Rishabh Pant: സിക്സറുകളിൽ സെഞ്ചുറി! സ്റ്റോക്സിനും ഗിൽക്രിസ്റ്റിനുമൊപ്പം എലൈറ്റ് ക്ലബ്ബിൽ ഇടംനേടി ഋഷഭ് പന്ത്
Rishabh Pant first Indian batter to smash 100 test sixes: ഗാലെയിൽ ശ്രീലങ്കയ്ക്കെതിരായ ഒന്നാം ടെസ്റ്റിനിടെ ചരിത്രനേട്ടം കുറിച്ച് ഋഷഭ് പന്ത്. ടെസ്റ്റ് ക്രിക്കറ്റിൽ 100 സിക്സറുകൾ നേടുന്ന ആദ്യ ഇന്ത്യക്കാരനായി താരം മാറി. ലാഹിരു കുമാരയ്ക്കെതിരെ സിക്സർ പറത്തിയാണ് നാഴികക്കല്ല് പിന്നിട്ടത്.
ഗാലെയിൽ ശ്രീലങ്കയ്ക്കെതിരായ ഒന്നാം ടെസ്റ്റിനിടെ ചരിത്രനേട്ടം കുറിച്ച് ഇന്ത്യന് വിക്കറ്റ് കീപ്പര് ഋഷഭ് പന്ത്. ടെസ്റ്റ് ക്രിക്കറ്റിൽ 100 സിക്സറുകൾ നേടുന്ന ആദ്യ ഇന്ത്യക്കാരനായി താരം മാറി. ലാഹിരു കുമാരയ്ക്കെതിരെ കൂറ്റൻ സിക്സർ പറത്തിയാണ് പന്ത് ഈ നാഴികക്കല്ല് പിന്നിട്ടത്. ഈ ഷോട്ടിലൂടെ ടെസ്റ്റിൽ തന്റെ 20-ാം അര്ധ സെഞ്ചുറിയും അദ്ദേഹം തികച്ചു (Image Credit Source: PTI).
ടെസ്റ്റ് ചരിത്രത്തിൽ 100 സിക്സറുകൾ തികയ്ക്കുന്ന നാലാമത്തെ മാത്രം ബാറ്ററാണ് പന്ത്. 138 സിക്സറുകളുമായി ബെൻ സ്റ്റോക്സാണ് ഈ പട്ടികയിൽ മുന്നിൽ. 107 സിക്സറുകളുമായി ബ്രണ്ടൻ മക്കല്ലമാണ് തൊട്ടുപിന്നിൽ. 100 സിക്സറുകളോടെ പന്ത് ഇപ്പോൾ മൂന്നാം സ്ഥാനത്തെത്തി.
മുന് ഓസീസ് താരം ആദം ഗില്ക്രിസ്റ്റും ടെസ്റ്റില് 100 സിക്സറുകള് നേടിയിട്ടുണ്ട്. ശ്രീലങ്കയ്ക്കെതിരായ ടെസ്റ്റിലെ രണ്ടാം ഇന്നിങ്സില് പന്തായിരുന്നു ഇന്ത്യയുടെ ടോപ് സ്കോറര്. 69 പന്തുകള് നേരിട്ട താരം 66 റണ്സെടുത്തു. ഏകദിന ശൈലിയിലായിരുന്നു ബാറ്റിങ്.
എട്ട് ഫോറും, രണ്ട് സിക്സും ഋഷഭ് പന്ത് അടിച്ചുകൂട്ടി. ഋഷഭ് പന്ത് മാത്രമാണ് ഇന്ത്യന് നിരയില് രണ്ടാം ഇന്നിങ്സില് അര്ധ സെഞ്ചുറി പിന്നിട്ടത്. ഇന്ത്യ 193 റണ്സിന് ഓള് ഔട്ടായി. ആദ്യ ഇന്നിങ്സില് ഇന്ത്യ 462 റണ്സ് നേടിയിരുന്നു.
ആദ്യ ഇന്നിങ്സില് 39 റണ്സാണ് പന്ത് നേടിയത്. നാല് ഫോറും ഒരു സിക്സും താരം ആദ്യ ഇന്നിങ്സില് കണ്ടെത്തി. എന്തായാലും, രണ്ടാം ഇന്നിങ്സിലെ മികച്ച പ്രകടനത്തിലൂടെ ടെസ്റ്റ് ക്രിക്കറ്റിൽ 100 സിക്സറുകൾ തികയ്ക്കുന്ന ആദ്യ ഇന്ത്യക്കാരനായി താരം മാറി. ലാഹിരു കുമാര എറിഞ്ഞ , പന്ത് ലോംഗ് ലെഗ്ഗിന് മുകളിലൂടെ പുൾ ചെയ്ത് സിക്സറടിക്കുകയായിരുന്നു.
