Mood Improoving Food: വിഷമം മാറ്റാൻ മധുരം മതിയെന്ന് ആരു പറഞ്ഞു? പകരം ഇതൊന്നു കഴിച്ചു നോക്കൂ
Nutritional psychology of foods: മാനസികാരോഗ്യം മെച്ചപ്പെടുത്താൻ സഹായിക്കുന്ന ഭക്ഷണങ്ങളുണ്ട്. അതിൽ പ്രധാനം ധാന്യങ്ങളാണ്. ഇതിലെ ഫെർമെന്റബിൾ ഫൈബർ ദഹനം സുഗമമാക്കുകയും മൂഡ് മെച്ചപ്പെടുത്തുകയും ചെയ്യുന്നു.
നമ്മുടെ മാനസികാരോഗ്യവും ഭക്ഷണക്രമവും തമ്മിലുള്ള അഭേദ്യമായ ബന്ധത്തെക്കുറിച്ച് വിശദീകരിക്കുന്ന 'ന്യൂട്രീഷണൽ സൈക്കോളജി' പ്രസക്തമാകുന്ന കാലമാണിത്. മധുരം കഴിച്ചാൽ സന്തോഷം കിട്ടുമെന്നത് വെറും മിഥ്യാധാരണയാണെന്നും മറിച്ച് അത് വിഷാദാവസ്ഥയ്ക്ക് കാരണമായേക്കാമെന്നും ശാസ്ത്രം മുന്നറിയിപ്പ് നൽകുന്നു.
മാനസികാരോഗ്യം മെച്ചപ്പെടുത്താൻ സഹായിക്കുന്ന വേറെയും ഭക്ഷണങ്ങളുണ്ട്. അതിൽ പ്രധാനം ധാന്യങ്ങളാണ്. ഇതിലെ ഫെർമെന്റബിൾ ഫൈബർ ദഹനം സുഗമമാക്കുകയും മൂഡ് മെച്ചപ്പെടുത്തുകയും ചെയ്യുന്നു.
മെഡിറ്ററേനിയൻ ഡയറ്റ് ആണ് മറ്റൊരു മാർഗം. ആന്റിഓക്സിഡന്റുകൾ ധാരാളമുള്ള സസ്യാധിഷ്ഠിത ഭക്ഷണങ്ങൾ വിഷാദരോഗ ലക്ഷണങ്ങളെ കുറയ്ക്കുന്നു.
ഒമേഗ-3 ഫാറ്റി ആസിഡുകൾ അടങ്ങിയ മത്തി, അയല തുടങ്ങിയ മീനുകൾ കഴിക്കുന്നത് വഴി, തലച്ചോറിലെ ന്യൂറോണുകളുടെ പ്രവർത്തനം മെച്ചപ്പെടുത്തുന്നു. പുളിപ്പിച്ച ഭക്ഷണങ്ങളും ഉത്തമമാണ്. യോഗർട്ട്, ഇഡ്ഡലി തുടങ്ങിയവ വയറിലെ സൂക്ഷ്മജീവികളുടെ ആരോഗ്യം നിലനിർത്തുന്നതിലൂടെ തലച്ചോറിന് ഉന്മേഷം നൽകുന്നു.
നട്സ് & ഡാർക്ക് ചോക്ലേറ്റ് ആണ് മറ്റൊരു മാർഗം. മഗ്നീഷ്യം, പോളിഫെനോൾ എന്നിവ തലച്ചോറിന്റെ പ്രവർത്തനത്തെ ത്വരിതപ്പെടുത്തുന്നു. സംസ്കരിച്ച ഭക്ഷണങ്ങളും അമിത മധുരവും ഒഴിവാക്കി പോഷകസമൃദ്ധമായ ആഹാരം ശീലിക്കുന്നത് മനസ്സിനെ എപ്പോഴും പോസിറ്റീവ് ആയി നിലനിർത്താൻ സഹായിക്കും.
