Milk Storage: ഫ്രിഡ്ജിൽ വെച്ചാലും പാൽ കേടാകാറുണ്ടോ? ഈ ഒരു തെറ്റ് ഇനി ആവർത്തിക്കരുത്!
Milk Storage Tips : പാൽ തിളപ്പിച്ച ശേഷം ഫ്രിഡ്ജിൽ സൂക്ഷിച്ചാലും ചിലപ്പോൾ വേഗത്തിൽ കേടായിപ്പോകുന്നത് പലരുടെയും പരാതിയാണ്. ഫ്രിഡ്ജിന്റെ തണുപ്പുണ്ടായിട്ടും പാൽ കേടാകാൻ കാരണം നമ്മൾ അറിയാതെ വരുത്തുന്ന ചില ചെറിയ പിഴവുകളാണ്. ആ തെറ്റ് എന്താണെന്ന് അറിഞ്ഞാലോ ....
ആരോഗ്യത്തിന് ഏറെ ഗുണകരമായ സമീകൃത ഭക്ഷണമാണ് പാൽ. വാങ്ങി കൊണ്ടുവരുന്ന പാൽ തിളപ്പിച്ച ശേഷം ഫ്രിഡ്ജിൽ സൂക്ഷിച്ചാലും ചിലപ്പോൾ വേഗത്തിൽ കേടായിപ്പോകുന്നത് പലരുടെയും പരാതിയാണ്. ഫ്രിഡ്ജിന്റെ തണുപ്പുണ്ടായിട്ടും പാൽ കേടാകാൻ കാരണം നമ്മൾ അറിയാതെ വരുത്തുന്ന ചില ചെറിയ പിഴവുകളാണ്. ആ തെറ്റ് എന്താണെന്ന് അറിഞ്ഞാലോ.... (Image Credit source: Getty Images)
മിക്ക ആളുകളും പാൽ പാത്രമോ പാക്കറ്റോ ഫ്രിഡ്ജിന്റെ വാതിലിലുള്ള ഷെൽഫുകളിലാണ് വെക്കാറുള്ളത്. എന്നാൽ പാൽ സൂക്ഷിക്കാൻ ഏറ്റവും മോശമായ സ്ഥലം ഇതാണ്. ഫ്രിഡ്ജിന്റെ വാതിൽ അടയ്ക്കുകയും തുറക്കുകയും ചെയ്യുമ്പോൾ ഏറ്റവും കൂടുതൽ ചൂട് തട്ടുന്നത് വാതിലിലെ ഷെൽഫുകളിലാണ്. ഈ താപനില വ്യതിയാനം പാലിൽ ബാക്ടീരിയകൾ വേഗത്തിൽ വളരാൻ കാരണമാകുന്നു.
ഫ്രിഡ്ജിന്റെ ഉൾഭാഗത്തെ അപേക്ഷിച്ച് ഡോർ ഷെൽഫുകളിൽ തണുപ്പ് താരതമ്യേന കുറവായിരിക്കും. അതിനാൽ പാൽ എപ്പോഴും ഫ്രിഡ്ജിന്റെ ഏറ്റവും ഉള്ളിലുള്ള മധ്യത്തിലെ അല്ലെങ്കിൽ താഴത്തെ ഷെൽഫുകളിൽ വെക്കുക. ഫ്രിഡ്ജിന്റെ ഏറ്റവും കൂടുതൽ തണുപ്പുള്ളതും സ്ഥിരമായ താപനില നിലനിൽക്കുന്നതുമായ ഭാഗമാണിത്.
അതുപോലെ, പാൽ വാങ്ങിയ ഉടൻ നന്നായി തിളപ്പിക്കുക. തിളപ്പിച്ച പാൽ മുറിയിലെ താപനിലയിൽ ചൂടാറിയ ശേഷം മാത്രം ഫ്രിഡ്ജിലേക്ക് മാറ്റുക. ചൂടോടെ ഫ്രിഡ്ജിൽ വെക്കുന്നത് ഫ്രിഡ്ജിനുള്ളിലെ ആകെ തണുപ്പിനെ ബാധിക്കും.
മറ്റു ഭക്ഷണസാധനങ്ങളുടെ മണം പാലിലേക്ക് പിടിക്കാതിരിക്കാനും ബാക്ടീരിയ സമ്പർക്കം ഒഴിവാക്കാനും പാൽ എപ്പോഴും വായുകടക്കാത്ത പാത്രത്തിൽ അടച്ചുവെക്കുക. ഈ ചെറിയ കാര്യങ്ങൾ ശ്രദ്ധിച്ചാൽ ഫ്രിഡ്ജിൽ വെക്കുന്ന പാൽ ദിവസങ്ങളോളം കേടുകൂടാതെയും പുതുമയോടെയും സൂക്ഷിക്കാവുന്നതാണ്.
