Bigg Boss Malayalam Season 7: അനുമോളോടുള്ള ദേഷ്യമായിരുന്നോ? എവിക്ടായപ്പോൾ ഹഗ് ചെയ്യാത്തതിന് കാരണം വെളിപ്പെടുത്തി ആര്യൻ
Aryan Reveals Why He Didn’t Hug Anumol: അനുവിനെ മന:പൂർവം അവഗണിച്ചതല്ല. ആ സമയത്ത് കണ്ടില്ലെന്നും അനുമോളോട് തനിക്ക് ദേഷ്യവുമില്ലെന്നും ആര്യൻ വ്യക്തമാക്കി. മൂവീ വേൾഡ് മീഡിയക്കു നൽകിയ അഭിമുഖത്തിലായിരുന്നു ആര്യന്റെ തുറന്നുപറച്ചിൽ.
ബിഗ് ബോസ് സീസൺ ഏഴ് ഫൈനലിന് രണ്ടാഴ്ച മാത്രം ബാക്കിയിരിക്കെയായിരുന്നു മോഡലും നടനുമായ ആര്യൻ കതൂരിയ എവിക്ട് ആയത്. മികച്ച മത്സരാർത്ഥികളിൽ ഒരാളായിരുന്നു ആര്യൻ. ഇതിനു പിന്നാലെ ആര്യന്റെത് അൺ ഫെയർ എവിക്ഷനായിരുന്നുവെന്നാണ് ഭൂരിപക്ഷ പ്രേക്ഷകരുടെയും അഭിപ്രായം. (Image Credits: Instagram)
ഇതിനു ശേഷം മിക്ക അഭിമുഖങ്ങളിലും അനുമോൾക്കെതിരെ തുറന്നടിക്കുന്ന ആര്യനെയാണ് പ്രേക്ഷകർ കണ്ടത്. ഇപ്പോഴിതാ അനുമോളെക്കുറിച്ചുള്ള കൂടുതൽ ചോദ്യങ്ങളോട് പ്രതികരിക്കുകയാണ് താരം. പുറത്തിറങ്ങുന്നതിനു മുൻപ് അനുമോളെ ഹഗ് ചെയ്യാത്തതിന്റെ കാരണമാണ് താരം വെളിപ്പെടുത്തിയത്.
മന:പൂർവമല്ല, വിട്ടുപോയതാണ് എന്നായിരുന്നു ആര്യന്റെ പ്രതികരണം. എവിക്ടായപ്പോൾ അനുമോളെ ഒഴിച്ച് ബാക്കിയെല്ലാവരെയും ആര്യൻ ഹഗ് ചെയ്തിരുന്നു. ഇത് സോഷ്യൽ മീഡിയയിൽ വൻ ചർച്ചയ്ക്ക് വഴിവച്ചിരുന്നു. അനുമോളോടുള്ള ദേഷ്യം ആര്യൻ പ്രകടിപ്പിച്ചതാണെന്നാണ് പ്രേക്ഷകർ പറഞ്ഞത്. എന്നാൽ അതല്ല സത്യമെന്നാണ് ആര്യൻ പറയുന്നത്.
അനുവിനെ മന:പൂർവം അവഗണിച്ചതല്ല. ആ സമയത്ത് കണ്ടില്ലെന്നും അനുമോളോട് തനിക്ക് ദേഷ്യവുമില്ലെന്നും ആര്യൻ വ്യക്തമാക്കി. മൂവീ വേൾഡ് മീഡിയക്കു നൽകിയ അഭിമുഖത്തിലായിരുന്നു ആര്യന്റെ തുറന്നുപറച്ചിൽ.വീട്ടിൽ എത്തിയപ്പോൾ തന്നെ താൻ എല്ലാവരുമായി കണക്ടായെന്നും താനൊരു എക്സ്ട്രൊവേർട്ടാണെന്നും ആര്യൻ പറയുന്നു.
അന്ന് അനുമോളും നല്ല രീതിയിലാണ് പെരുമാറിയത്. സംസാരിക്കുമ്പോൾ കണ്ടന്റുണ്ടാകേണ്ടേ. ആ കാര്യത്തിൽ അനുമോൾ നല്ല ആക്ടീവ് ആയിരുന്നു. എന്നാൽ ഇതിനിടെയിൽ താൻ ജിസേലുമായി ക്ലോസായി. ഇതോടെയാണ് പ്രശ്നങ്ങൾ കൂടിയത് എന്നാണ് ആര്യൻ പറയുന്നത്. അനുമോൾക്ക് തന്നോട് ക്രഷ് ഉണ്ടായിരുന്നെന്ന് രഹസ്യമായി പറഞ്ഞെന്ന് ശൈത്യ തന്നോട് പറഞ്ഞിട്ടുണ്ടെന്നും ആര്യൻ പറയുന്നു.
