Suryakumar Yadav: ലോകകപ്പ് ടീമിലെത്തിയത് ക്യാപ്റ്റനായതുകൊണ്ട് മാത്രം; സൂര്യയുടെ സ്ഥാനവും ഉടന് തെറിക്കും?
Suryakumar Yadav Captaincy: ടി20 ലോകകപ്പിന് ശേഷം സൂര്യകുമാര് യാദവിനെ ക്യാപ്റ്റന് സ്ഥാനത്തുനിന്ന് നീക്കിയേക്കുമെന്ന് റിപ്പോര്ട്ട്. ടി20യില് സൂര്യ നിലവില് മോശം ഫോമിലാണ്
ടി20 ലോകകപ്പിന് ശേഷം സൂര്യകുമാര് യാദവിനെ ക്യാപ്റ്റന് സ്ഥാനത്തുനിന്ന് നീക്കിയേക്കുമെന്ന് റിപ്പോര്ട്ട്. ടി20യില് സൂര്യ നിലവില് മോശം ഫോമിലാണ്. ക്യാപ്റ്റനായതുകൊണ്ട് മാത്രമാണ് താരത്തിന് അധിക പിന്തുണ ലഭിക്കുന്നതെന്നാണ് വിവരം (Image Credits: PTI)
സൂര്യകുമാര് യാദവിനെ ക്യാപ്റ്റന് സ്ഥാനത്തുനിന്ന് നീക്കിയാല് ശുഭ്മാന് ഗില് നായകനായേക്കും. ടി20 ലോകകപ്പില് ഗില്ലിനെ ഒഴിവാക്കിയേങ്കിലും, താരത്തെയാണ് സൂര്യയുടെ പിന്ഗാമിയായി മാനേജ്മെന്റ് കാണുന്നത്. ടി20 ലോകകപ്പിന് ശേഷം ഗില് ഓള് ഫോര്മാറ്റ് ക്യാപ്റ്റനാകാനാണ് സാധ്യത (Image Credits: PTI)
2025ല് 21 മത്സരങ്ങളില് നിന്നായി 218 റണ്സ് മാത്രമാണ് സൂര്യകുമാറിന് നേടാനായത്. 13.62 ആണ് ശരാശരി. ഒരു അര്ധ സെഞ്ചുറി പോലും ഈ കാലയളവില് നേടാനായില്ല (Image Credits: PTI)
നിലവില് സൂര്യകുമാറിന് 35 വയസുണ്ട്. അടുത്ത ടി20 ലോകകപ്പിന് ശേഷം 2028ലെ ടി20 ലോകകപ്പ് ലക്ഷ്യമിട്ടുള്ള ടീം ബിസിസിഐക്ക് പടുത്തുയര്ത്തേണ്ടതുണ്ട്. അതുകൊണ്ട് തന്നെ 2026ലെ ലോകകപ്പിന് ശേഷം സൂര്യയെ ക്യാപ്റ്റന് സ്ഥാനത്തുനിന്ന് മാറ്റാനാണ് സാധ്യത (Image Credits: PTI)
സൂര്യകുമാറിനെ നേരത്തെ തന്നെ നീക്കാന് സെലക്ഷന് കമ്മിറ്റി ആലോചിച്ചിരുന്നെന്നാണ് റിപ്പോര്ട്ട്. എന്നാല് ടി20 ലോകകപ്പിന് ഏതാനും മാസങ്ങള് മാത്രം ബാക്കിനില്ക്കുന്നതിനാല് ഈ നീക്കം ഉപേക്ഷിക്കുകയായിരുന്നു. ചുരുക്കത്തില്, ഈ ടി20 ലോകകപ്പില് മികച്ച പ്രകടനം പുറത്തെടുക്കേണ്ടത് ടീമിലെ നിലനില്പിന് സൂര്യകുമാര് യാദവിന് അനിവാര്യമായിരിക്കുകയാണ് (Image Credits: PTI)
