Brothel in Kochi Lodge: കൊച്ചിയില് അനാശാസ്യ കേന്ദ്രം നടത്തിപ്പ്; രണ്ട് പോലീസ് ഉദ്യോഗസ്ഥര് അറസ്റ്റില്
Two Cops Arrested: കൊച്ചി ട്രാഫിക് ഈസ്റ്റ് സ്റ്റേഷനിലെ എ.എസ്.ഐ രമേഷ്, പാലാരിവട്ടം പോലീസ് സ്റ്റേഷനിലെ സീനിയര് പോലിസ് ഓഫീസര് ബ്രിജേഷ് ലാല് എന്നിവരാണ് അറസ്റ്റിലായത്. സംഭവവുമായി ബന്ധപ്പെട്ട് നടത്തിയ അന്വേഷണത്തിൽ കടവന്ത്രയിലെ ലോഡ്ജ് നടത്തിപ്പില് ഇവര്ക്ക് പങ്കാളിത്തമുള്ളതായാണ് കണ്ടെത്തല്.
കൊച്ചി: കൊച്ചിയിൽ അനാശാസ്യ കേന്ദ്രം നടത്തിപ്പുമായി ബന്ധപ്പെട്ട് രണ്ട് പോലീസുദ്യോഗസ്ഥർ അറസ്റ്റിൽ. കൊച്ചി ട്രാഫിക് ഈസ്റ്റ് സ്റ്റേഷനിലെ എ.എസ്.ഐ രമേഷ്, പാലാരിവട്ടം പോലീസ് സ്റ്റേഷനിലെ സീനിയര് പോലിസ് ഓഫീസര് ബ്രിജേഷ് ലാല് എന്നിവരാണ് അറസ്റ്റിലായത്. സംഭവവുമായി ബന്ധപ്പെട്ട് നടത്തിയ അന്വേഷണത്തിൽ കടവന്ത്രയിലെ ലോഡ്ജ് നടത്തിപ്പില് ഇവര്ക്ക് പങ്കാളിത്തമുള്ളതായാണ് കണ്ടെത്തല്. തുടര്ന്നാണ് ഇരുവരേയും കടവന്ത്ര പോലീസ് അറസ്റ്റ് ചെയ്തത്.
കടവന്ത്രയിലെ ലോഡ്ജ് കേന്ദ്രീകരിച്ച് പ്രവര്ത്തിക്കുന്ന ബിനാമിയാണ് ഇരുവരുമെന്നും അനാശാസ്യത്തിലൂടെ ഇരുവരും സാമ്പത്തിക നേട്ടമുണ്ടാക്കിയതായും പോലീസ് പറയുന്നു. എഎസ്ഐ രമേഷ് നേരത്തെ അച്ചടക്ക നടപടി നേരിട്ടുവെന്നും എസ്എച്ച്ഒ പിഎം രതീഷ് മാധ്യമങ്ങളോട് പറഞ്ഞു. ‘വിശദമായ അന്വേഷണത്തിന്റെ അടിസ്ഥാനത്തിലാണ് പോലിസുകാരെ കേസില് പ്രതി ചേര്ത്തതും അറസ്റ്റ് ചെയ്തതും. അനാശാസ്യ കേന്ദ്രത്തിന്റെ മുഖ്യസൂത്രധാരന് രശ്മിയെന്ന ഒരു സ്ത്രീയാണ്. അവരുടെ കീഴിലാണ് പെണ്കുട്ടികള് ഉണ്ടായിരുന്നതെന്നും കസ്റ്റമേഴ്സിനെ അവര് കണ്ടെത്തിയ ശേഷം പെണ്കുട്ടികളുടെ ഫോട്ടോ അയച്ചുകൊടുത്ത് കച്ചവടം ഉറപ്പിക്കുകയായിരുന്നു രീതി. കടവന്ത്രയിലെ ലോഡ്ജില് തന്നെയായിരുന്നു രശ്മിയും സഹായിയും താമസിച്ചിരുന്നത്. ഹോട്ടലിലെ 103ാം നമ്പര് മുറിയാണ് അനാശാസ്യത്തിനായി ഉപയോഗിച്ചത്’ എസ്എച്ച്ഒ രതീഷ് പറഞ്ഞു.
Also Read: ആലപ്പുഴയില് വയോധികയെ തെരുവുനായ കടിച്ചുകൊന്നു; അതിദാരുണം
അറസ്റ്റിലായ ഇരുവരുടെയും മൊഴി രേഖപ്പെടുത്തിയ ശേഷം വൈദ്യപരിശോധന നടത്തിയതായും പോലീസ് പറഞ്ഞു. ഇവരുടെ സാമ്പത്തിക വിവരങ്ങള് പരിശോധിച്ചപ്പോള് പോലീസ് ഉദ്യോഗസ്ഥരുടെ അക്കൗണ്ടിലേക്ക് ലക്ഷങ്ങളുടെ ഇടപാട് നടത്തിയതായി കണ്ടെത്തി. എ.എസ്.ഐ രമേഷിന് ഒന്പത് ലക്ഷത്തോളം രൂപ നടത്തിപ്പുകാര് നല്കിയതായാണ് രേഖകളിൽ പറയുന്നത്. തെളിവുകളുടെ അടിസ്ഥാനത്തില് ഇരുവരെയും കസറ്റഡിയിലെടുത്ത് ചോദ്യം ചെയ്തപ്പോള് പോലീസുകാര് ഇക്കാര്യം സമ്മതിക്കുകയും ചെയ്തു. സംഭവത്തില് കുടുതല് പേര്ക്ക് പങ്കുണ്ടോയെന്നതും പോലിസ് പരിശോധിക്കുന്നു. അറസ്റ്റിലായ രണ്ട് ഉദ്യോഗസ്ഥരേയും കോടതിയില് ഹാജരാക്കിയതിന് ശേഷം കസ്റ്റഡിയില് വാങ്ങാനാണ് പോലീസ് നീക്കം.
എറണാകുളം കടവന്ത്രയില് ഡ്രീം റെസിഡന്സി കേന്ദ്രമാക്കി പെണ്വാണിഭ സംഘം പ്രവര്ത്തിക്കുന്നുണ്ടെന്നും വിദ്യാര്ത്ഥികളടക്കമുള്ളവര് പെണ്വാണിഭ സംഘത്തിന്റെ പിടിയിലാണെന്ന രഹസ്യവിവരം ലഭിച്ചതിനെ തുടര്ന്നാണ് പോലീസ് വ്യാപകമായ പരിശോധന നടത്തിയത്. അന്വോഷണത്തിന്റെ ഭാഗമായി പോലീസ് നടത്തിയ മിന്നല് പരിശോധനയില് കഴിഞ്ഞ ഒക്ടോബറിൽ ഡ്രീംസ് റെസിഡന്സി ഹോട്ടലില് നിന്ന് പെണ്വാണിഭ സംഘം പിടിയിലായത്. ഹോട്ടല് നടത്തിപ്പുകാരി കൊല്ലം സ്വദേശി രശ്മി, സഹായി ആലപ്പുഴ സ്വദേശി വിമല്, ഹോട്ടല് ഉടമ എന്നിവരാണ് അറസ്റ്റിലായത്. കഴിഞ്ഞ ഒരുമാസമായി ഇവര് ഈ ഹോട്ടലില് താമസിച്ച് ഇടപാടുകള് നടത്തുകയായിരുന്നുവെന്ന് പോലീസ് പറഞ്ഞിരുന്നു. ഇവരില് നിന്നും ലഭിച്ച വിവരത്തിന്റെ അടിസ്ഥാനത്തില് നടത്തിയ അന്വേഷണത്തിലാണ് അനാശാസ്യ കേന്ദ്രത്തിന്റെ ബിനാമി പൊലിസുകാരാണെന്ന് കണ്ടെത്തിയത്.
