Weight-Height Ratio: ഉയരത്തിനൊത്ത് എത്ര വണ്ണം വേണം? ആരോഗ്യ വിദഗ്ധർ പറയുന്ന കണക്കുകൾ ഇതാ!
How Much Should You Weigh For Your Height: ശരീരഭാരം കൂടുന്നതും കുറയുന്നതും ഇന്ന് പലരെയും അലട്ടുന്ന പ്രശ്നമാണ്. എന്നാൽ നിങ്ങളുടെ ഉയരത്തിന് അനുസരിച്ചുള്ള ശരിയായ ഭാരം എത്രയാണെന്ന് അറിയാമോ? നിങ്ങളുടെ ഉയരത്തിനൊത്ത ആരോഗ്യകരമായ ഭാരം കണ്ടെത്താൻ സഹായിക്കുന്ന ഘടകങ്ങളെ അറിയാമോ?
ശരീരഭാരം കൂടുന്നതും കുറയുന്നതും ഇന്ന് പലരെയും അലട്ടുന്ന പ്രശ്നമാണ്. എന്നാൽ നിങ്ങളുടെ ഉയരത്തിന് അനുസരിച്ചുള്ള ശരിയായ ഭാരം എത്രയാണെന്ന് അറിയാമോ? നിങ്ങളുടെ ഉയരത്തിനൊത്ത ആരോഗ്യകരമായ ഭാരം കണ്ടെത്താൻ സഹായിക്കുന്ന ഘടകങ്ങളെ അറിയാമോ? (Image Credit source: Getty Images)
ഉയരവും ഭാരവും തമ്മിലുള്ള അനുപാതം കണക്കാക്കാൻ ആഗോളതലത്തിൽ ഏറ്റവും കൂടുതൽ ഉപയോഗിക്കുന്ന മാർഗ്ഗമാണ് ബി.എം.ഐ (BMI). നിങ്ങളുടെ ഭാരത്തെ (കിലോഗ്രാമിൽ), ഉയരത്തിന്റെ (മീറ്ററിൽ) വർഗ്ഗം കൊണ്ട് ഹരിച്ചാണ് ഇത് കണ്ടെത്തുന്നത്.
ഇതിൽ 18.5-ൽ താഴെ കുറഞ്ഞ ഭാരം, 18.5 മുതൽ 24.9 വരെ ആരോഗ്യകരമായ ഭാരം, 25 മുതൽ 29.9 വരെ അമിത ഭാരം, 30, അതിൽ കൂടുതലോ അമിതവണ്ണവും മറ്റ് പ്രശ്നങ്ങളുമാണ് സൂചിപ്പിക്കുന്നത്. അതേസമയം, ബി.എം.ഐ പലപ്പോഴും കൃത്യമായ ശാരീരിക ഘടന കാണിക്കണമെന്നില്ല.
കായികതാരങ്ങളിൽ പേശികളുടെ ഭാരം കാരണം ബി.എം.ഐ ഉയർന്നേക്കാം. അതിനാൽ അരക്കെട്ടിന്റെ അളവും ഉയരവും തമ്മിലുള്ള അനുപാതം നോക്കുന്നത് കൊഴുപ്പിന്റെ അളവ് കൃത്യമായി മനസ്സിലാക്കാൻ സഹായിക്കും. അരക്കെട്ടിന്റെ അളവ് ഉയരത്തിന്റെ പകുതിയിൽ കുറവായിരിക്കുന്നതാണ് ഏറ്റവും നല്ലത്.
4' 10" അടി ഉയരത്തിന് പുരുഷന്മാർക്ക് 41 — 52 കിലോഗ്രാം ഭാരവും സ്ത്രീകൾക്ക് 38 — 49 കിലോഗ്രാം ഭാരവുമാണ് ആവശ്യം. അതുപോലെ, 5' 0" അടി ഉയരത്തിന് 44 — 56, 41 — 53 (സ്ത്രീ), 5' 2" ഇഞ്ചിന് 48 — 60, 45 — 57 (സ്ത്രീ), 5' 4" അടി ഉയരത്തിന് 53 — 66, 49 — 62 (സ്ത്രീ), 5' 6" അടി ഉയരത്തിന് 57 — 71, 53 — 67 (സ്ത്രീ), 5' 8" ഇഞ്ചിന് 62 — 76, 57 — 72, 6' 0"അടി ഉയരത്തിന് പുരുഷന്മാർക്ക് 71 — 87 കിലോഗ്രാമും സ്ത്രീകൾക്ക് 65 — 80 കിലോഗ്രാമുമാണ് ഭാരം വേണ്ടത്.
