Sitting for long hours: വ്യായാമമില്ലാതെ മണിക്കൂറുകളോളം ഇരിക്കുന്നത് പുകവലിക്ക് തുല്യം; ഡോക്ടർമാർ പറയുന്നു
മണിക്കൂറുകളോളം ഇരുന്ന് ജോലി ചെയ്യുന്നവരാണ് ഇന്ന് പലരും. ഇതിൻ്റെ ദൂഷ്യഫലങ്ങൾ പുകവലിയും അമിതവണ്ണവും മൂലമുണ്ടാകുന്ന അപകടത്തിന് സമാനമാണ്.
മണിക്കൂറുകളോളം ഇരിക്കുന്നതിൻ്റെ ദൂഷ്യഫലങ്ങളെക്കുറിച്ചാണ് ഇവിടെ പറയുന്നത്. ഒരാൾ ശാരീരിക പ്രവർത്തനങ്ങളൊന്നുമില്ലാതെ ദിവസവും 8 മണിക്കൂറിൽ കൂടുതൽ ഇരിക്കുകയാണെങ്കിൽ, അവരുടെ മരണസാധ്യത പുകവലിയും അമിതവണ്ണവും മൂലമുണ്ടാകുന്ന അപകടത്തിന് സമാനമാണെന്ന് ഹൈദരാബാദിലെ അപ്പോളോ ഹോസ്പിറ്റലിലെ ന്യൂറോളജിസ്റ്റ് ഡോ. സുധീർ കുമാർ പറയുന്നു.
ദീർഘനേരം ഇരിക്കുന്നതുമായി ബന്ധപ്പെട്ട് ഉണ്ടാകുന്ന ആരോഗ്യ ആരോഗ്യ പ്രശ്നങ്ങളാണ് പ്രമേഹം, രക്താതിമർദ്ദം, വയറിലെ അഡിപ്പോസിറ്റി (പൊണ്ണത്തടി), ഉയർന്ന എൽഡിഎൽ കൊളസ്ട്രോൾ, ട്രൈഗ്ലിസറൈഡുകൾ, ഹൃദയാഘാതം, സ്ട്രോക്ക്, കാൻസർ, അകാല മരണം എന്നിവ.
അധികം നേരം ഇരിക്കുന്നത് പുകവലി പോലെ തന്നെ ദോഷകരമാണെന്ന് നാനാവതി മാക്സ് സൂപ്പർ സ്പെഷ്യാലിറ്റി ഹോസ്പിറ്റലിലെ ഇൻ്റേണൽ മെഡിസിൻ സീനിയർ കൺസൾട്ടൻ്റ് ഡോ രാഹുൽ താംബെ ഇക്കാര്യത്തോട് യോജിച്ചുകൊണ്ട് പറയുന്നു.
ദീർഘനേരം ഇരിക്കുന്നത് ഗ്ലൂക്കോസ് മെറ്റബോളിസത്തെയും ലിപിഡ് പ്രൊഫൈലിനെയും തകരാറിലാക്കുന്നു. ഇത് ഇൻസുലിൻ പ്രതിരോധം വർദ്ധിപ്പിക്കുന്നതിനും ദോഷകരമായ കൊളസ്ട്രോളിൻ്റെ അളവ് വർദ്ധിപ്പിക്കുന്നതിലേക്കും നയിക്കുന്നു.
ഈ വെല്ലുവിളിയെ അഭിമുഖീകരിക്കുന്നതിനുള്ള ആദ്യപടി, ദൈനംദിന ദിനചര്യകളിൽ ക്രമമായ ശാരീരിക പ്രവർത്തനങ്ങൾ ഉൾപ്പെടുത്തുക എന്നതാണ്.
ഓരോ മണിക്കൂറിലും കുറച്ച് സമയം എഴുന്നേറ്റു നടക്കുക, എലിവേറ്ററിന് പകരം പടികൾ കയറുക, തുടങ്ങിയ വ്യായാമം ചെയ്യാൻ ശ്രമിക്കുക.
ഒഴിവുസമയത്തെ ഇരിപ്പ് (ടിവി, മൊബൈൽ ഫോണുകൾ, മറ്റ് ഇലക്ട്രോണിക് ഗാഡ്ജെറ്റുകൾ എന്നിവ കാണുന്നത് പോലുള്ളവ) കുറയ്ക്കാൻ ശ്രമിക്കുന്നതും ഇതിനൊരു പരിഹാരമാണ്.
