Health Tips:പുതുവത്സര പ്രതിജ്ഞ വെറും ആവേശമാകരുത്; വ്യായാമം തുടങ്ങും മുൻപ് ശ്രദ്ധിക്കാൻ ചില കാര്യങ്ങൾ
Start your health and fitness the right way: പേശികൾക്കും സന്ധികൾക്കും ആയാസം നൽകുന്ന പരിക്കുകൾ ഒഴിവാക്കാൻ വ്യായാമത്തിന് മുൻപ് വാം അപ്പും, ശേഷം ശരീരം തണുപ്പിക്കാനുള്ള വ്യായാമങ്ങളും നിർബന്ധമാണ്
ന്യൂ ഇയർ റെസല്യൂഷൻസ് പലതും നാം എടുക്കാറുണ്ട്. അതിൽ പ്രധാനം ആരോഗ്യ സംബന്ധമായുള്ളതാകും. ഇതിൽ പലതും പാലിക്കാൻ നമ്മളെക്കൊണ്ട് കഴിയണം എന്നുമില്ല. എന്നാൽ കൃത്യമായി ഇത് പാലിക്കുന്നതിന് വഴികളുണ്ട്. കൂടാതെ ഇത്തരം ശീലങ്ങൾ പുതുതായി തുടങ്ങുന്നതിനു മുമ്പ് ശ്രദ്ധിക്കേണ്ട കാര്യങ്ങളും നിരവധിയാണ്.
വ്യായാമം തുടങ്ങുന്നതിന് മുൻപ് ബിപി, പ്രമേഹം, ഹൃദയാരോഗ്യം എന്നിവ പരിശോധിക്കുന്നത് അപകടങ്ങൾ ഒഴിവാക്കാൻ സഹായിക്കും. പ്രത്യേകിച്ച് 35 വയസ്സ് പിന്നിട്ടവർ. ആദ്യമേ കഠിനമായ വ്യായാമങ്ങൾ ചെയ്യാതെ, ലളിതമായ നടത്തത്തിലോ സ്ട്രെച്ചിംഗിലോ തുടങ്ങി ക്രമേണ തീവ്രത കൂട്ടുന്നതാണ് ശാസ്ത്രീയമായ രീതി.
പ്രായവും ശാരീരിക ബുദ്ധിമുട്ടുകളും പരിഗണിച്ച് വ്യായാമങ്ങൾ തിരഞ്ഞെടുക്കുക. പരിക്കുകൾ ഉള്ളവർ വിദഗ്ധ നിർദ്ദേശപ്രകാരം മാത്രം വ്യായാമം ചെയ്യുക.
പേശികൾക്കും സന്ധികൾക്കും ആയാസം നൽകുന്ന പരിക്കുകൾ ഒഴിവാക്കാൻ വ്യായാമത്തിന് മുൻപ് വാം അപ്പും, ശേഷം ശരീരം തണുപ്പിക്കാനുള്ള വ്യായാമങ്ങളും നിർബന്ധമാണ്.
വ്യായാമത്തിനിടെ അമിതമായ ശ്വാസതടസ്സമോ നെഞ്ചുവേദനയോ തോന്നിയാൽ അത് അവഗണിക്കാതെ ഉടൻ നിർത്തുകയും വൈദ്യസഹായം തേടുകയും വേണം.
