Fish Bone Stuck On Throat: മീൻ മുള്ള് തൊണ്ടയിൽ കുടുങ്ങിയോ? പേടിക്കേണ്ട, മുള്ള് പോകാൻ ഒരു എളുപ്പവഴിയുണ്ട്
Easy Ways To Remove Fish Bone Stuck On Throat: മലയാളികളുടെ ഭക്ഷണത്തിലെ പ്രധാന വിഭവങ്ങളിൽ ഒന്നാണ് മീൻ. എല്ലാവരും ആസ്വദിച്ച് മീൻ കഴിക്കാനാണ് ആഗ്രഹിക്കുന്നതെങ്കിലും, പലപ്പോഴും പേടിച്ചാണ് കഴിക്കാറ്. എന്നാൽ ഇനി മുള്ള് കുടുങ്ങിയാലും പേടിക്കേണ്ടതില്ല, മുള്ള് പോകാൻ ചില എളുപ്പ വഴികൾ ഉണ്ട്.
നമ്മളിലും പലരും പലപ്പോഴായി നേരിടുന്ന ഒരു വലിയ പ്രശ്നമാണ് മീൻ കഴിക്കുമ്പോൾ മുള്ള് തൊണ്ടയിൽ കുടുങ്ങുന്നത്.
മുള്ള് കുടുങ്ങിയ വഴിക്ക് നമ്മൾ കുറെ വെള്ളം കുടിച്ച് നോക്കുമെങ്കിലും മുള്ള് പോകാറുമില്ല. അതിനാൽ, തൊണ്ടയിൽ കുടുങ്ങിയ മുള്ള് പോകാനുള്ള ചില എളുപ്പ വഴികൾ നോക്കാം.
തൊണ്ടയിൽ മുള്ള് കുടുങ്ങിയാൽ അതിന് പരിഹാരമായി നാരങ്ങാ നീര് ഉപയോഗിക്കാം. ഒരു ടേബിൾ സ്പൂൺ ഒലീവ് ഓയിലിനൊപ്പം ഒരു ടേബിൾ സ്പൂൺ നാരങ്ങാ നീരും കൂടെ ചേർത്ത് മിക്സ് ചെയ്യുക. ഇത് കുടിക്കുന്നത് മുള്ള് എളുപ്പത്തിൽ തൊണ്ടയിലൂടെ ഇറങ്ങിപ്പോകാൻ സഹായിക്കുന്നു.
മറ്റൊരു പരിഹാരം ചോറാണ്. കറിയൊന്നും ഒഴിക്കാത്ത ചോറ് ഉരുളയാക്കി ചവക്കാതെ വിഴുങ്ങുന്നതും മുള്ള് പോകാൻ സഹായിക്കും. അല്ലെങ്കിൽ പഴം കഴിക്കാം. പഴം കഴിക്കുന്നതും കുടുങ്ങിയ മുള്ള് സോഫ്റ്റ് ആയി ഇറങ്ങി പോകാൻ സഹായിക്കും. ഇതിനെല്ലാം പകരം പുഴുങ്ങിയ മുട്ടയും കഴിക്കാം.
മുള്ള് കാണാൻ സാധിക്കുന്നുണ്ടെങ്കിൽ കൈകൊണ്ട് എടുക്കാൻ ശ്രമിക്കുക, നടന്നില്ലെങ്കിൽ ശ്രമം ഉപേക്ഷിക്കുക. ഈ എളുപ്പ വഴികൾ ഒന്നും തന്നെ വിജയിച്ചില്ലെങ്കിൽ ഡോക്ടറുടെ ഉപദേശം തേടുക.
