Bigg Boss Malayalam Season 7: ആർകിടെക്റ്റാണ്, മോഡലാണ്; ബിബി ഹൗസിലെ കരുത്തുറ്റ സ്ത്രീശബ്ദം; ആരാണ് വൈൽഡ് കാർഡ് വേദ് ലക്ഷ്മി?
Who Is Ved Lakshmi: ബിഗ് ബോസ് ഹൗസിലെ വൈൽഡ് കാർഡുകളിൽ ഒരാളായ വേദ് ലക്ഷ്മി ഇതിനകം ഹൗസിൽ കരുത്തുറ്റ സാന്നിധ്യം അറിയിച്ചുകഴിഞ്ഞു. ആർക്കിടെക്റ്റും മോഡലുമായ വേദ് ലക്ഷ്മിയെപ്പറ്റി കൂടുതലറിയാം.
ബിഗ് ബോസ് ഹൗസിലെ അഞ്ച് വൈൽഡ് കാർഡുകളിൽ ഒരാളാണ് വേദ് ലക്ഷ്മി. പ്രൊഫഷണലി ആർക്കിടെക്റ്റ് ആയ വേദ് ലക്ഷ്മി മോഡലും നടിയുമാണ്. താരം ആദ്യമായി അഭിനയിച്ച സിനിമ പുറത്തിറങ്ങാനിരിക്കുകയാണ്. ബിബി ഹൗസിലെ കരുത്തുറ്റ സ്ത്രീശബ്ദമായ വേദ് ലക്ഷ്മിയെപ്പറ്റി. (Ved Lakshmi Instagram)
ലക്ഷ്മി ഹരിഹരൻ എന്നാണ് വേദ് ലക്ഷ്മിയുടെ ശരിയായ പേര്. പ്രൊഫഷൻ കൊണ്ട് ആർകിടെക്റ്റാണ്. ഈ മേഖലയിൽ ജോലി ചെയ്ത ലക്ഷ്മി കുറച്ചുകാലം മാർക്കറ്റിങ് പ്രൊഫഷണലായും ജോലി ചെയ്തിട്ടുണ്ട്. ഇൻസ്റ്റഗ്രാമിൽ 15,000ഓളം ഫോളോവേഴ്സാണ് വേദ് ലക്ഷ്മിയ്ക്ക് ഉള്ളത്.
പുറത്തിറങ്ങാനിരിക്കുന്ന മിഡ്നൈറ്റ് ഇൻ മുള്ളൻകൊല്ലി എന്ന സിനിമയിലൂടെയാണ് വേദ് ലക്ഷ്മിയുടെ അഭിനയ കരിയർ ആരംഭിക്കുന്നത്. ബിഗ് ബോസ് സീസൺ 5 ജേതാവായ അഖിൽ മാരാറും ആ സീസണിലെ മത്സരാർത്ഥിയായിരുന്ന അഭിഷേക് ശ്രീകുമാറും സിനിമയിൽ പ്രധാന വേഷങ്ങളിലെത്തും.
ബിഗ് ബോസ് ഹൗസിനുള്ളിൽ കരുത്തുറ്റ സ്ത്രീശബ്ദമാണ് വേദ് ലക്ഷ്മി. വന്ന ദിവസം തന്നെ തൻ്റെ നിലപാട് കൃത്യമായി പറയാൻ ലക്ഷ്മി ശ്രദ്ധിച്ചിരുന്നു. സ്വാഗതം ആശംസിക്കാൻ ലഭിച്ച ടാസ്കിൽ നെവിൻ കൂടുതൽ സമയമെടുത്തപ്പോൾ അതിൽ തൻ്റെ എതിർപ്പ് വേദ് ലക്ഷ്മി അറിയിച്ചു.
കഴിഞ്ഞ ദിവസം കിച്ചണിൽ വച്ച് ഷാനവാസിൻ്റെ തർക്കത്തിലും താരം കുലുങ്ങിയില്ല. തിരികെ ശക്തമായിത്തന്നെ ലക്ഷ്മി പ്രതികരിച്ചു. വൈൽഡ് കാർഡുകളിൽ ഏറ്റവും നല്ല രീതിയിൽ ഗെയിം കളിക്കാനറിയുന്ന ആൾ എന്ന നിലയിലാണ് പൊതുവേ വേദ് ലക്ഷ്മിയെ ഇപ്പോൾ വിലയിരുത്തുന്നത്.
