Indoor Plants: വായുവിനെ ശുദ്ധീകരിക്കും, വീടിനുള്ളിൽ ഈ ചെടികൾ വളർത്തൂ
Air Purifying Indoor Plants: വീടിനുള്ളിൽ ചെടികൾ വളർത്തുന്നത് ഇന്ന് പലരുടെയും ഹോബിയാണ്. ലക്കി ബാംബൂ, മണി പ്ലാന്റ്, സ്നേക് പ്ലാന്റ് തുടങ്ങി ഡിമാൻഡ് കൂടിയ ഇൻഡോർ പ്ലാന്റുകൾ അനേകമാണ്. എന്നാൽ ഇവ വെറുമൊരു ഭംഗി മാത്രമല്ല, നിരവധി ആരോഗ്യഗുണങ്ങളും നൽകുന്നുണ്ട്. കൂടാതെ, ചില ചെടികൾ വായുവിനെ ശുദ്ധീകരിക്കുകയും ചെയ്യും.
വീടിനുള്ളിൽ നല്ല ഉയരത്തിൽ വളരുന്ന ഇൻഡോർ പ്ലാന്റാണ് അരേക്ക പാം. ഇവ വായുവിലെ ഫോർമൽഡിഹൈഡ്, സൈലീൻ തുടങ്ങിയ ടോക്സീനുകളെ നീക്കം ചെയ്യാൻ സഹായിക്കുന്നതാണ്. (Image Credit Source : Getty Images)
അതുപോലെ വീടിനുള്ളിലെ വായൂവിനെ ശുദ്ധീകരിക്കുന്ന മറ്റൊരു ചെടിയാണ് ബാംബൂ പാം. ഇവയും ബെൻസീൻ, ഫോർമൽഡിഹൈഡ് തുടങ്ങിയ വിഷവാതകങ്ങളെ ആഗിരണം ചെയ്ത് വായുവിനെ ശുദ്ധമാക്കുന്നു.
റബ്ബർ പ്ലാന്റാണ് പട്ടികയിൽ അടുത്തത്. തിളങ്ങുന്ന കടുംപച്ച നിറത്തിലുള്ള ഇലകൾ ഇവയുടെ പ്രത്യേകതയാണ്. വായുവിലെ ഫോർമൽഡിഹൈഡിനെ നീക്കം ചെയ്യുന്നതിൽ റബ്ബർ പ്ലാന്റ് മുൻപന്തിയിലാണ്.
പടർന്നു വളരുന്ന ഇൻഡോർ പ്ലാന്റാണ് ഇംഗ്ലീഷ് ഐവി. വായൂവിലൂടെ പകരുന്ന പൂപ്പലുകളെ പ്രതിരോധിക്കാൻ ഇംഗ്ലീഷ് ഐവിക്ക് സാധിക്കും. അതിനാൽ മടിക്കാതെ, അവ വീടിനുള്ളിൽ നടാവുന്നതാണ്.
മണിപ്ലാന്റ് എന്നറിയപ്പെടുന്ന പോത്തോസും വായുവിനെ ശുദ്ധീകരിക്കും. ഇവ വായുവിലെ കാർബൺ മോണോക്സൈഡ്, ബെൻസീൻ തുടങ്ങിയവ നീക്കം ചെയ്യുന്നതാണ്.
