200MP മെയിൻ ക്യാമറ, 7250mAh ബാറ്ററി; ഓപ്പോ റെനോ 17 പ്രോ ലോഞ്ച് ചെയ്തു
Oppo Reno 17 Pro launched ഓപ്പോ റെനോ 17 സീരീസ് ചൈനയിൽ ലോഞ്ച് ചെയ്തു. ഇത് അധികം വൈകാതെ ഇന്ത്യയിലും ലോഞ്ച് ചെയ്യും. റെനോ സീരീസിലെ കരുത്തൻ 17 പ്രോ മോഡലാണ്. 200MP മെയിൻ ക്യാമറ, കരുത്തൻ പ്രോസസർ എന്നിവയാണ് സ്റ്റാന്റേർഡ് മോഡലിൽ നിന്ന് റെനോ 17 പ്രോ മോഡലിനെ വ്യത്യസ്തമാക്കുന്നത്.

ഓപ്പോ തങ്ങളുടെ റെനോ സീരീസിന്റെ ഭാഗമായി പുതിയ റെനോ 17 സീരീസ് ചൈനയിൽ ലോഞ്ച് ചെയ്തു. റെനോ 17 (Reno17), റെനോ 17 പ്രോ (Reno17 Pro), എന്നിങ്ങനെ രണ്ട് മോഡലുകൾ ആണ് ഈ സീരീസിൽ എത്തിയിരിക്കുന്നത്. ഇതിൽ റെനോ 17 പ്രോ മോഡൽ 200MP മെയിൻ ക്യാമറ അടക്കമുള്ള കരുത്തൻ ഫീച്ചറുകളുമായാണ് എത്തിയിരിക്കുന്നത്. അധികം വൈകാതെ ഇവ ഇന്ത്യയിലും ലോഞ്ച് ചെയ്യും.

ഓപ്പോ റെനോ 17 പ്രോ ഫീച്ചറുകൾ: 6.32 ഇഞ്ച് (2640×1216 പിക്സലുകൾ) 1.5K ഫ്ലാറ്റ് OLED ഡിസ്പ്ലേ, 120Hz റിഫ്രഷ് റേറ്റ്, 3600 നിറ്റ്സ് വരെ ലോക്കൽ പീക്ക് ബ്രൈറ്റ്നസ്, OPPO ക്രിസ്റ്റൽ ഷീൽഡ് ഗ്ലാസ് പ്രൊട്ടക്ഷൻ എന്നിവ ഇതിലുണ്ട്. ആൻഡ്രോയിഡ് 17 അടിസ്ഥാനമാക്കിയുള്ള കളർ ഒഎസിലാണ് പ്രവർത്തനം.

കരുത്ത്: ഒക്ടാ-കോർ ഡൈമൻസിറ്റി 9500s 3nm പ്രോസസർ ആണ് റെനോ 17 പ്രോയുടെ കരുത്ത്. Immortalis G925 MC12 GPU, 8GB / 12GB LPDDR5X റാം, 256GB / 512GB UFS 3.1 സ്റ്റോറേജ് എന്നിവയും ഇതിലുണ്ട്. പൊടി, ജലം എന്നിവയെ പ്രതിരോധിക്കാൻ IP66 + IP68 + IP69 + IP69K റേറ്റിങ്ങും ഈ ഓപ്പോ ഫോണിലുണ്ട്.

ക്യാമറ: 200MP മെയിൻ ക്യാമറ (1/1.56″ സെൻസർ, f/1.8 അപ്പേർച്ചർ, OIS), 50MP അൾട്രാ-വൈഡ് ക്യാമറ (116º, f/2.0 അപ്പേർച്ചർ), 50MP 3.5X പെരിസ്കോപ്പ് ക്യാമറ (OIS, f/2.8 അപ്പേർച്ചർ); 4K 60 fps വീഡിയോ റെക്കോർഡിംഗ് സൗകര്യം എന്നിവ അടങ്ങുന്ന ട്രിപ്പിൾ റിയർ ക്യാമറ സജ്ജീകരണവും സെൽഫിക്കും മറ്റുമായി 50MP ഫ്രണ്ട് ക്യാമറയും (f/2.0 അപ്പേർച്ചർ, 4K 60 fps വീഡിയോ റെക്കോർഡിംഗ്) ഉണ്ട്.

ബാറ്ററി, മറ്റ് ഫീച്ചറുകൾ: 80W സൂപ്പർവൂക്ക് ഫാസ്റ്റ് ചാർജിംഗിനൊപ്പം 7250mAh ബാറ്ററിയാണ് ഈ പ്രോ മോഡലിൽ ഉള്ളത്. ഇൻഫ്രാറെഡ് സെൻസർ, USB Type-C ഓഡിയോ, സ്റ്റീരിയോ സ്പീക്കറുകൾ, 5G SA/NSA, ഡ്യുവൽ 4G VoLTE എന്നിവയാണ് മറ്റ് പ്രധാന ഫീച്ചറുകൾ. ഖിയു മിയാവോ, ഐസ് മൂൺ വൈറ്റ്, കൊക്കോ ബ്രൗൺ, ഫസ്റ്റ് സ്നോ വൈറ്റ് എന്നീ നാല് കളർ ഓപ്ഷനുകളിൽ റെനോ 17 പ്രോ എത്തിയിരിക്കുന്നു.

വില: ഓപ്പോ റെനോ 17 പ്രോ 8GB + 256GB വേരിയന്റിന് 4199 യുവാൻ (ഏകദേശം 59,105 രൂപ), 12GB + 256GB വേരിയന്റിന് 4599 യുവാൻ (ഏകദേശം 64,735 രൂപ), 12GB + 512GB വേരിയന്റിന് 4999 യുവാൻ (ഏകദേശം 70,365 രൂപ) എന്നിങ്ങനെയാണ് വില. ഓപ്പോ ബബിൾന് 399 യുവാൻ (ഏകദേശം 5,615 രൂപ).