Sreevidya Mullachery: ‘സ്വന്തം ഭാര്യയുടെ ചിലവിൽ അല്ലേ, കണ്ടവരുടെ ഭാര്യയുടെ ചെലവിൽ അല്ലല്ലോ’! ശ്രീവിദ്യ ഇതുവരെ കണക്ക് ചോദിച്ചിട്ടില്ലെന്ന് രാഹുൽ രാമചന്ദ്രൻ
Sreevidya Mullachery- Rahul Ramchandran: കഴിഞ്ഞ എട്ട് വർഷമായി തനിക്ക് ഒരു കുറവും വരാതെ തന്നെ പൊന്നു പോലെ നോക്കിയത് ശ്രീവിദ്യയാണ് എന്നാണ് രാഹുൽ പറയുന്നത്. ഇപ്പോഴാണ് തനിക്ക് ശ്രീവിദ്യയെ തിരിച്ച് നോക്കാൻ കഴിയുന്നതെന്നും രാഹുൽ പറഞ്ഞു.
മലയാളി പ്രേക്ഷകർക്ക് ഏറെ സുപരിചിതരായ താരദമ്പതികളാണ് ശ്രീവിദ്യ മുല്ലച്ചേരിയും രാഹുൽ രാമചന്ദ്രനും. മിനിസ്ക്രീൻ പ്രേക്ഷകരുടെ പ്രിയ താരമാണ് ശ്രീവിദ്യയെങ്കിൽ തന്റെ മിനിവ്ളോഗുകളിലൂടെ നിരവധി ആരാധകരാണ് സംവിധായകൻ രാഹുലിനുള്ളത്. ഇരുവരുടെയും വിശേഷങ്ങൾ സോഷ്യൽ മീഡിയയിലൂടെ പങ്കുവയ്ക്കാറുണ്ട്. (Image Credits:Instagram)
പലപ്പോഴും ഇവരുടെ വിവാഹ ബന്ധത്തെക്കുറിച്ച് അഭിപ്രായങ്ങൾ വരാറുണ്ട്. ഭാര്യയുടെ ചെലവിൽ ജീവിക്കുന്നു എന്ന കമന്റുകൾ ഇടയ്ക്ക് വരാറുണ്ട്. ഇപ്പോഴിതാ ഇതിനു മറുപടിയുമായി എത്തിയിരിക്കുകയാണ് രാഹുൽ. അങ്ങനെ പറയുന്നതിൽ തനിക്ക് നാണക്കേടില്ലെന്ന് രാഹുൽ രാമചന്ദ്രൻ പറയുന്നു.
മൂവി വേൾഡ് മീഡിയക്കു നൽകിയ അഭിമുഖത്തിലാണ് രാഹുൽ മനസ് തുറന്നത്.കഴിഞ്ഞ എട്ട് വർഷമായി തനിക്ക് ഒരു കുറവും വരാതെ തന്നെ പൊന്നു പോലെ നോക്കിയത് ശ്രീവിദ്യയാണ് എന്നാണ് രാഹുൽ പറയുന്നത്. ഇപ്പോഴാണ് തനിക്ക് ശ്രീവിദ്യയെ തിരിച്ച് നോക്കാൻ കഴിയുന്നത്.
ഈയിടക്കാണ് സ്വന്തം പണം കൊണ്ട് ചിന്നുവിന് പിറന്നാൾ സമ്മാനം വാങ്ങിക്കൊടുത്തതെന്നും കൊളാബറേഷൻസിൽ നിന്നൊക്കെ വരുമാനം ലഭിച്ചുതുടങ്ങിയതെന്നും രാഹുൽ പറയുന്നു.ഭാര്യയുടെ ചെലവിലാണ് ജീവിക്കുന്നതെന്ന് പറയാൻ തനിക്കൊരു മടിയുമില്ല.
സ്വന്തം ഭാര്യയുടെ ചെലവിലല്ലേ ജീവിക്കുന്നതെന്നും കണ്ടവരുടെ ഭാര്യയുടെ ചെലവിൽ അല്ലല്ലോ എന്നാണ് രാഹുൽ ചോദിക്കുന്നത്. അതിൽ തനിക്ക് സന്തോഷമേയുള്ളൂവെന്നും രാഹുൽ പറയുന്നു
നാളെ ഒരു ദിവസം ഇപ്പോൾ നമ്മൾ നോക്കുന്നതിനേക്കാൾ പത്തിരട്ടി നന്നായി തിരിച്ചു നോക്കാൻ പറ്റും എന്ന വിശ്വാസമുണ്ട്. അല്ലാതെ എല്ലാം അവൾ നോക്കിക്കോളും എന്ന ചിന്തയിലല്ലെന്നും രാഹുൽ പറയുന്നു
