Nail Health: നഖങ്ങൾ പൊട്ടിപ്പോകുന്ന പ്രശ്നമുണ്ടോ? മുടിക്ക് മാത്രമല്ല നഖത്തിനും ഈ വെള്ളം മതി

പ്രതീകാത്മക ചിത്രം

മനോഹരമായ കൈകളും വളരെ ഭം​ഗിയുള്ള നെയിൽ ആർട്ടും (Nail Art) ആഗ്രഹിക്കാത്ത പെൺകുട്ടികൾ കുറവാണ്. എന്നാൽ പലരുടെയും പ്രധാന പരാതി നഖങ്ങൾ വളർന്നു വരുമ്പോഴേക്കും വശങ്ങളിൽ നിന്ന് പൊട്ടിപ്പോകുന്നു അല്ലെങ്കിൽ അടർന്നു പോകുന്നു എന്നൊക്കെയാണ്. നഖങ്ങളുടെ ഈ ബലക്കുറവ് കാരണം പലർക്കും ഇഷ്ടമുള്ളതുപോലെ നഖം വളർത്താനോ നെയിൽ പോളിഷ് ഇടാനോ സാധിക്കാറില്ല. നഖങ്ങൾ പെട്ടെന്ന് പൊട്ടുന്നതിന് പ്രധാന കാരണം അവയിലെ ഈർപ്പത്തിന്റെ കുറവും പോഷകക്കുറവുമാണ്. എന്നാൽ അരി കുതിർത്ത വെള്ളമുണ്ടെക്കിൽ ഈ പറഞ്ഞ പ്രശ്നങ്ങളെല്ലാം നമുക്ക് പരിഹരിക്കാനാകും. അരിയുടെ വെള്ളത്തിൽ അടങ്ങിയിരിക്കുന്ന അമിനോ ആസിഡുകൾ, വിറ്റാമിൻ ഇ, ധാതുക്കൾ, ആൻ്റിഓക്‌സിഡൻ്റുകൾ എന്നിവ നഖങ്ങൾക്ക് ആവശ്യമായ പോഷണം നൽകി അവയെ വേരിൽ നിന്ന് ബലമുള്ളതാക്കുന്നു.

ALSO READ: ദിവസവും എത്ര മുട്ട കഴിക്കാറുണ്ട്? അമിതമായാൽ ശരീരത്തിൽ സംഭവിക്കുന്നത്

അരിയുടെ വെള്ളത്തിൻ്റെ ​ഗുണങ്ങൾ

നഖങ്ങൾക്ക് ഇരട്ടി ബലം നൽകുന്നു: അരി വെള്ളത്തിലെ പ്രോട്ടീനുകൾ നഖങ്ങളിലെ ‘കെരാറ്റിൻ’ ഉൽപ്പാദനത്തെ സഹായിക്കുന്നു. ഇത് നഖങ്ങൾ വശങ്ങളിൽ നിന്ന് പൊട്ടിപോകുന്നത് തടയും.

നഖങ്ങളിലെ മഞ്ഞനിറം മാറ്റുന്നു: വിരലുകൾ അരി വെള്ളത്തിൽ മുക്കിവെക്കുമ്പോൾ അതിലേക്ക് അല്പം നരാങ്ങ നീര് ചേർക്കുന്നത് നല്ലതാണ്. കാരണം ഇവ നഖങ്ങളിലെ കറയും മഞ്ഞനിറവും മാറ്റി സ്വാഭാവിക തിളക്കം നൽകും.

ക്യൂട്ടിക്കിളുകളുടെ ആരോഗ്യം: നഖത്തിന് ചുറ്റുമുള്ള ചർമ്മം വലിഞ്ഞുപൊട്ടുന്ന അവസ്ഥ മാറാൻ ഇത് സഹായിക്കുന്നു.

നഖം പൊട്ടാതിരിക്കാൻ ശ്രദ്ധിക്കേണ്ടത്

നഖം കടിയ്ക്കുന്നത് ഒഴിവാക്കുക: പല്ലുപയോഗിച്ച് നഖം കടിക്കുന്നത് നഖങ്ങളുടെ ആകൃതി നശിപ്പിക്കുക മാത്രമല്ല, അണുബാധയ്ക്ക് കാരണമാവുകയും ചെയ്യും.

കെമിക്കലുകൾ സൂക്ഷിക്കുക: പാത്രം കഴുകുമ്പോഴും തുണി അലക്കുമ്പോഴും സോപ്പിലെ ശക്തമായ കെമിക്കലുകൾ നഖത്തെ വരണ്ടതാക്കും. ഇത്തരം ജോലികൾ ചെയ്യുമ്പോൾ ഗ്ലൗസ് ധരിക്കുന്നത് നഖങ്ങളുടെ ആരോഗ്യം കാക്കും.

നിലവാരമുള്ള റിമൂവർ ഉപയോഗിക്കുക: അസെറ്റോൺ അടങ്ങിയ നെയിൽ പോളിഷ് റിമൂവറുകൾ നഖങ്ങളെ വരണ്ടതാക്കി മാറ്റും. അതിനാൽ ‘അസെറ്റോൺ ഫ്രീ’ റിമൂവറുകൾ തിരഞ്ഞെടുക്കുക.

അരിയുടെ വെള്ളം എങ്ങനെ ഉപയോ​ഗിക്കാം?

ആദ്യം തന്നെ അരി കഴുകിയ വെള്ളമോ അല്ലെങ്കിൽ കുറച്ച് സമയം അത് കുതിർത്ത് വെച്ച വെള്ളമോ എടുക്കുക. അതിലേക്ക് ഒരു ടീസ്പൂൺ നാരങ്ങനീര് ചേർക്കുക. നിങ്ങളുടെ നഖങ്ങൾ പൂർണ്ണമായും മുങ്ങിനിൽക്കുന്ന പാകത്തിൽ വിരലുകൾ ഈ മിശ്രിതത്തിൽ 10 മുതൽ 15 മിനിറ്റ് വരെ മുക്കിവെക്കുക. അതിനുശേഷം കൈകൾ സാധാരണ വെള്ളത്തിൽ കഴുകി വൃത്തിയുള്ള തുണികൊണ്ട് തുടയ്ക്കുക. ഒടുവിൽ നഖങ്ങളിലും അതിന് ചുറ്റുമുള്ള ചർമ്മത്തിലും അല്പം വെളിച്ചെണ്ണ ഉപയോഗിച്ച് 2 മിനിറ്റ് മസാജ് ചെയ്യുക. ആഴ്ചയിൽ 3 തവണ വീതം ഒരു മാസം ഇത് തുടർച്ചയായി ചെയ്യുക. നഖങ്ങൾ പൊട്ടുന്നത് പൂർണ്ണമായി മാറുകയും നഖങ്ങൾക്ക് നല്ല നീളവും തിളക്കവും ലഭിക്കുകയും ചെയ്യും.

English Summary:

Weak, peeling nails that never seem to grow. Discover the secret to stronger nails with this natural rice water soak. Learn the exact step-by-step DIY recipe to repair brittle nails.