Cleaning Tips: കറിയുണ്ടാക്കാൻ മാത്രമല്ല; അടുക്കളയിലെ അഴുക്കും കറയും മാറ്റാനും പുളി മതി!
How to Use Tamarind to Clean Stained Utensils and Metals: കെമിക്കൽ ക്ലീനറുകൾക്ക് പകരമായി അടുക്കളയിലെ പാത്രങ്ങളും മറ്റ് ഉപകരണങ്ങളും തിളക്കമുള്ളതാക്കാൻ പുളി വളരെ ഫലപ്രദമായ ഒരു പ്രകൃതിദത്ത ഉപാധിയാണ്. വിനാഗിരിയും നാരങ്ങയും പോലെ തന്നെ അസിഡിക് ഗുണങ്ങളുള്ള പുളി, അടുക്കളയിലെ വിവിധ തരം അഴുക്കുകൾ നീക്കം ചെയ്യാൻ സഹായിക്കും.
കറികളിലെ രുചിയും പുളിയും കൂട്ടാൻ പുളി ഉപയോഗിക്കാറുണ്ട്. എന്നാൽ പുളിക്ക് മറ്റൊരു തരത്തിലും നമ്മളെ സഹായിക്കുമെന്ന് അറിയാമോ? കെമിക്കൽ ക്ലീനറുകൾക്ക് പകരമായി അടുക്കളയിലെ പാത്രങ്ങളും മറ്റ് ഉപകരണങ്ങളും തിളക്കമുള്ളതാക്കാൻ പുളി വളരെ ഫലപ്രദമായ ഒരു പ്രകൃതിദത്ത ഉപാധിയാണ്. വിനാഗിരിയും നാരങ്ങയും പോലെ തന്നെ അസിഡിക് ഗുണങ്ങളുള്ള പുളി, അടുക്കളയിലെ വിവിധ തരം അഴുക്കുകൾ നീക്കം ചെയ്യാൻ സഹായിക്കും. (Image Credit source: Getty Images)
സ്റ്റീൽ പാത്രങ്ങളിലെ ഭക്ഷണക്കറകളും മറ്റ് മലിനീകരണങ്ങളും മാറ്റാൻ പുളി ഉപയോഗിക്കാം. അൽപ്പം പുളി കുതിർത്തെടുത്തോ വിത്തുകളും നാരുകളും നീക്കം ചെയ്തോ കറയുള്ള ഭാഗങ്ങളിൽ പുരട്ടുക. കുറച്ചുനേരം വെച്ചതിനുശേഷം സ്പോഞ്ച് ഉപയോഗിച്ച് മൃദുവായി ഉരച്ച് കഴുകിക്കളയാം. ഇത് പാത്രങ്ങൾ വൃത്തിയായി സൂക്ഷിക്കാൻ സഹായിക്കും.
കാലക്രമേണ നിറം മങ്ങിപ്പോകുന്ന ചെമ്പ് പാത്രങ്ങളും വൃത്തിയാക്കാൻ പുളി മികച്ചതാണ്. പുളിപ്പൾപ്പിൽ അൽപ്പം വെള്ളം ചേർത്ത് പേസ്റ്റ് രൂപത്തിലാക്കി കറയുള്ള ഭാഗത്ത് പുരട്ടുക. കുറച്ചുനേരം വെച്ചതിനുശേഷം മൃദുവായ തുണിയോ സ്പോഞ്ചോ ഉപയോഗിച്ച് തുടച്ച് കഴുകിയാൽ ചെമ്പ് പാത്രങ്ങൾ പുത്തൻ പോലെ തിളങ്ങും.
പിത്തള കൊണ്ടുള്ള പാത്രങ്ങൾ, പാത്രങ്ങൾ, അലങ്കാര വസ്തുക്കൾ എന്നിവയിലെ മങ്ങൽ മാറ്റാൻ പുളി ഉപയോഗിച്ച് പേസ്റ്റ് തയ്യാറാക്കി തേക്കാം. വളരെ ശക്തിയായി ഉരെയ്ക്കരുത്, ഇത് പോറലുകൾ ഉണ്ടാക്കാൻ ഇടയാക്കും. വൃത്തിയാക്കിയ ശേഷം നല്ല വെള്ളത്തിൽ കഴുകി ഉണക്കുക.
പാത്രങ്ങളുടെ അടിയിൽ ഭക്ഷണങ്ങൾ കരിഞ്ഞുപിടിച്ചിട്ടുണ്ടെങ്കിൽ അത് എളുപ്പത്തിൽ കളയാൻ പുളി സഹായിക്കും. കരിഞ്ഞ ഭാഗത്ത് പുളിരസം പുരട്ടി കുറച്ച് മിനിറ്റ് വെക്കുക. പിന്നീട് അൽപ്പം ഇളം ചൂടുള്ള വെള്ളം ഒഴിച്ച് നോൺ-അബ്രസീവ് ആയ സ്പോഞ്ച് ഉപയോഗിച്ച് എളുപ്പത്തിൽ കഴുകി വൃത്തിയാക്കാം.
