Hidden Waterfalls: ഇത് കേരളമല്ല, കർണാടകയാണ്! മനംമയക്കും കാടും വെള്ളച്ചാട്ടവും

കേരളത്തിലെ വിനോദസഞ്ചാര കേന്ദ്രങ്ങളെല്ലാം കണ്ടുതീർത്തവർക്ക് വാരാന്ത്യങ്ങളിൽ ചുരം കയറി എളുപ്പത്തിൽ പോയിവരാൻ പറ്റിയ ഒരിടമുണ്ട്. അതിർത്തി കടന്നാൽ എത്തുന്ന കർണാടകയിലെ മനോഹരമായ കാടുകളും കുളിരേകുന്ന വെള്ളച്ചാട്ടങ്ങളും കാണാൻ പോയാലേ. കേരളത്തിന്റെ അതിർത്തിയോട് ചേർന്നുകിടക്കുന്ന വയനാട്, കണ്ണൂർ, കാസർകോട് ജില്ലക്കാരിൽ പലരുടെയും പ്രിയപ്പെട്ട ഡെസ്റ്റിനേഷനായ കർണാടകയിലെ പ്രകൃതിഭംഗിയെക്കുറിച്ചും അവിടുത്തെ ആർക്കും അറിയാത്ത ചില വെള്ളച്ചാട്ടങ്ങളെക്കുറിച്ചും കൂടുതലറിയാം.

ALSO READ: മഴയല്ലേ, എന്നാൽ ഗോവയിലേക്ക് വണ്ടി വിട്ടാലോ? പോകുന്നതിന് മുൻപ് ഈ കാര്യങ്ങൾ അറിയണം

ഇരുപ്പു വെള്ളച്ചാട്ടം

വയനാട്ടിലെ തിരുനെല്ലിയോട് ചേർന്ന്, ബ്രഹ്മഗിരി മലനിരകളുടെ തണലിൽ സ്ഥിതിചെയ്യുന്ന സുന്ദരമായ വെള്ളച്ചാട്ടമാണ് ഇരുപ്പു. വനത്തിനുള്ളിലൂടെയുള്ള ചെറിയൊരു ട്രെക്കിംഗിന് ശേഷമാണ് ഈ വെള്ളച്ചാട്ടത്തിനടുത്ത് നമ്മൾ എത്തുന്നത്. കാട്ടിൽ നിന്ന് വരുന്നതുകൊണ്ട് തന്നെ ഈ വെള്ളത്തിൽ ഇറങ്ങിയാൽ നല്ല തണുപ്പാണ്. മഴക്കാലം ആസ്വദിക്കാൻ മികച്ച ഇടം കൂടിയാണിത്. വയനാട് മാനന്തവാടിയിൽ നിന്ന് ഏകദേശം 30 കി.മീ ദൂരം മാത്രമാണ് ഇവിടേക്കുള്ളത്.

ചെലവാര വെള്ളച്ചാട്ടം

കുടക് യാത്രകളിൽ ആരും കാണാൻ ആഗ്രഹിക്കുന്ന ഒന്നാണ് കൂറ്റൻ പാറക്കെട്ടുകൾക്കിടയിലൂടെ താഴേക്ക് പതിക്കുന്ന ചെലവാര വെള്ളച്ചാട്ടം. കാപ്പിത്തോട്ടങ്ങൾക്കും പച്ചപ്പു നിറഞ്ഞ കുന്നുകൾക്കും നടുവിലാണ് ഇത് സ്ഥിതി ചെയ്യുന്നത്. ഫോട്ടോഗ്രാഫി പ്രേമികളുടെ പറുദീസയാണിത്. വ്യത്യസ്‌ത കാലാവസ്ഥകളിൽ ഇവയുടെ രൂപവും ഭാവവും മാറും. പെരുമഴക്കാലത്ത് പാൽ പോലെ നിറഞ്ഞ് പതയുന്നതാണ് വെള്ളച്ചാട്ടങ്ങൾ. ചെറുതും വലുതുമായ നിരവധി വെള്ളച്ചാട്ടങ്ങൾ കൊണ്ട് സമ്പന്നമാണ് കർണാടകത്തിൻറെ തെക്കേ അറ്റത്തുള്ള കുടക് ജില്ലയെന്നതും മറ്റൊരു പ്രത്യേകതയാണ്.

അബ്ബി വെള്ളച്ചാട്ടം

മടിക്കേരി ടൗണിന് തൊട്ടടുത്തുള്ള സ്വകാര്യ തോട്ടങ്ങൾക്കിടയിലാണ് അബ്ബി വെള്ളച്ചാട്ടം സ്ഥിതിചെയ്യുന്നത്. അവിടെയുള്ള ഒരു ഹാംഗിംഗ് ബ്രിഡ്ജിൽ നിന്നാണ് വെള്ളച്ചാട്ടത്തിന്റെ മനോഹരമായ ദൃശ്യം കാണാനാകുക. കുടക് സന്ദർശിക്കുന്നവർ തീർച്ചയായും കണ്ടിരിക്കേണ്ട ഇടമാണിത്. 70 അടി ഉയരത്തിൽ നിന്ന് പാറക്കെട്ടുകളിലേക്ക് പതിക്കുന്ന ഈ വെള്ളച്ചാട്ടം കാണാൻ ധാരാളം സഞ്ചാരികളാണ് മഴക്കാലത്ത് എത്തുന്നത്.

ജോഗ് ഫാൾസ്

ഇന്ത്യയിലെ തന്നെ ഏറ്റവും ഉയരം കൂടിയ വെള്ളച്ചാട്ടങ്ങളിലൊന്നാണ് കർണാടകയിലെ ഷിമോഗയിൽ സ്ഥിതിചെയ്യുന്ന ജോഗ് ഫാൾസ്. ശരാവതി നദിയിൽ നിന്ന് നാല് വലിയ ധാരകളായി താഴേക്ക് പതിക്കുന്ന ജോഗ് ഫാൾസ് മൺസൂൺ കാലത്ത് അതിഗംഭീര കാഴ്ചയാണ് സമ്മാനിക്കുന്നത്. പശ്ചിമഘട്ടത്തിലുൾപ്പെടുന്ന സാഗര പ്രദേശ മേഖലയിൽ, 253 മീറ്റർ (830 അടി) ഉയരത്തിൽ നിന്ന് പതിക്കുന്നതാണ് ഈ വെള്ളച്ചാട്ടം. രാജ, റാണി, റോക്കറ്റ്, റോറർ എന്നിങ്ങനെ നാല് വ്യത്യസ്ത ജലപാതങ്ങൾ ചേർന്നതാണ് ജോഗ് വെള്ളച്ചാട്ടം. വെള്ളച്ചാട്ടം ശക്തിപ്രാപിക്കുന്ന സീസണിൽ ഒരു സെക്കൻഡിൽ 3.4 മില്യൺ ടൺ വെള്ളമാണ് ഒഴുകുന്നതെന്നാണ് കണക്കുകൾ കാണിക്കുന്നത്.

യാത്ര ചെയ്യുന്നവർ ശ്രദ്ധിക്കുക

പ്ലാസ്റ്റിക് നിരോധനം: കർണാടകയിലെ വനമേഖലകളിൽ പ്ലാസ്റ്റിക് പൂർണ്ണമായും നിരോധിച്ചിട്ടുണ്ട്. പരിസ്ഥിതി ശുചിയായി സൂക്ഷിക്കുക.

സുരക്ഷ പ്രധാനം: വെള്ളച്ചാട്ടങ്ങളിലെ ശക്തമായ ഒഴുക്കുള്ള ഭാഗങ്ങളിൽ ഇറങ്ങുന്നത് അപകടമാണ്. പ്രാദേശികമായി പുറപ്പെടുവിച്ച മുന്നറിയിപ്പുകൾ കൃത്യമായി പാലിക്കുക.

സമയക്രമം: വനപാതകളിലൂടെയുള്ള യാത്രയായതിനാൽ വൈകുന്നേരം 6 മണിക്ക് മുൻപായി യാത്ര അവസാനിപ്പിക്കാൻ ശ്രദ്ധിക്കുക.

English Summary:

Discover the best hidden waterfalls in Karnataka to explore this monsoon season. Experience unexplored, serene cascade spots in Coorg, Chikmagalur, and Western Ghats borders.