Traditional Plum Cake: കേരളത്തിൽ കേക്ക് വന്ന വഴിയേത്? പണ്ടത്തെ സ്റ്റൈലിൽ ഒരു കേക്ക് ഉണ്ടാക്കാം…
Cake recipe and history kerala: ഇന്ത്യയിൽ ആദ്യമായി ക്രിസ്മസ് കേക്ക് നിർമ്മിച്ച് വിപണിയിലെത്തിച്ചത് മാമ്പള്ളി ബാപ്പുവാണ്. ബ്രിട്ടീഷ് പ്ലാന്ററുടെ നിർദ്ദേശപ്രകാരം അദ്ദേഹം ഉണ്ടാക്കിയ പ്ലം കേക്കാണ് കേരളത്തിലെ ബേക്കിംഗ് വ്യവസായത്തിന് തുടക്കമിട്ട പ്രധാന സംഭവം.
Plum Cake
കേരളത്തിലെ ആഘോഷങ്ങളിൽ കേക്ക് ഒഴിച്ചുകൂടാനാവാത്ത വിഭവമായി മാറിയതിന് പിന്നിൽ കൊളോണിയൽ ചരിത്രമുണ്ട്. ബ്രിട്ടീഷ് ഭരണത്തിന്റെ കാലത്താണ് ക്രിസ്മസ് ആഘോഷങ്ങളുടെ ഭാഗമായി ഫ്രൂട്ട് കേക്ക് (പ്ലം കേക്ക്) നിർമ്മാണം കേരളത്തിൽ സജീവമായത്. യൂറോപ്യൻമാരുമായി അടുത്ത ബന്ധം പുലർത്തിയിരുന്ന നസ്രാണി (സുറിയാനി ക്രിസ്ത്യാനി) വിഭാഗങ്ങളാണ് ഇത് ആദ്യം സ്വീകരിച്ചതും പ്രചരിപ്പിച്ചതും.
കേരളത്തിലെ കേക്ക് നിർമ്മാണ ചരിത്രത്തിലെ നാഴികക്കല്ലാണ് 1883-ൽ തലശ്ശേരിയിൽ മാമ്പള്ളി ബാപ്പു റോയൽ ബിസ്കറ്റ് ഫാക്ടറി ആരംഭിച്ചത്. ഇന്ത്യയിൽ ആദ്യമായി ക്രിസ്മസ് കേക്ക് നിർമ്മിച്ച് വിപണിയിലെത്തിച്ചത് മാമ്പള്ളി ബാപ്പുവാണ്. ബ്രിട്ടീഷ് പ്ലാന്ററുടെ നിർദ്ദേശപ്രകാരം അദ്ദേഹം ഉണ്ടാക്കിയ പ്ലം കേക്കാണ് കേരളത്തിലെ ബേക്കിംഗ് വ്യവസായത്തിന് തുടക്കമിട്ട പ്രധാന സംഭവം.
പിന്നീട് കേരളത്തിലെത്തിയ ശേഷം കേക്കിന് തനത് മാറ്റങ്ങൾ വന്നു. ഇവിടെ ലഭ്യമായ സുഗന്ധവ്യഞ്ജനങ്ങൾ (ഏലയ്ക്ക, ഗ്രാമ്പൂ, ജാതിക്ക) ചേർത്തു. കൂടാതെ, കേക്കിന് കടുത്ത നിറവും രുചിയും നൽകാൻ, പഞ്ചസാര ഉരുക്കി കരിയിച്ചെടുത്ത കരിഞ്ചെറി (Caramelized Sugar) ഉപയോഗിക്കുന്ന രീതി നസ്രാണി ശൈലിയായി മാറി.
പരമ്പരാഗത നസ്രാണി കേക്ക് റെപിസി
ആദ്യം ഡ്രൈ ഫ്രൂട്ട്സുകൾ ബ്രാൻഡിയിലോ റമ്മിലോ ഓറഞ്ച് ജ്യൂസിലോ കുതിർക്കുന്നു. ബട്ടറും പഞ്ചസാരയും പതപ്പിച്ച് ക്രീമാക്കിയ ശേഷം മുട്ടയും എസ്സൻസും ചേർക്കുക. ഇതിലേക്ക് കരിഞ്ചെറി സിറപ്പ് ചേർക്കുക. അരിച്ചെടുത്ത മൈദയും മസാലപ്പൊടിയും പതുക്കെ ചേർത്ത് കുതിർത്ത ഫ്രൂട്ട്സുകൾ യോജിപ്പിക്കുക. 45-60 മിനിറ്റ് ബേക്ക് ചെയ്തെടുക്കുക. ഈ തനത് കേക്ക് ഇന്നും കേരളത്തിലെ ക്രിസ്മസ് ആഘോഷങ്ങളുടെ അവിഭാജ്യ ഘടകമാണ്.
