Maruti Car Price Hike : സ്വിഫ്റ്റ് മുതൽ ഗ്രാൻഡ് വിറ്റാര വരെ, മാരുതിയുടെ ഈ ജനപ്രിയ മോഡലുകൾക്ക് വിലകൂടും
Maruti car price hike : അസംസ്‌കൃത വസ്തുക്കളുടെ വിലയിലുണ്ടായ വർദ്ധനവും ആഗോള സാമ്പത്തിക സാഹചര്യങ്ങളും പരിഗണിച്ച് 2026 ഓഗസ്റ്റ് മുതൽ മാരുതി സുസുക്കി തങ്ങളുടെ 'അരീന' (Arena), 'നെക്സ' (Nexa) ശ്രേണിയിലുള്ള വാഹനങ്ങളുടെ വില വർദ്ധിപ്പിച്ചിരിക്കുകയാണ്. കമ്പനിയുടെ വിവിധ ജനപ്രിയ മോഡലുകളെ ഉൾപ്പെടെ ഈ വില വർദ്ധനവ് ബാധിക്കുന്നുണ്ട്. വില വർദ്ധിക്കുന്ന മോഡലുകൾ ഏതെന്നും എത്രയാണ് വർദ്ധനവ് എന്നും നോക്കാം.
ആൾട്ടോ K10, എസ്-പ്രെസ്സോ, സെലേറിയോ, വാഗൺആർ തുടങ്ങിയ എൻട്രി-ലെവൽ മോഡലുകളുടെ വില 2,500 രൂപ വരെ വർധിച്ചു.ഡിസയർ, ടൂർ എസ് എന്നിവയുടെ വിലയിൽ 5,000 മുതൽ 7,000 രൂപ വരെ വർധനവാണ് വന്നിരിക്കുന്നത്. വാണിജ്യ വാഹനങ്ങളായ സൂപ്പർ ക്യാരി (Super Carry), ഈക്കോ (Eeco) എന്നിവയുടെ വിലയിലും മാറ്റമുണ്ട്. മിനി-ട്രക്കായ സൂപ്പർ ക്യാരിയുടെ വിലയിലും 2,500 രൂപ വരെ വർധനവ് വന്നു. സ്വിഫ്റ്റിന്റെ വിലയും ഇപ്പോൾ 5,000 രൂപ വരെ കൂടി. ( Image Credit Source Social Media )
ഇൻവിക്റ്റോയുടെ (Invicto) വിലയിലും 10,000 രൂപ വരെ വർധനവ് വരുത്തി. ജിംനിയുടെ വിലയിൽ 15,000 രൂപ വരെ കൂടുതൽ ഉണ്ടായപ്പോൾ മാരുതി സുസുക്കിയുടെ ഇലക്ട്രിക് എസ്‌യുവിയായ ഇ-വിറ്റാരയുടെ വിലയിൽ 20,000 രൂപ വരെ വർധനവാണ് വന്നത്.ജിംനിയുടെ വിലയിൽ 15,000 രൂപ വരെ വർധനവുണ്ടായപ്പോൾ, മാരുതി സുസുക്കിയുടെ ഇലക്ട്രിക് എസ്‌യുവിയായ ഇ-വിറ്റാരയുടെ വിലയിൽ 20,000 രൂപ വരെ വർധനവ് രേഖപ്പെടുത്തി.
അരീന മോഡലുകളിൽ, വിറ്റാര (Vitara) എസ്‌യുവിയിലാണ് ഏറ്റവും വലിയ വില വർധനവ് ഉണ്ടായിരിക്കുന്നത്. വിവിധ വേരിയന്റുകൾക്ക് അനുസരിച്ച് 10,000 രൂപ വരെയാണ് വില കൂടിയത്. 'ഗ്രാൻഡ് വിറ്റാര'യുടെ വിലയും കൂടിയിട്ടുണ്ട്. 5,000 രൂപ വരെയാണ് വർദ്ധിച്ചിരിക്കുന്നത്.
'ഫ്രോങ്ക്‌സ്' (Fronx) മോഡലിന്റെ വില 7,500 രൂപയാണ് ഉയർന്നത്. കയറ്റുമതി ശേരണിയിലും മികച്ച സ്വീകാര്യത നേടിയ ഈ മോഡൽ, 2026-ലെ രണ്ടാം പാദത്തിൽ ഇന്ത്യയിൽ നിന്ന് ഏറ്റവും കൂടുതൽ കയറ്റുമതി ചെയ്യപ്പെട്ട പാസഞ്ചർ വാഹനമായി മാറിയിരുന്നു. സ്പോർട്ടി രൂപമുള്ള ഈ വാഹനത്തിന് പ്രത്യേക ഫാൻ ബേസ് തന്നെയുണ്ട്.
'നെക്സ' നിരയിൽ ഏറ്റവും കൂടുതൽ വില വർധനവ് രേഖപ്പെടുത്തിയത് 'ബലേനോ' (Baleno) ആണ്; ഇതിന്റെ വിലയിൽ 30,000 രൂപ വരെയാണ് വർധനവുണ്ടായത്. ഈ ഹാച്ച്ബാക്കിന്റെ പുതുക്കിയ പതിപ്പ് (facelifted version) പുറത്തിറക്കാനുള്ള പ്രവർത്തനങ്ങളും മാരുതി സുസുക്കി നടത്തി വരുന്നു. ഈ വാഹനം 2026 സെപ്റ്റംബർ 5-ന് വിപണിയിലെത്തുമെന്നാണ് പ്രതീക്ഷ.
