Level Devil – NOT A Troll Game : വമ്പന്മാരായ ഗെയിമർമാർ പോലും മുട്ടുമടക്കിയ 2ഡി ഗെയിം; ലെവെൽ ഡെവിൾ- നോട്ട് എ ട്രോൾ ഗെയിം
Level Devil - NOT A Troll Game Update : സാധാരണ മൊബൈലുകളിൽ കാണാറുള്ള 2ഡി ഗെയിമാണ് ലെവെൽ ഡെവിൾ- നോട്ട് എ ട്രോൾ ഗെയിം. പക്ഷെ ഒരു ലെവെൽ കടക്കാനുള്ള കാഠിന്യമാണ് ഈ ഗെയിമിനെ വ്യത്യസ്തമാക്കുന്നത്.
യുട്യൂബിൽ ഗെയിമർമാർക്കിടയിൽ ട്രെൻഡിങ്ങായിരിക്കുന്ന ഒരു ഗെയിമാണ് ലെവെൽ ഡെവിൾ- നോട്ട് എ ട്രോൾ ഗെയിം. കണ്ടാൽ ഒരു 2ഡി ഗെയിം, പക്ഷെ ലെവെൽ ഡെവിൾ- നോട്ട് എ ട്രോൾ ഗെയിം വമ്പന്മാരായ ഗെയിമർമാരുടെ കിളി പറത്തി കളഞ്ഞു. (YouTube Screen Grab)
ശരിക്കും പറഞ്ഞാൽ ഗെയിമിൻ്റെ പേര് പോലെ ഗെയിമറെ ട്രോളുകയാണ് ലെവെൽ ഡെവിൾ- നോട്ട് എ ട്രോൾ ഗെയിം. ഓരോ ഘട്ടം കഴിയുമ്പോഴും അടുത്ത പണി എവിടെ നിന്നാണ് വരിക എന്ന് പറയാൻ പറ്റില്ല. ഒരു പ്രൊഫഷണൽ ഗെയിമർക്ക് കുറഞ്ഞപക്ഷം അഞ്ചും ആറും വട്ടം കളിച്ചാലെ ഒരു ലെവെൽ പൂർത്തിയാക്കാൻ സാധിക്കൂ. (YouTube Screen Grab)
ഒറ്റ നോട്ടത്തിൽ കണ്ട പണ്ടത്തെ സൂപ്പർ മാരിയോ, കോൺട്ര പോലെയുള്ള ഒരു 2ഡി ഗെയിം മാത്രമാണ് ഇത്. എന്നാൽ രാജകുമാരി രക്ഷപ്പെടുത്തുക എന്ന കഥ ഒന്നും 150ൽ അധികം ലെവെലുള്ള ഈ ഗെയിമിൻ്റെ പിന്നിൽ ഇല്ല. എന്നാൽ ഗെയിമറുടെ ക്ഷമ എത്രത്തോളമുണ്ടെന്ന് പരിശോധിക്കാൻ സാധിക്കും. (YouTube Screen Grab)
ഒരു അറയ്ക്കുള്ളിൽ ഒരു മനുഷ്യനെ അതിൽ നിന്നും സുരക്ഷിതമായ പുറത്ത് കടത്തുക. പ്രതിസന്ധികൾ ഏത് നിമിഷവും എവിടെ നിന്നും വരാം. അത് എന്താണെന്ന് പറയാൻ സാധിക്കില്ല, സുരക്ഷിതമാണെന്ന് കരുതി നിൽക്കുന്ന പ്രതലം താഴേക്ക് പോകാനും സാധ്യതയുണ്ട്. (YouTube Screen Grab)
എന്തൊക്കെ പറഞ്ഞാലും ഇതിൻ്റെ ഡെവെലപ്പർക്കാണ് കൈയ്യടി കൊടുക്കേണ്ടത്. ഈ ഗെയിം ആൻഡ്രോയിഡിൻ്റെ പ്ലേ സ്റ്റോറിലും ആപ്പിളിൻ്റെ ഐഒഎസിലും ലഭ്യമാണ്. പിസി വേർഷനും ലഭ്യമാണ്. (YouTube Screen Grab)
