Garden Tips: ഓറഞ്ച് തൊലി ഇനി കളയേണ്ട! ചെലവില്ലാതെ ഗാർഡൻ അടിപൊളിയാക്കാം
Garden DIY Hacks: ഓറഞ്ച് കഴിച്ച ശേഷം അതിന്റെ തൊലി കളയാൻ വരട്ടെ! തോട്ടത്തിൽ ചെടികളുടെ ആരോഗ്യത്തിനും കീടങ്ങളെ തുരത്തുന്നതിനും ഓറഞ്ച് തൊലി വളരെ ഗുണം ചെയ്യും. നിങ്ങളുടെ ഗാർഡനിൽ ഓറഞ്ച് തൊലി ഉപയോഗിക്കാവുന്ന പ്രധാന വഴികളും ശ്രദ്ധിക്കേണ്ട കാര്യങ്ങളും അറിഞ്ഞാലോ...
ഓറഞ്ച് തൊലി ചെറിയ കഷണങ്ങളാക്കി ചെടികളുടെ ചുവട്ടിൽ വിതറാം. അല്ലെങ്കിൽ തൊലി വെള്ളത്തിലിട്ട് തിളപ്പിച്ച് തണുപ്പിച്ച ശേഷം ആ വെള്ളം ചെടികളിൽ തളിച്ചു കൊടുക്കാം. ഇവയിലെ സിട്രസ് മണവും അതിലടങ്ങിയിരിക്കുന്ന ഡി-ലിമോണീൻ എന്ന ഘടകവും ഉറുമ്പുകൾ, ഈച്ചകൾ, മറ്റ് കീടങ്ങൾ എന്നിവയെ അകറ്റി നിർത്താൻ സഹായിക്കും. (Image Credit source: Getty Images)
പൂച്ചകൾക്ക് സിട്രസ് മണം തീരെ ഇഷ്ടമല്ല. തോട്ടത്തിലെ ചെടിച്ചട്ടികളിലോ ചെടികൾക്കിടയിലോ പൂച്ചകൾ കയറി മണ്ണ് കിളയ്ക്കുന്നത് തടയാൻ ഓറഞ്ച് തൊലിയുടെ വലിയ കഷണങ്ങൾ വച്ചുകൊടുക്കാം. ഈ രീതിയിലും തോട്ടങ്ങളിൽ ഓറഞ്ച് തൊലി ഉപയോഗിക്കാം.
ഓറഞ്ച് തൊലിയിൽ നൈട്രജൻ, പൊട്ടാസ്യം, ഫോസ്ഫറസ് തുടങ്ങിയ പോഷകങ്ങൾ അടങ്ങിയിട്ടുണ്ട്. ഓറഞ്ച് തൊലികൾ ചെറുതായി അരിഞ്ഞ് കമ്പോസ്റ്റ് ബിന്നിലേക്ക് ഇടാം. ഉണങ്ങിയ ഇലകൾ, പേപ്പർ തുടങ്ങിയവയോടൊപ്പം ചേർത്ത് കൊടുക്കുമ്പോൾ കമ്പോസ്റ്റ് വേഗത്തിൽ ഉണ്ടാകാൻ ഇത് സഹായിക്കും.
ഓറഞ്ച് തൊലി ഉപയോഗിച്ച് നിർമ്മിക്കുന്ന ദ്രാവക വളം ചെടികൾക്ക് പെട്ടെന്ന് പോഷകങ്ങൾ ലഭിക്കാൻ സഹായിക്കും. ഓറഞ്ച് തൊലി വെള്ളത്തിൽ 24-48 മണിക്കൂർ ഇട്ടുവെക്കുക. തുടർന്ന് ഈ വെള്ളം അരിച്ചെടുത്ത് ചെടികളുടെ ചുവട്ടിൽ ഒഴിച്ചുകൊടുക്കാം.
ഓറഞ്ച് പകുതിയായി മുറിച്ച് അകത്തെ ചുളകൾ കഴിച്ച ശേഷം ബാക്കി വരുന്ന തൊലി ഒരു ചെറിയ ചട്ടിയായി ഉപയോഗിക്കാം. ഈ തൊലിയിൽ മണ്ണുനിറച്ച് വിത്തുകൾ പാകാം. വിത്ത് മുളച്ചുവരുമ്പോൾ, ഈ തൊലിയോടു കൂടി തന്നെ വലിയ ചട്ടിയിലേക്കോ മണ്ണിലേക്കോ മാറ്റി നടാം.
