Lifespan of Underwear: വർഷങ്ങളായി ഒരേ അടിവസ്ത്രമാണോ ഉപയോഗിക്കുന്നത്? കാലാവധി ഇതിനുമുണ്ട്
How Often Should You Replace Underwear: അടിവസ്ത്രങ്ങൾക്കും കാലാവധി ഉണ്ട്. ഏറെ കാലം ഒരേ അടിവസ്ത്രം ഉപയോഗിക്കുന്നത് പല ആരോഗ്യ പ്രശ്നങ്ങൾക്കും കാരണമാകും.
വർഷങ്ങൾക്ക് മുമ്പ് വാങ്ങിയ അടിവസ്ത്രങ്ങൾ തന്നെയാണോ ഇപ്പോഴും ഉപയോഗിക്കുന്നത്? അടിവസ്ത്രങ്ങൾ ശരീരത്തിൽ ഒട്ടികിടക്കുന്നതാണ്. അതിനാൽ തന്നെ അവയിൽ വിയർപ്പ്, ബാക്ടീരിയ, മൃതകോശങ്ങൾ തുടങ്ങിയയെല്ലാം അടിഞ്ഞുകൂടുന്നു. (Image Credits: Freepik)
ഏറ്റവും കൂടുതൽ വൃത്തിയോടെ സൂക്ഷിക്കേണ്ട ഒന്നാണ് അടിവസ്ത്രങ്ങൾ. നന്നായി കഴുകിയ ശേഷം വെയിലത്തിട്ട് വേണം ഇവ ഉണക്കിയെടുക്കാൻ. ഇതിൽ പറ്റിപ്പിടിച്ചിരിക്കുന്ന ബാക്ടീരിയ, ഫംഗസ് എന്നിവയെ നശിപ്പിക്കാൻ ഇത് സഹായിക്കും. (Image Credits: Pexels)
അടിവസ്ത്രങ്ങൾക്കും കാലാവധി ഉണ്ട്. ഏറെ കാലം ഒരേ അടിവസ്ത്രം ഉപയോഗിക്കുന്നത് ചൊറിച്ചിൽ, അലർജി തുടങ്ങി പല ആരോഗ്യ പ്രശ്നങ്ങൾക്കും കാരണമാകും. അതിനാൽ, ഓരോ ആറ് മാസം കൂടുമ്പോൾ അല്ലെങ്കിൽ ഒരു വർഷം കൂടുമ്പോഴെങ്കിലും അടിവസ്ത്രങ്ങൾ മാറ്റി വാങ്ങേണ്ടത് അത്യാവശ്യമാണ്. (Image Credits: Freepik)
അടിവസ്ത്രങ്ങൾ കഴുകുമ്പോൾ തുണിയുടെ നാരുകളിൽ ഉണ്ടാകുന്ന സൂക്ഷ്മ ദ്വാരങ്ങളിൽ ബാക്ടീരിയ, ഫംഗസ് എന്നിവ പറ്റിപിടിച്ചു നിൽക്കും. കഴുകുന്നതിലൂടെ ഇവയെ പൂർണമായും നശിപ്പിക്കാൻ കഴിയില്ല. (Image Credits: Freepik)
അടിവസ്ത്രങ്ങളുടെ ഇലാസ്തികത നഷ്ടപ്പെട്ട് അയഞ്ഞാൽ അല്ലെങ്കിൽ ചെറിയ ദ്വാരങ്ങൾ ഉണ്ടായാലോ, തുണിയുടെ കനം കുറഞ്ഞാലോ, അത് മാറ്റേണ്ട സമയമായി എന്നാണ് സൂചിപ്പിക്കുന്നത്. (Image Credits: Pexels)
കോട്ടൺ അടിവസ്ത്രങ്ങൾ ഉപയോഗിക്കുന്നതാണ് ഏറ്റവും നല്ലത്. ഒരേ അടിവസ്ത്രം തന്നെ ഒരു ദിവസത്തിൽ കൂടുതൽ ധരിക്കാതിരിക്കുക. വെള്ളം മാത്രം ഉപയോഗിക്കാതെ സോപ്പ് ഉപയോഗിച്ച് വേണം ഇവ കഴുകാൻ. (Image Credits: Pexels)
