Kerala Assembly Election 2026: മോഹൻലാൽ, മമ്മൂട്ടി, പൃഥ്വിരാജ്..! വോട്ട് ചെയ്യാൻ എത്തിയ സെലിബ്രിറ്റികൾ
Kerala Assembly Election 2026: രാവിലെ 7 മണി മുതൽ ആരംഭിച്ച വോട്ടിംഗിൽ നിരവധി സിനിമാതാരങ്ങളും തങ്ങളുടെ സമ്മതിദായക അവകാശം രേഖപ്പെടുത്തി. നടന്മാരായ മമ്മൂട്ടി, മോഹൻലാൽ, പൃഥ്വിരാജ്, ടോവിനോ തോമസ്, എന്നിവർ വോട്ട് രേഖപ്പെടുത്തി. കൂടാതെ സംവിധായകൻ ഷാജി കൈലാസ് ഭാര്യ ആനി, നടനും ബിജെപി നേതാവുമായ കൃഷ്ണകുമാർ മക്കളായ അഹാന, ഇഷാനി, നടി മമിത ബൈജു എന്നിവരും വോട്ട് രേഖപ്പെടുത്തി....
പതിനാറാം നിയമസഭ തിരഞ്ഞെടുപ്പ് കേരളത്തിൽ പുരോഗമിച്ചുകൊണ്ടിരിക്കുകയാണ്. അടുത്ത അഞ്ചുവർഷം ആരും ഭരിക്കണം എന്നത് ഇന്ന് വൈകിട്ടോടെ ജനങ്ങൾ ഒരു തീരുമാനമാക്കും. രാവിലെ 7 മണി മുതൽ ആരംഭിച്ച വോട്ടിംഗിൽ നിരവധി സിനിമാതാരങ്ങളും തങ്ങളുടെ സമ്മതിദായക അവകാശം രേഖപ്പെടുത്തി. (Image Credit Source : Facebook/Instagram)
അതിരാവിലെ വോട്ട് രേഖപ്പെടുത്തിയ നടന്മാരാണ് മോഹൻലാൽ സുരേഷ് ഗോപി എന്നിവർ. മോഹൻലാൽ മുടവൻമുഗൾ എൽ പി സ്കൂളിലാണ് വോട്ട് രേഖപ്പെടുത്തിയത്. സുരേഷ് ഗോപി ഗുരുവായൂരിലെ ദേവസ്വം സ്കൂളിലാണ് വോട്ട് ചെയ്തത്.
നടൻ മമ്മൂട്ടിയും ടോവിനോ തോമസും വോട്ട് ചെയ്തു. ഭാര്യ സുൽഫത്തിനൊപ്പം ആണ് മമ്മൂട്ടി വോട്ട് ചെയ്യാൻ എത്തിയത്. എറണാകുളം പൊന്നുരുന്നി ക്രൈസ്റ്റ് കിംഗ് കോൺവെന്റ് സ്കൂളിലാണ് വോട്ട് ചെയ്തത്. ഇരിങ്ങാലക്കുട ഗേൾസ് സ്കൂളിൽ എത്തിയാണ് ടോവിനോ തോമസ് കുടുംബത്തോടൊപ്പം വോട്ട് ചെയ്തത്.
നടൻ പൃഥ്വിരാജും ഭാര്യ സുപ്രിയയും ഒന്നിച്ചെത്തിയാണ് വോട്ട് രേഖപ്പെടുത്തിയത്. ഇരുവരും മാസ്ക് ധരിച്ചാണ് പോളിംഗ് ബൂത്തിൽ എത്തിയത്. കൂടാതെ സംവിധായകൻ ഷാജി കൈലാസും ഭാര്യയും നടിയുമായ ആനിയും വോട്ട് രേഖപ്പെടുത്തി.
കൃഷ്ണകുമാറും കുടുംബവും വോട്ട് ചെയ്തു. മക്കളായ അഹാനക്കും ഇഷാനിക്കും ഒപ്പമാണ് കൃഷ്ണകുമാർ വോട്ട് ചെയ്യാൻ എത്തിയത്. നടി മമിതാ ബൈജുവും വോട്ട് രേഖപ്പെടുത്തി. കിടങ്ങൂർ സെന്റ് മേരീസ് ഹയർ സെക്കൻഡറി സ്കൂളിലാണ് മമിതാ ബൈജു വോട്ട് ചെയ്തത്.
