ആമസോൺ ദീപാവലി ഓഫർ തീരുന്ന തിയതി പ്രഖ്യാപിച്ചു; ഡിസ്കൗണ്ടിൽ വേഗം വാങ്ങാൻ ഒരു 10001mAh ബാറ്ററി 5G ഫോൺ
Realme Narzo Power 5G Amazon Diwali Edition Discount: ആമസോൺ ഗ്രേറ്റ് ഇന്ത്യൻ ഫെസ്റ്റിവൽ സെയിൽ ദീപാവലി എഡിഷൻ അ‌വസാനിക്കാൻ പോവുകയാണ്. ഈ ഓഫർ സെയിൽ തീരും മുമ്പ് മികച്ച ഡിസ്കൗണ്ട് സഹിതം തെരഞ്ഞെടുക്കാവുന്ന ഒരു 5ജി സ്മാർട്ട്ഫോൺ ഓപ്ഷനാണ് റിയൽമി നാർസോ പവർ 5ജി. വലിയ ബാറ്ററി ശേഷിയാണ് ഇതിന്റെ പ്രധാന പ്രത്യേകത.
ഇന്ത്യയിലെ ഫെസ്റ്റിവൽ സീസൺ കണക്കിലെടുത്ത് ആമസോൺ ആരംഭിച്ച ഗ്രേറ്റ് ഇന്ത്യൻ ഫെസ്റ്റിവൽ സെയിലിന്റെ ദീപാവലി എഡിഷൻ നാളെ (നവംബർ 10) അ‌വസാനിക്കും എന്ന് ആമസോൺ വെളിപ്പെടുത്തിയിട്ടുണ്ട്. ഒരു പുതിയ 5ജി സ്മാർട്ട്ഫോൺ മികച്ച ഡിസ്കൗണ്ടിൽ സ്വന്തമാക്കാൻ ആഗ്രഹിക്കുന്നവർക്ക് അ‌നുയോജ്യമായ നിരവധി ഓപ്ഷനുകൾ ഈ ആമസോൺ ഓഫർ സെയിലിൽ ലഭ്യമാണ്, അ‌തിലൊന്നാണ് റിയൽമി നാർസോ പവർ 5G ഡീൽ. (Image credit: Realme)
ഈ വർഷം മാർച്ചിൽ റിയൽമി ഇന്ത്യയിൽ അ‌വതരിപ്പിച്ച നാർസോ സീരീസ് മോഡലാണ് റിയൽമി നാർസോ പവർ 5G (realme NARZO Power 5G). 10001mAh ബാറ്ററി ശേഷി സഹിതം എത്തുന്നു എന്നതായിരുന്നു ഈ ഫോണിന്റെ പ്രത്യേകത. നാർസോ പവർ 5ജിയുടെ വേരിയന്റുകൾ നിലവിൽ 29999 രൂപ, 34999 രൂപ എന്നീ വിലകളിലാണ് ആമസോണിൽ ലിസ്റ്റ് ചെയ്തിരിക്കുന്നത്.
ദീപാവലി ഓഫർ സെയിലിന്റെ ഭാഗമായി നാർസോ പവർ 5ജി അ‌ടിസ്ഥാന മോഡലിന് 2000 രൂപ ഡിസ്കൗണ്ട് ലഭ്യമാണ്. അ‌തിനാൽ 27999 രൂപ പ്രാരംഭ വിലയിൽ ഈ 10001mAh ബാറ്ററി സ്മാർട്ട്ഫോൺ സ്വന്തമാക്കാൻ സാധിക്കും. ടൈറ്റൻ സിൽവർ, ടൈറ്റൻ ബ്ലൂ എന്നീ രണ്ട് കളർ ഓപ്ഷനുകളിലാണ് ഈ ഫോൺ ലഭ്യമായിട്ടുള്ളത്.
പ്രധാന ഫീച്ചറുകൾ: 2.6GHz വരെ ഒക്ട കോർ മീഡിയടെക് ഡൈമെൻസിറ്റി 7400 അൾട്രാ 4nm പ്രോസസർ ആണ് റിയൽമി നാർസോ പവർ 5ജിയുടെ കരുത്ത്. 50MP മെയിൻ ക്യാമറ ( 1/1.95″ IMX882 സെൻസർ, f/1.8 അപ്പേർച്ചർ, 2-ആക്സിസ് OIS), 8MP അൾട്രാ-വൈഡ് ക്യാമറ (f/2.2 അപ്പേർച്ചർ), 4K വരെ 30 fps വീഡിയോ റെക്കോർഡിംഗ്, IMX480 സെൻസറുള്ള 16MP ഫ്രണ്ട് ക്യാമറ എന്നിവ ഇതിലുണ്ട്.
6.8-ഇഞ്ച് 1.5K AMOLED സ്‌ക്രീൻ, HDR10+, 144Hz റിഫ്രഷ് റേറ്റ്, 6500 nits വരെ പീക്ക് ബ്രൈറ്റ്‌നസ്, കോർണിംഗ് ഗൊറില്ല ഗ്ലാസ് 7i പ്രൊട്ടക്ഷൻ, Mali-G615 MC2 GPU, 8GB LPDDR4X RAM, 128GB/256GB (UFS 3.1) സ്റ്റോറേജ്, ഇൻ-ഡിസ്പ്ലേ ഫിംഗർപ്രിന്റ് സെൻസർ, ഇൻഫ്രാറെഡ് സെൻസർ, USB ടൈപ്പ്-സി ഓഡിയോ, ബോട്ടം-പോർട്ടഡ് സിംഗിൾ സ്പീക്കർ എന്നിവയും ഉണ്ട്.
IP66 + IP68 + IP69 റേറ്റിങ്സ്, ഡ്യുവൽ സിം (നാനോ + നാനോ), 5G SA/NSA, ഡ്യുവൽ 4G VoLTE, 80W ഫാസ്റ്റ് ചാർജിങ്, 10001mAh ടൈറ്റൻ ബാറ്ററി, 27W റിവേഴ്‌സ് ചാർജിങ്, ബൈപാസ് ചാർജിങ് എന്നിവയാണ് മറ്റ് പ്രധാന ഫീച്ചറുകൾ. ആൻഡ്രോയിഡ് 16 അ‌ടിസ്ഥാനമാക്കിയുള്ള റിയൽമി UI 7.0ൽ ആണ് പ്രവർത്തനം. 3 OS അപ്‌ഡേറ്റുകളും 4 വർഷത്തെ സുരക്ഷാ അപ്‌ഡേറ്റുകളും ലഭിക്കും.
