ചോറിന് പകരം കഴിക്കാന്‍ പറ്റുന്ന ഭക്ഷണങ്ങള്‍
തടി കുറയ്ക്കാന്‍ ആഗ്രഹിക്കുന്നവര്‍ക്ക് ഒട്ടനവധി മാര്‍ഗങ്ങളുണ്ട്. അതില്‍ പ്രധാനം ഭക്ഷണം നിയന്ത്രിക്കുക എന്നതാണ്. ചോറിന് പകരം കഴിക്കാനുള്ള മറ്റ് ഭക്ഷണമാണ് താഴെ പറയുന്നത്.
കോളിഫ്‌ളവര്‍ റൈസ്- കലോറിയും കാര്‍ബോയും കുറവുള്ള കോളിഫ്‌ളവര്‍ റൈസ് വണ്ണം കുറയ്ക്കാന്‍ ആഗ്രഹിക്കുന്നവര്‍ക്ക് ഉച്ചയ്ക്ക് കഴിക്കാം.
ബ്രൊക്കോളി റൈസ്- ഫൈബര്‍ അടങ്ങിയതും കാര്‍ബോ കുറഞ്ഞതുമായ ബ്രൊക്കോളി റൈസ് ശരീരത്തിലെ കൊഴുപ്പ് നീക്കം ചെയ്യാന്‍ സഹായിക്കും.
ചീര സൂപ്പ്- ഫൈബര്‍ അടങ്ങിയ കലോറി കുറഞ്ഞതുമായ ചീര സൂപ്പും വണ്ണം കുറയ്ക്കാന്‍ ആഗ്രഹിക്കുന്നവര്‍ക്ക് കഴിക്കാം.
ബ്രൗണ്‍ റൈസ്- ഫൈബര്‍ ധാരാളം അടങ്ങിയ ചുവന്ന അരി വിശപ്പിനെ നിയന്ത്രിക്കാനും വണ്ണം കുറയ്ക്കാനും സഹായിക്കും.
ബാര്‍ലി- ഫൈബര്‍ അടങ്ങിയ ബാര്‍ലി ഉച്ചയ്ക്ക് കഴിക്കുന്നതും വിശപ്പ് പെട്ടെന്ന് കുറയ്ക്കാനും വണ്ണം കുറയ്ക്കാനും സഹായിക്കും.
ഓട്‌സ്- ഒരു കപ്പ് ഓട്‌സില്‍ 7.5 ഗ്രാം ഫൈബര്‍ അടങ്ങിയിട്ടുണ്ട്. അതിനാല്‍ ഉച്ചയ്ക്ക് ഓട്‌സ് കഴിക്കുന്നതും വണ്ണം കുറയ്ക്കാന്‍ നല്ലതാണ്.
ഉപ്പുമാവ്- ഫൈബറിനാല്‍ സമ്പന്നമായ ഉപ്പുമാവില്‍ ഫാറ്റ് കുറവാണ്. അതിനാല്‍ ഉച്ചയ്ക്ക് ഉപ്പുമാവ് കഴിക്കുന്നതും നല്ലതാണ്.
പഴവര്‍ഗങ്ങള്‍- ആപ്പിള്‍, പേരയ്ക്ക, ബെറി പഴങ്ങള്‍ തുടങ്ങിയ ഫൈബര്‍ അടങ്ങിയ പഴങ്ങള്‍ ഉച്ചയ്ക്ക് കഴിക്കുന്നത് വിശപ്പ് കുറയ്ക്കാനും വണ്ണം കുറയ്ക്കാനും സഹായിക്കും.
