Bottle Gourd Peels: ചുരയ്ക്ക തൊലി കളയാൻ വരട്ടെ! മിനിറ്റുകൾക്കുള്ളിൽ കിടിലൻ സ്നാക്ക് തയ്യാറാക്കാം
Bottle Gourd Peels Kebab Recipe: ചുരയ്ക്കയുടെ തൊലി കളയുകയാണ് പതിവ്. എന്നാൽ ഈ ചുരയ്ക്ക തൊലികൾ വെച്ച് വളരെ രുചികരവും ക്രിസ്പിയുമായ കബാബുകൾ തയ്യാറാക്കാമെന്ന് അറിയാമോ? അടുക്കളയിലെ പാഴ്വസ്തുക്കൾ ഉപയോഗിച്ച് തീർത്തും വ്യത്യസ്തവും ആരോഗ്യകരവുമായ ഒരു സ്നാക്ക് എങ്ങനെ ഉണ്ടാക്കാം എന്ന് നോക്കാം.

നാം സാധാരണയായി പാചകം ചെയ്യുമ്പോൾ ചുരയ്ക്കയുടെ തൊലി അരിഞ്ഞു മാറ്റി വെസ്റ്റ് ആയി പുറത്തേക്ക് കളയുകയാണ് പതിവ്. എന്നാൽ ഈ ചുരയ്ക്ക തൊലികൾ വെച്ച് വളരെ രുചികരവും ക്രിസ്പിയുമായ കബാബുകൾ തയ്യാറാക്കാമെന്ന് അറിയാമോ? അടുക്കളയിലെ പാഴ്വസ്തുക്കൾ ഉപയോഗിച്ച് തീർത്തും വ്യത്യസ്തവും ആരോഗ്യകരവുമായ ഒരു സ്നാക്ക് എങ്ങനെ ഉണ്ടാക്കാം എന്ന് നോക്കാം. (Image Credit source: Getty Images, Unsplash)

ചുരയ്ക്ക തൊലി നന്നായി കഴുകി വൃത്തിയാക്കിയ ശേഷം ചെറുപീസുകളായി അരിയുക. വേണമെങ്കിൽ അല്പം ഉപ്പുവെപ്പിൽ ഇത് ഒന്ന് കുതിർക്കുകയോ ആവിയിൽ വേവിക്കുകയോ ചെയ്യാം. ഒരു പാത്രത്തിലേക്ക് അരിഞ്ഞുവെച്ച ചുരയ്ക്ക തൊലി, അരിഞ്ഞ ഉള്ളി, പച്ചമുളക്, മല്ലിയില എന്നിവ ചേർക്കുക.

ഇതിലേക്ക് ആവശ്യത്തിന് കടലമാവും അരിപ്പൊടിയും ചേർക്കുക. അരിപ്പൊടി ചേർത്താൽ കബാബിന് നല്ല ക്രിസ്പി സ്വഭാവം ലഭിക്കും. ഇതിലേക്ക് ഇഞ്ചി-വെളുത്തുള്ളി പേസ്റ്റ്, മഞ്ഞൾപ്പൊടി, മുളകുപൊടി, ഗരംമസാല, ആവശ്യത്തിന് ഉപ്പ് എന്നിവ ചേർത്ത് വെള്ളം അധികം ചേർക്കാതെ നന്നായി കുഴച്ചെടുക്കുക.

ഈ കൂട്ടിൽ നിന്നും ചെറിയ ഉരുളകളെടുത്ത് കബാബിന്റെ ആകൃതിയിലോ ബോൾ രൂപത്തിലോ തപ്പിയെടുക്കുക. പാനിൽ എണ്ണ ചൂടാക്കി തയ്യാറാക്കി വെച്ച കബാബുകൾ മീഡിയം തീയിൽ ഇരുവശവും ഗോൾഡൻ ബ്രൗൺ നിറമാകുന്നതുവരെ പൊരിച്ചെടുക്കുക.

രുചികരമായ ചൂടുള്ള ക്രിസ്പി ചുരയ്ക്ക തൊലി കബാബ് തയ്യാർ! ടൊമാറ്റോ സോസിനൊപ്പമോ പുതിന ചട്നിക്കൊപ്പമോ ഇത് കഴിക്കാവുന്നതാണ്. അടുത്ത തവണ ചുരയ്ക്ക കറി വെക്കുമ്പോൾ തൊലി കളയാൻ വരട്ടെ, ഈ കിടിലൻ സ്നാക്ക് ട്രൈ ചെയ്തു നോക്കൂ!