Upcoming Malayalam OTT Releases : ഇനിയുമുണ്ട് ഒരുപാട്! ഒക്ടോബറിലെ ഒടിടി റിലീസുകൾ
Malayalam Upcoming OTT Releases In October : ഈ മാസം ഏകദേശം എട്ടോളം മലയാളം ചിത്രങ്ങളാണ് ഒടിടിയിൽ വരാനിരിക്കുന്നത്. ഇതിൽ ആറ് ചിത്രങ്ങളുടെ റിലീസ് സംബന്ധിച്ച് ധാരണയും ഔദ്യോഗിക പ്രഖ്യാപിനവും ഉണ്ടായിട്ടുണ്ട്. രണ്ട് സിനിമകളുടെ ഒടിടി റിലീസ് സംബന്ധിച്ച് ഇപ്പോഴും അനിശ്ചിതത്വം തുടരുകയാണ്.
ഈ ആഴ്ചയിൽ മൂന്ന് മലയാളം ചിത്രങ്ങളാണ് ഒടിടിയിൽ എത്തുന്നത്. അതിൽ ശ്രദ്ധേയമായ ചിത്രമാണ് സംഗീത് പ്രതാപും ഷറഫുദ്ദീനും പ്രധാന വേഷത്തിലെത്തിയ ഇറ്റ്സ് എ മെഡിക്കൽ മിറാക്കിൾ എന്ന ചിത്രം. മനോരമ മാക്സാണ് ചിത്രത്തിൻ്റെ ഡിജിറ്റൽ അവകാശം സ്വന്തമാക്കിയിരിക്കുന്നത്. ഒക്ടോബർ 15-ാം തീയതി മുതൽ സംപ്രേഷണം ചെയ്ത് തുടങ്ങും (Image Credit Source : Social Media)
ഈ ആഴ്ചയിൽ ഒടിടിയിൽ എത്തുന്ന രണ്ടാമത്തെ മലയാളം ചിത്രമാണ് ഉർവശിയും ജോജു ജോർജും ഒന്നിച്ച ആശ. സീ5 ആണ് ആശ സിനിമയുടെ ഒടിടി അവകാശം സ്വന്തമാക്കിയിരിക്കുന്നത്. ചിത്രം ഒക്ടോബർ 16-ാം തീയതി മുതലാണ് സംപ്രേഷണം ആരംഭിക്കുന്നത്
ഈ ആഴ്ചയിൽ ഒടിടിയിൽ എത്തുന്ന മൂന്നാമത്തെ ചിത്രം അടിനാശം വെള്ളപ്പൊക്കം എന്ന സിനിമയാണ്. അടി കപ്യാരെ കൂട്ടമണി എന്ന സിനിമയുടെ സംവിധായകൻ ജോണി വർഗീസ് ഒരുക്കിയ ചിത്രമാണ് അടിനാശം വെള്ളപ്പൊക്കം. ചിത്രം സൈന പ്ലേയിലൂടെ ഒക്ടോബർ 16-ാം തീയതി മുതൽ സംപ്രേഷണം ചെയ്യുന്നതാണ്. 2025 ഡിസംബറിൽ തിയറ്ററിൽ എത്തിയ ചിത്രമാണ് അടിനാശം വെള്ളപ്പൊക്കം.
ഈ സിനിമകൾക്ക് ശേഷം ഒടിടിയിലേക്കെത്തുന്ന മറ്റൊരു ചിത്രമാണ് ധൂമകേതു. സജിൻ ഗോപുവും നിഖില വിമലും പ്രധാന വേഷത്തിലെത്തിയ ടൈം ലൂപ്പ് കോമഡി ചിത്രത്തിൻ്റെ ഒടിടി അവകാശം സ്വന്തമാക്കിയിരിക്കുന്നത് നെറ്റ്ഫ്ലിക്സാണ്. ഒക്ടോബർ 23-ാം തീയതി മുതൽ ധുമകേതു നെറ്റ്ഫ്ലിക്സിൽ സംപ്രേഷണം ചെയ്യുന്നതാണ്.
ധുമകേതുവിന് പിന്നാലെ നെറ്റ്ഫ്ലിക്സിലെത്തുന്ന മറ്റൊരു മലയാളം ചിത്രമാണ് ബിജു മേനോൻ്റെ അവറാച്ചൻ ആൻഡ് സൺസ്. ഒക്ടോബർ 30-ാം തീയതി മുതൽ ചിത്രം നെറ്റ്ഫ്ലിക്സിൽ സംപ്രേഷണം ചെയ്യും.
ഇവയ്ക്ക് പുറമെ ഈ മാസം തന്നെ ഒടിടിയിൽ എത്താൻ സാധ്യതയുള്ള ചിത്രമാണ് സൈജു കുറുപ്പിൻ്റെ ആരം. സോണി ലിവ് ആണ് ആരം സിനിമയുടെ ഡിജിറ്റൽ അവകാശം സ്വന്തമാക്കിയിരിക്കുന്നത്. ചിത്രത്തിൻ്റെ ഒടിടി റിലീസ് തീയതി പ്രഖ്യാപിച്ചിട്ടില്ല.m Ott
എല്ലാവരും കാത്തിരിക്കുന്ന മറ്റൊരു ഒടിടി റിലീസാണ് ദുൽഖൽ സൽമാൻ ഐ ആം ഗെയിം. സിനിമയുടെ ഒടിടി അവകാശം ആര് സ്വന്തമാക്കിയെന്നുള്ള ഔദ്യോഗികമായ അറിയിപ്പ് ഇതുവരെ വന്നിട്ടില്ല. അതേസമയം സീ5 ചിത്രത്തിൻ്റെ ഡിജിറ്റൽ അവകാശം സ്വന്തമാക്കാൻ മുൻപന്തിയിലുണ്ടെന്നാണ് ചില സോഷ്യൽ മീഡിയ പേജുകൾ അറിയിക്കുന്നത്. ഔദ്യോഗിക അറിയിപ്പിനായി കാത്തിരിക്കാം
ഒപ്പം സീ5ൽ സംപ്രേഷണം ചെയ്യാനായി കാത്തിരിക്കുന്ന മറ്റൊരു ഒടിടി റിലീസാണ് ദിലീപിൻ്റെ ബാന്ദ്ര. 2023ൽ റിലീസായ ചിത്രത്തിൻ്റെ ഒടിടി അവകാശം അടുത്തിടെയാണ് സീ5 സ്വന്തമാക്കിയത്. അതേസമയം റിലീസ് സംബന്ധിച്ചുള്ള ഔദ്യോഗിക അറിയിപ്പ് ഇനിയും വൈകുകയാണ്.
