Coconut Oil Price: വെളിച്ചെണ്ണയ്ക്ക് കഷ്ടകാലം, മലയാളികൾക്ക് നല്ല കാലം; വൻ ഇടിവിൽ തേങ്ങ വിലയും
Coconut Oil Price Today: ഓണക്കാലത്ത് റെക്കോർഡിലെത്തിയ വിലയിൽ നിന്ന് വലിയ തോതിലുള്ള ഇടിവ് ഇതുവരെ സംഭവിച്ചിട്ടില്ല. എന്നാലും വരുംദിവസങ്ങളിൽ ചിത്രം മാറുമെന്നാണ് വിപണിയിലെ ട്രെൻഡ് നൽകുന്ന സൂചന.
മലയാളികൾക്ക് ആശ്വാസമായി വർഷാവസാനം വെളിച്ചെണ്ണ വിലയിൽ വൻ ഇടിവ്. അഞ്ഞൂറെത്തിയ വെളിച്ചെണ്ണ വില ഡിസംബർ മാസത്തിൽ കുറയുന്നത് വലിയ ആശ്വാസമാണ്. തമിഴ്നാട്ടിലും കർണ്ണാടകയിലും കൊപ്രയ്ക്ക് നേരിട്ട ക്ഷാമമാണ് വെളിച്ചെണ്ണയെ റെക്കോർഡ് തകർക്കാൻ പ്രേരിപ്പിച്ചത്. (Image Credit: Getty Images)
ഓണക്കാലത്ത് റെക്കോർഡിലെത്തിയ വിലയിൽ നിന്ന് വലിയ തോതിലുള്ള ഇടിവ് ഇതുവരെ സംഭവിച്ചിട്ടില്ല. എന്നാലും വരുംദിവസങ്ങളിൽ ചിത്രം മാറുമെന്നാണ് വിപണിയിലെ ട്രെൻഡ് നൽകുന്ന സൂചന. നിലവിൽ 340-360 രൂപ നിരക്കിലാണ് സംസ്ഥാനത്തെ വെളിച്ചെണ്ണ ചില്ലറ വില. (Image Credit: Getty Images)
കേരളത്തിൽ തേങ്ങ ഉൽപാദനം വർദ്ധിച്ചതും അയൽസംസ്ഥാനങ്ങളിൽ നിന്ന് വൻതോതിൽ കൊപ്ര കേരളത്തിലേക്കെത്തുന്നതാണ് നിലവിൽ വില കുറയുന്നതിന് കാരണമാകുന്നത്. തമിഴ്നാട്ടിലും കൊപ്ര വില കുറയുന്നുണ്ട്. കിലോഗ്രാമിന് 172 രൂപ നിരക്കിലാണ് വ്യാപാരം. (Image Credit: Getty Images)
തേങ്ങ വിലയിലും വൻ ഇടിവാണ് സംഭവിച്ചത്. ഒരു മാസം കൊണ്ട് 17 രൂപയാണ് കുറഞ്ഞത്. നവംബർ പകുതിയോടെയാണ് വില കുറഞ്ഞ് തുടങ്ങിയത്. നവംബറിൽ അഞ്ച് രൂപ കുറഞ്ഞ് 65-ലെത്തിയിരുന്നു. നവംബർ 30-ന് വീണ്ടും മൂന്നുരൂപ കുറഞ്ഞ് 62 രൂപയിലെത്തി. (Image Credit: Getty Images)
ഡിസംബറിന്റെ തുടക്കത്തിൽ ആറ് രൂപ കുറഞ്ഞ് വില 52 ആയി. ഇപ്പോഴിതാ, വീണ്ടും മൂന്ന് രൂപ കുറഞ്ഞ് തേങ്ങ വില 53ലേക്ക് താഴ്ന്നിരിക്കുകയാണ്. തേങ്ങ വിലയിടിവ് വെളിച്ചെണ്ണയുടെ വിലയിൽ പ്രതിഫലിച്ചുതുടങ്ങിയതോടെ ക്രിസ്മസിലെ ആശങ്കകളെല്ലാം മലയാളികൾ മാറ്റിവച്ചിരിക്കുകയാണ്. (Image Credit: Getty Images)
