ഒരു രാജ്യം, രണ്ട് ഭൂഖണ്ഡങ്ങൾ; ഏഷ്യയിലും ആഫ്രിക്കയിലുമായി സ്ഥിതി ചെയ്യുന്ന രാജ്യം ഏത്?
Which Country Is Located in Both Asia and Africa? Find Out the Answer: ഏഴ് ഭൂഖണ്ഡങ്ങളിലായി വ്യാപിച്ചുകിടക്കുന്ന രാജ്യങ്ങളില്‍ ചിലത് ഒന്നിലധികം ഭൂഖണ്ഡങ്ങളിലായി സ്ഥിതി ചെയ്യുന്നു. യൂറോപ്പിലും ഏഷ്യയിലുമായി വ്യാപിച്ചുകിടക്കുന്ന റഷ്യയെക്കുറിച്ച് പലര്‍ക്കും അറിയാം. എന്നാല്‍ ഏഷ്യയിലും ആഫ്രിക്കയിലും ഒരേസമയം സ്ഥിതി ചെയ്യുന്ന ഏക രാജ്യം ഏതാണെന്ന് അറിയാമോ?
ലോകത്തിലെ രാജ്യങ്ങളും അവയുടെ ഭൂമിശാസ്ത്ര പ്രത്യേകതകളും പൊതുവിജ്ഞാനത്തിലെ രസകരമായ വിഷയങ്ങളാണ്. ഏഴ് ഭൂഖണ്ഡങ്ങളിലായി വ്യാപിച്ചുകിടക്കുന്ന രാജ്യങ്ങളില്‍ ചിലത് ഒന്നിലധികം ഭൂഖണ്ഡങ്ങളിലായി സ്ഥിതി ചെയ്യുന്നു. യൂറോപ്പിലും ഏഷ്യയിലുമായി വ്യാപിച്ചുകിടക്കുന്ന റഷ്യയെക്കുറിച്ച് പലര്‍ക്കും അറിയാം. എന്നാല്‍ ഏഷ്യയിലും ആഫ്രിക്കയിലും ഒരേസമയം സ്ഥിതി ചെയ്യുന്ന ഏക രാജ്യം ഏതാണെന്ന് അറിയാമോ? (Image Credit Source: Getty Images)
അതിന്റെ ഉത്തരം ഈജിപ്താണ്. ഈജിപ്തിന്റെ ഭൂരിഭാഗം പ്രദേശവും വടക്കന്‍ ആഫ്രിക്കയിലാണ്. എന്നാല്‍ രാജ്യത്തിന്റെ ഒരു ഭാഗം ഏഷ്യന്‍ ഭൂഖണ്ഡത്തിലുമാണ്. അതുകൊണ്ടുതന്നെ രണ്ട് ഭൂഖണ്ഡങ്ങളിലായി സ്ഥിതി ചെയ്യുന്ന രാജ്യമായി ഈജിപ്തിനെ വിശേഷിപ്പിക്കുന്നു. വടക്ക് മെഡിറ്ററേനിയന്‍ കടലും കിഴക്ക് ചെങ്കടലും ഈജിപ്തിന്റെ അതിര്‍ത്തികളാണ്. പടിഞ്ഞാറ് ലിബിയയും തെക്ക് സുഡാനും വടക്കുകിഴക്ക് ഇസ്രായേലും അതിര്‍ത്തി പങ്കിടുന്നു.
ആഫ്രിക്കയെയും ഏഷ്യയെയും ബന്ധിപ്പിക്കുന്ന ഭൂമിശാസ്ത്രപരമായ സ്ഥാനമാണ് ഈജിപ്തിനെ സവിശേഷമാക്കുന്നത്. ഈജിപ്തിന്റെ ഏഷ്യന്‍ ഭാഗമാണ് സിനായ് ഉപദ്വീപ്. സൂയസ് കനാലിന് കിഴക്കായി സ്ഥിതി ചെയ്യുന്ന ഈ പ്രദേശം ഭൂമിശാസ്ത്രപരമായി പശ്ചിമേഷ്യയുടെ ഭാഗമാണ്. രാജ്യത്തിന്റെ ആകെ വിസ്തൃതിയില്‍ ചെറിയൊരു ഭാഗം മാത്രമാണെങ്കിലും സിനായ് ഉപദ്വീപിന് വലിയ തന്ത്രപ്രധാനവും ചരിത്രപരവുമായ പ്രാധാന്യമുണ്ട്.
ആഫ്രിക്കയ്ക്കും ഏഷ്യയ്ക്കും ഇടയിലുള്ള കരബന്ധമായും ഈ പ്രദേശം പ്രവര്‍ത്തിക്കുന്നു. മെഡിറ്ററേനിയന്‍ കടലിനെയും ചെങ്കടലിനെയും ബന്ധിപ്പിക്കുന്ന കൃത്രിമ ജലപാതയാണ് സൂയസ് കനാല്‍. ഇതിലൂടെ ആഫ്രിക്കന്‍ ഭൂഖണ്ഡം ചുറ്റി സഞ്ചരിക്കാതെ യൂറോപ്പിനും ഏഷ്യയ്ക്കും ഇടയില്‍ കപ്പലുകള്‍ക്ക് യാത്ര ചെയ്യാം.
കനാലിന്റെ പടിഞ്ഞാറ് ആഫ്രിക്കയും കിഴക്ക് സിനായ് ഉപദ്വീപും സ്ഥിതി ചെയ്യുന്നതിനാല്‍ ഈജിപ്തിന്റെ രണ്ട് ഭൂഖണ്ഡങ്ങളിലായുള്ള സ്ഥാനം വ്യക്തമാണ്. ആഗോള വ്യാപാരത്തില്‍ സൂയസ് കനാലിന് നിര്‍ണായക പങ്കുള്ളതിനാല്‍ ഈജിപ്തിന്റെ സാമ്പത്തികവും രാഷ്ട്രീയവുമായ പ്രാധാന്യവും വര്‍ധിക്കുന്നു.
