ്റംബർ 5, അധ്യാപകരെ ആദരിക്കുന്നതിനുള്ള ദിവസമാണ്. ഗുരുക്കന്മാർക്ക് ആദരം അർപ്പിക്കാൻ വിദ്യാർത്ഥികൾ ഈ ദിനം ആഘോഷിക്കുന്നു.
നബി ദിനം: പ്രവാചകൻ മുഹമ്മദ് നബിയുടെ ജന്മദിനമാണ് നബി ദിനമായി ഇസ്ലാം മത വിശ്വാസികൾ ആഘോഷിക്കുന്നത്. ഈ ദിവസം പള്ളികളിലും വീടുകളിലും പ്രാർത്ഥനകളും പ്രത്യേക പരിപാടികളും സംഘടിപ്പിക്കാറുണ്ട്.
