Bigg Boss Malayalam Season 7: അഭിഭാഷകൻ, ഫൂഡ് ക്രിട്ടിക്, കളിനറി ആന്ത്രപോളജിസ്റ്റ്; ഹൗസിൽ സജീവമായ ഒനീൽ സാബുവിനെ അറിയാം
Who Is Bigg Boss Contestant Oneal Sabu: പല മേഖലകളിൽ വ്യക്തിമുദ്ര പതിപ്പിച്ചയാളാണ് ഒനീൽ സാബു. ഹൗസിൽ സജീവമായ ഒനീൽ സാബുവിനെപ്പറ്റി കൂടുതലറിയാം.
ബിഗ് ബോസിൽ സജീവമാണ് ഒനീൽ സാബു. ഒണിയൻ എന്നും ഒനീൻ എന്നുമൊക്കെ ഹൗസ്മേറ്റ്സ് തെറ്റിദ്ധരിച്ച് വിളിച്ചിരുന്ന ഒനീൽ സാബുചിന് ഏറെ പ്രത്യേകതകളുണ്ട്. അഭിഭാഷകൻ, ഫൂഡ് ക്രിട്ടിക്, കളിനറി ആന്ത്രപോളജിസ്റ്റ് തുടങ്ങി വിവിധ മേഖലകളിൽ സാബു വ്യക്തിമുദ്ര പതിപ്പിച്ചിട്ടുണ്ട്. (Screengrab)
ഫോർട്ട് കൊച്ചി സ്വദേശിയാണ് ഒനീൽ സാബു. മാരിടൈം ലോയിൽ യുകെയിലെ സതാംപ്ടണിൽ നിന്ന് എൽഎൽഎം ബിരുദം നേടിയ സാബു 10 വർഷത്തോളം അഭിഭാഷകനായി ജോലി ചെയ്തു. 2017ലാണ് അഭിഭാഷക കരിയർ അവസാനിപ്പിച്ച് ഭക്ഷണമേഖലയിലേക്ക് തിരിയാൻ സാബു തീരുമാനിക്കുന്നത്.
തൻ്റെ പ്രിയപ്പട്ടെ ഭക്ഷണവിഭവങ്ങളെപ്പറ്റി എഴുതിയാണ് ഒനീൽ കരിയർ ആരംഭിക്കുന്നത്. ഇത് സാവധാനം വളരെ ജനകീയമായ ഒരു ഫൂഡ് ബ്ലോഗായി മാറി. തുടർന്ന് സാബു ഫൂഡ് വ്ലോഗുകൾ ചെയ്യാനാരംഭിച്ചു. ഇതിനിടെ സ്വന്തമായി റെസ്റ്റോറൻ്റ് ആരംഭിച്ചെങ്കിലും ഇത് പൂട്ടിക്കെട്ടേണ്ടിവന്നു.
കേരളത്തിലെ ഏറ്റവും വലിയ ഓൺലൈൻ ഫൂഡ് കമ്മ്യൂണിറ്റിയായ ഈറ്റ് കൊച്ചി ഈറ്റിൻ്റെ ഫൗണ്ടർമാരിൽ ഒരാളാണ് ഒനീൽ. ഭക്ഷണത്തിനൊപ്പം അതിൻ്റെ ചരിത്രവും സംസ്കാരവും തൻ്റെ വ്ലോഗുകളിലൂടെ അദ്ദേഹം പറയാനാരംഭിച്ചു. അങ്ങനെയാണ് സാബു കളിനറി ആന്ത്രപോളജിസ്റ്റ് ആവുന്നത്.
സോഷ്യൽ മീഡിയയിൽ 'എഫ്സി ബോയ്' (ഫോർട്ട് കൊച്ചിൻ ബോയ്) എന്നാണ് ഒനീൽ സാബു അറിയപ്പെടുന്നത്. സ്പൂക് ട്രെയിൽ വാക്ക്- കൊളോണിയൽ ക്രോളീസ്, കമ്മ്യൂണിറ്റി മേശ, ഫൻ്റാസ്മ തുടങ്ങിയതൊക്കെ ഒനീൽ സാബു തുടക്കമിട്ട പതിവുകളാണ്. ഇതിനൊക്കെ ആരാധകരുണ്ട്.
