Namma Metro: ഓരോ നാല് മിനിറ്റിലും ട്രെയിന്‍; ബെംഗളൂരു നമ്മ മെട്രോ യാത്രക്കാരുടെ ടൈം ബെസ്റ്റ് ടൈം
Namma Metro Train Frequency: ഡ്രൈവറില്ലാ ട്രെയിനുകളും ബിഎംആര്‍സിഎല്‍ കൊണ്ടുവരുന്നുണ്ട്. ഇതിനായി 414 കോടിയുടെ പുതിയ കരാറാണ് ബിഇഎംഎല്ലിന് കമ്പനി നല്‍കിയത്. 36 കോച്ചുകളുള്ള ആറ് ട്രെയിനുകള്‍ 2027 ല്‍ സര്‍വീസ് നടത്തുമെന്നാണ് വിവരം.
രാജ്യത്തെ തിരക്കേറിയ നഗരങ്ങളിലൊന്നാണ് ബെംഗളൂരു. ഗതാഗത കുരുക്കുമൂലം യാത്രാക്ലേശം അനുഭവിക്കുന്ന ബെംഗളൂരുകാര്‍ക്ക് രക്ഷകനാകുന്നത് നമ്മ മെട്രോയാണ്. എന്നാല്‍ മെട്രോ ട്രെയിനുകള്‍ക്കായുള്ള കാത്തിരിപ്പ് ലക്ഷ്യസ്ഥാനത്ത് വേഗത്തില്‍ എത്തുന്നതില്‍ നിന്ന് അവരെ വിലക്കുന്നു. (Image Credits: Social Media)
എന്നാലിതാ ബെംഗളൂരു നിവാസികള്‍ക്ക് ഒരു സന്തോഷ വാര്‍ത്തയുമായി എത്തിയിരിക്കുകയാണ് ബെംഗളൂരു മെട്രോ റെയില്‍ കോര്‍പ്പറേഷന്‍ ലിമിറ്റഡ് (ബിഎംആര്‍സിഎല്‍). അടുത്ത രണ്ട് വര്‍ഷത്തിനുള്ളില്‍ എല്ലാ മെട്രോ ലൈനുകളിലും കാത്തിരിപ്പ് സമയം കുറയുമെന്ന പ്രഖ്യാപനമാണ് വന്നിരിക്കുന്നത്.
ഓരോ നാല് മിനിറ്റിലും ട്രെയിന്‍ സര്‍വീസ് നടത്താനാണ് ബിഎംആര്‍സിഎല്‍ ലക്ഷ്യമിടുന്നത്. ഈ ലക്ഷ്യത്തിലേക്ക് എത്തുന്നതിനായി തങ്ങളുടെ റോളിങ് സ്‌റ്റോക്ക് വേഗത്തില്‍ വികസിപ്പിക്കുകയും പുതിയ കരാറുകളില്‍ ഒപ്പുവെക്കുകയും ചെയ്യുന്ന തിരക്കിലാണ് കമ്പനി. ബെംഗളൂരുവിലെ തിരക്ക് നിയന്ത്രിക്കുകയും മലിനീകരണം കുറയ്ക്കുകയുമാണ് കമ്പനി ഇതുവഴി ലക്ഷ്യമിടുന്നത്.
ഡ്രൈവറില്ലാ ട്രെയിനുകളും ബിഎംആര്‍സിഎല്‍ കൊണ്ടുവരുന്നുണ്ട്. ഇതിനായി 414 കോടിയുടെ പുതിയ കരാറാണ് ബിഇഎംഎല്ലിന് കമ്പനി നല്‍കിയത്. 36 കോച്ചുകളുള്ള ആറ് ട്രെയിനുകള്‍ 2027 ല്‍ സര്‍വീസ് നടത്തുമെന്നാണ് വിവരം.
നിലവില്‍ യെല്ലോ ലൈനില്‍ അഞ്ച് ട്രെയിനുകളാണ് സര്‍വീസ് നടത്തുന്നത്. ആറാമത്തെ ട്രെയിന്‍ ഒരു മാസത്തിനുള്ളില്‍ എത്തുമെന്നാണ് വിവരം. ഓരോ 15 മിനിറ്റിലുമാണ് ട്രെയിന്‍ സര്‍വീസ് നടത്തുന്നത്. ആറാമത്തെ ട്രെയിന്‍ കൂടി എത്തുന്നതോടെ കാത്തിരിപ്പ് സമയം 12 മിനിറ്റായി കുറയും.
