ShahRukh khan-Mohanlal: ‘ഒരു വൈകുന്നേരം അവധിയെടുത്ത് നമുക്ക് കൂടാം’; മോഹന്ലാലിന്റെ അഭിനന്ദനത്തിന് ഷാരൂഖ് ഖാന്റെ മറുപടി
Shah Rukh Khan Responds to Mohanlal’s Wishes: ഷാരുഖ് തന്റെ ഔദ്യോഗിക എക്സ് അക്കൗണ്ടിൽ വരുന്ന അഭിനന്ദനങ്ങൾക്കെല്ലാം കൃത്യമായി മറുപടിയും നൽകുന്നുണ്ട്. ഇതിനിടെയിൽ നടൻ മോഹൻലാൽ അഭിനന്ദനമറിയിച്ചതും ഷാരൂഖ് അതിനു നൽകിയ മറുപടിയുമാണ് ഇപ്പോൾ സോഷ്യൽ മീഡിയയിൽ വൈറലാകുന്നത്.
കഴിഞ്ഞ ദിവസമാണ് 71-ാമത് ദേശീയ ചലച്ചിത്ര അവാർഡുകൾ പ്രഖ്യാപിച്ചത്. മികച്ച നടനുള്ള പുരസ്കാരം ഷാരൂഖ് ഖാനാണ് (ജവാൻ) ലഭിച്ചത്. ഇതോടെ താരത്തിനു ലോകത്തിന്റെ വിവിധ ഭാഗങ്ങളിൽ നിന്നുള്ള അഭിനന്ദന പ്രവാഹമാണ് എത്തുന്നത്. (Image Credits:Facebook)
ഷാരുഖ് തന്റെ ഔദ്യോഗിക എക്സ് അക്കൗണ്ടിൽ വരുന്ന അഭിനന്ദനങ്ങൾക്കെല്ലാം കൃത്യമായി മറുപടിയും നൽകുന്നുണ്ട്. ഇതിനിടെയിൽ നടൻ മോഹൻലാൽ അഭിനന്ദനമറിയിച്ചതും ഷാരൂഖ് അതിനു നൽകിയ മറുപടിയുമാണ് ഇപ്പോൾ സോഷ്യൽ മീഡിയയിൽ വൈറലാകുന്നത്.
‘ദേശീയ ചലച്ചിത്ര പുരസ്കാര ജേതാക്കൾക്കെല്ലാം അഭിനന്ദനങ്ങൾ. മികച്ച പ്രകടനത്തിന് അവാർഡ് നേടിയ ഉർവശിക്കും വിജയരാഘവനും പ്രത്യേക സല്യൂട്ട് നൽകുന്നു. ഷാരൂഖ് ഖാൻ, വിക്രാന്ത് മാസ്സി, റാണി മുഖർജി എന്നിവർക്കും തന്റെ ഊഷ്മളമായ അഭിനന്ദനങ്ങൾ നേരുന്നു.
കൂടാതെ, കേരളത്തിലെ പ്രതിഭകളായ ‘ഉള്ളൊഴുക്ക്’, ‘പൂക്കാലം’ എന്നീ സിനിമകളുടെ അണിയറപ്രവർത്തകരെയും അഭിനന്ദിക്കുന്നു. ഒരിക്കൽ കൂടി അഭിനന്ദനങ്ങൾ!’ എന്നാണ് മോഹൻലാൽ സോഷ്യൽ മീഡിയയിൽ പങ്കുവച്ച പോസ്റ്റിൽ കുറിച്ചത്.
ഇതിനു പിന്നാലെയാണ് മോഹൻലാലിനു മറുപടിയുമായി ഷാരൂഖിന്റെ പോസ്റ്റ് എത്തുന്നത്. ‘നന്ദി മോഹൻലാൽ സാർ... നമുക്ക് ഒരു വൈകുന്നേരം ഒരുമിച്ചുകൂടാം’ എന്നായിരുന്നു ഷാരൂഖ് പ്രതികരിച്ചത്.
