Thar OG Facelift 2026: പ്രതീക്ഷ തെറ്റിയില്ല! പുതിയ ഹെഡ്ലൈറ്റും അലോയ് വീലും… ഥാർ ഫേസ് ലിഫ്റ്റ് എത്തി
Mahindra Thar OG Facelift 2026 : അങ്ങനെ ആ കാത്തരിപ്പ് അവസാനിച്ചു. ഇന്ത്യൻ വാഹന പ്രേമികൾ കഴിഞ്ഞ കുറച്ച് ദിവസമായി മഹീന്ദ്ര ഥാർ ഫേസ് ലിഫ്റ്റിനായുള്ള വെയിറ്റിംഗിൽ ആയിരുന്നു. ഉത്സവ സീസണ് മുൻപായി ഥാർ ഒ.ജി ഫെയ്ലിഫ്റ്റ് എത്തുമെന്ന് അറിയിപ്പുണ്ടായിരുന്നു. പുതിയ മോഡലിൽ എന്തൊക്കെ മാറ്റങ്ങളാണ് വന്നിരിക്കുന്നതെന്ന് അറിയാം.
2020 ൽ പുറത്തിറങ്ങിയതിനു ശേഷം ഥാറിന്റെ ആദ്യത്തെ പ്രധാന അപ്ഡേറ്റാണിത്. ഥാർ ഒജി (Mahindra Thar OG) എന്നാണ് ഈ മോഡലിന് പേര് നൽകിയിരിക്കുന്നത്. ഥാർ റോക്സിന്റെ പാത പിന്തുടർന്നുകൊണ്ടുള്ള അപ്ഡേഷനുകളാണ് ഈ മോഡലിൽ മഹീന്ദ്ര കൊണ്ടുവന്നിരിക്കുന്നത്. ഡിസൈൻ, ഇന്റീരിയർ, ഫീച്ചറുകൾ എന്നിവയിലാണ് മാറ്റങ്ങൾ. ( Image Credit Source Facebook/ Mahindra Thar )
ഥാർ റോക്സിൽ (Thar Roxx) നിന്ന് പ്രചോദനം ഉൾക്കൊണ്ടുള്ള ഡിസൈൻ മാറ്റങ്ങളിൽ പ്രധാനം ഹെഡ് ലൈറ്റ് ആണ്. C-ടൈപ്പ് ഡിആർഎല്ലുകൾ ഉൾക്കൊള്ളുന്ന LED ഹെഡ്ലൈറ്റുകൾക്കൊപ്പം പുതിയൊരു ഗ്രില്ലും ഫെയ്സ് ലിഫ്റ്റിൽ നൽകിയിരിക്കുന്നു. ഇന്ത്യൻ വിപണിയിൽ 10.32 ലക്ഷം രൂപ എക്സ്-ഷോറൂം പ്രാരംഭ വിലയിൽ ആണ് പുതിയ ഥാർ വന്നിരിക്കുന്നത്.
ബമ്പറുകൾക്കും പുതിയ ഡിസൈൻ നൽകിയിട്ടുണ്ട്. വാഹനത്തിന്റെ മൊത്തത്തിലുള്ള രൂപഘടനയിൽ മാറ്റമില്ലെങ്കിലും, 19 ഇഞ്ച് അലോയ് വീലുകൾക്കും പുതിയ രൂപ ശൈലി നൽകിയിരിക്കുന്നു. പിൻഭാഗം പഴയതുപോലെ നിലനിർത്തിയിട്ടുണ്ട് എങ്കിലും, ടെയിൽ ലൈറ്റുകളിൽ ചെറിയ മാറ്റങ്ങൾ കൊടുത്തിരിക്കുന്നു.
കറുപ്പ് നിറവുമായി ചേർന്ന ട്രഫിൾ ബ്രൗൺ ലെതറെറ്റ് സീറ്റുകളാണ് ഫെയ്സ് ലിഫ്റ്റ് മോഡലിൽ. പിൻനിര സീറ്റുകളിൽ കപ്പ് ഹോൾഡറുകളോട് കൂടിയ ആംറെസ്റ്റും ക്രമീരിച്ചു. 10.25 ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റവും മിഡ് ഇൻസ്ട്രുമെന്റ് ക്ലസ്റ്ററും ഇതിന്റെ ഇന്റീറിയറിലെ പുതിയ മാറ്റങ്ങളാണ്.
വയർലെസ് ചാർജർ, ക്രൂയിസ് കൺട്രോൾ, ടയർ ഡയറക്ഷൻ മോണിറ്ററിംഗ് സിസ്റ്റം, റിയർ വ്യൂ ക്യാമറ, ആറ് എയർബാഗുകൾ, ഫ്രണ്ട് പാർക്കിംഗ് സെൻസറുകൾ, ഓൾ-ഡിസ്ക് ബ്രേക്കുകൾ, വെഹിക്കിൾ ഡൈനാമിക്സ് കൺട്രോൾ, റോൾ-ഓവർ മിറ്റിഗേഷൻ, ഹിൽ ഹോൾഡ് കൺട്രോൾ, ട്രാക്ഷൻ കൺട്രോൾ തുടങ്ങിയ ഫീച്ചറുകളും ഥാർ ഒ.ജിയിൽ ഉണ്ട്. നിവിലുള്ള കളറുകൾക്ക് പുറമെ ആർട്ടിമിസ് സിൽവർ (Artemis Silver), ജീൻസ് ബ്ലൂ (Jeans Blue) എന്നീ പുതിയ നിറങ്ങളിലും ഈ SUV സ്വന്തമാക്കാൻ കഴിയും.
